2 Bâm 19:14 - BIBLIYA NTAGATIFU OMU MASHI

¹⁴ Yezekiyahu erhi ayusirhôla amaruba ga zirya ntumwa, anacigasoma; okuhandi Yezekiyahu anacisôkera ebwa ka-Nyamuzinda, abungûlira galya maruba embere za Nyamubâho.

2 Bâm 19:14 ပူးပေါင်းရင်းမြစ်များ

Ezra 9:5

Erhi amango g’enterekêro y’ebijingo ganabà, nayîsha najonjoboka na gulya mutula gwâni n’erya mishangi n’ecishûli câni bisharhangusire; nanacifukama, nanaciyinamulira amaboko emunda Nyamuzinda wâni ali,

Ennanga 62:9

Mwe balume, kaz’imucikubagire Nnâmahanga ngasi mango, kaz’imumuhirekwo omurhima: Nyamuzinda lwo lwâkiro lwîrhu.

Lubungo 9:33

Mûsa arhenga aha mwa Faraoni mwâmi w’e Mîsiri n’omu lugo, àyinamulira amaboko gâge emunda Nyakasane ali; emilazô n’olubula byahumba, enkuba erhàcidubukiraga oku idaho.

Izaya 37:14

Hizkiyahu anaci­rhôla galya maruba omu maboko g’abajà-bugo. agasoma. Okubundi ayinamukira omu ka-Nyamuzinda, àgabungulira embere za Nyakasane.

Yeremiya 11:20

Cikwône wêhe, Nyakasane w’Emirhwe, we twa emmanja n’obushinganyanya we singiriza ensiko n’omurhima onyêreke mbone oku wacîhôlerabo bulya we ntûzire olubanja lwâni.

1 Samweli 8:21

Erhi abà amâyumva ebyôla binwa byoshi by’olubaga, Samweli akanya agendibibwîra Nyamubâho.