2 Bâm 17:17 - BIBLIYA NTAGATIFU OMU MASHI

¹⁷ Bakazigeza bagala bâbo na bali bâbo omu ngulumira z’omuliro, bajà omu kulaguza n’okuloga haguma, baciguza omu kujira amabî embere za Nyamubâho, bamugayîsa.

2 Bâm 17:17 ပူးပေါင်းရင်းမြစ်များ

1 Bâm 14:15

Nyamubâho ashembula Israheli, nka kula olusheke luhugunyibwa n’amîshi kwo Nyakasane amanyula Israheli muli ecîra cihugo cinjà ahâga b’îshe, nâbashandabanyiza olundi lunda lw’olwîshi bulya bajizire enshanga zishologosa Nyakasane.

1 Bâm 21:20

Ahabu anacibwîra Eliya, erhi: «Nêci wamanangwâsagya bulya wâni mushombanyi wâni!» Eliya, erhi: «Namakugwasa bulya wacîguzize ene ojira okugalugalu embere za Nyakasane.

1 Bâm 21:25

Harhacîbonekanaga omuntu osirahire aka Ahabu wacîhemulaga omu kugomera Nyakasane erhi mashumi ga mukâge Yezabeli garhuma.

2 Bâm 16:3

Ci ashimba enjira mbî y’abâmi b’Israheli, ciru ageza omugala omu muliro, omu kuyiga engeso mbî za galya mashanja Nyamuzinda akungushaga embere za bene Israheli:

2 Bâm 17:11

Bagend’ikatumbûkiza enshangi omôla birhwa nka kulya galya mashanja Nyamubâho alibirhagakwo embere zâbo gakazagijira. Bajira ntyo ebintu bigalugalu bya okugayîsa Nyamubâho.

2 Bâm 17:31

abantu barhengaga e Hawa bajira Nibazi na Tartaki, abantu barhengaga e Sefarwayimi babakwêba abâna bâbo omu muliro omu kukuza Adrameleki na Anameleki bazimu b’Abanya-Sefarwayimi.

2 Bâm 21:6

Omugala bamugeza omu muliro gw’abazimu, ajà alaguza oku mbûko n’oku nyungu ashubijira abashanga n’abalozi, agayîsa Nyamubâho arhalusa.

2 Nganîro 28:3

agenditumbûkiza obukù omu kabanda ka Bene-Hinomi ageza n’abagala omu muliro omu kushimba obubî bwa galya mashanja Nyamubâho akungushaga embere za bene Israheli,

2 Nganîro 33:6

Ageza abâna bâge omu muliro omu kabanda ka bene Hinomi. Akazâgijira ebwa endagwê y’olujimbi, okulaguza n’ebya obukurungu, ashubihira omu cihugo emandwa n’abalozi. Ajira mabî manji omu masù ga Nyamubâho, galya ga okumukuniza.

Izaya 47:9

Ago mahanya gali mahanya gâkurhindakwo gombi oku caligumiza omu lusiku luguma: okufîrwa n’abâna n’okukana byakurhibukira oku irindo liguma ciru wankacîkubagira obunji bw’amalozi gâwe n’obuhashe bw’amakurungu gâwe.

Izaya 50:1

Kwo adesire ntyâla Nyakasane: «Ngahi ciri ecêrhè c’okuvuna obuhya cihamîriza oku nahulusize nyoko? Nîsi erhi emwa ndi nammuguzize bujà nti lyo mmulyûla emyenda mmubâmwo? Mabî ginyu gàrhumaga muguzibwa, bugoma bwinyu bwarhumaga nyoko ahulusibwa».

Izaya 8:19

Nêci, bammubwîra, mpu: «Muj’idôsa abazimu n’abashonga bakaz’ihwêhwêrheza n’okushungûrha. K’olubaga lurhakwânîni ludôse banyamuzi­nda bâlwo n’okurhûla olw’abazîne emw’abafu?»

Yeremiya 19:5

Bulyâla bayûbasire «orhw’enyanya» rhwa Baali mpu bakazisingônolerakwo bagala bâbo, bakola barherekêra Baali, okwôla ntà mango nakurhegesire, ntà mango nakudesire, ntà mango nakugerêrîze.

Yeremiya 25:7

Ci mwêhe murhayumvagya, Kanwa ka Nyakasane, na ntyo, mwanjira burhè n’emikolo y’amaboko ginyu, n’obuhanya bunali bwinyu.

Yeremiya 27:9

“Ninyu mw’oyo, murhumvagya abalêbi, abashonga, abashâsi n’abenge bakamubwîra mpu murhashige omwâmi w’e Babiloni!”

Yeremiya 7:31

bayûbakire oluhêrero lwa Tofeti omu cibanda ca Ben-Hinomu, mpu bakazisingônolerakwo bagala na bâli bâbo, n’obwo okwo ntakuderhaga na ntà mango nakugerêrîze.

Ezekiyeli 16:21

Wànizire bagala bâni, wabahâna mpu babageze omu muliro, mpu lyo abo bazimu bâwe bajà irenge.

Ezekiyeli 20:26

nabazinza n’enterekêro zâbo, omu kubahûna nterekêro abâna bâbo b’enfula, kwàli kubahana, lyo bamanya oku nie na ndi Nyamubâho.

Ezekiyeli 20:31

omu kuhâna entûlo zinyu n’omu kukazigeza abâna binyu omu muliro? Ka kunali kw’okuli okûla mwakaziyôrha mwacîhemula n’abazimu binyu boshi kuhika oku lusiku lw’ene? Ka niono, nanabuligiyêmêra muyishindôsa, wâni mulala gwa Israheli? Ndahîre oku izîno lyâni, kw’adesire Nyakasane Nyamubâho, ntâzige mwayishindôsa.

Ezekiyeli 23:37

Ebwakubà bacîbêrîre bagonyi, amaboko gâbo gakuyîrha, bajire omu bugonyi haguma n’ahazimu bâbo. Oku biyêrekîre abâna bàmburhiraga, bàbagezize omu muliro mpu lyo babasingônola.

Ezekiyeli 23:39

Na, oku badwîrhe barherekêra abâna bâbo emwa abazimu bâbo, banabulikanya muli olwôla lusiku lônene bagendizinza aka-Nyamuzinda kâni. Obwînage ebi bàjizire omu nyumpa yâni mwonênè.

Ben Levi 18:21

Orhahîra wacîshomya mpu wahâna muguma omu bâna bâwe mpu bamugeze omu muliro lyo bakuza omuzimu Moleki, na kandi orhahemukiraga izîno lya Nyamuzinda wâwe. Nie Nyakasane okudesire.

Ben Levi 19:26

Murhahîra mukalya akantu haguma n’omwamba, murhahîra mukalangûza, nîsi erhi mukajira eby’obukurungu.

Ben Levi 19:31

Murhahîra mukagend’idôsa ihano emwa abarherekêra abazimu, nîsi erhi e­mw’abashonga. Mumanye mwankanagend’ibadôsa ihano, bulya banarhuma mwahemuka. Nie Nyakasane okuhanzize.

Mikeyo 5:12

Nârhenza ensalamu zâwe z’okubinjwa, ntenze n’emitungo yâwe, lêro orhakacigashâniza omukolo gw’amaboko gâwe.

Ebijiro 16:16

Lêro kwanacibà lusiku luguma erhi rhwaj’ishenga, rhwashiâna omujà-nyere wali ogwêrhwe na shetani w’obulaguzi; amalêbi gâge gakâg’ilêrhera bannawâbo bintu binji.

Barom 7:14

Rhukumanyire, nêci: irhegeko kali kantu ka bunya-mûka; ci niehe ndi kantu ka bunya-mubiri, mugulwa, mujà w’ecâha.

Bagalasiya 5:26

Rhurhakâg’icîlongeza obukuze burhali bwo; rhuleke okukahalalirana n’okuyâgalwa n’abirhu.

Lushika 32:16

Bàrhuma abà mitula, erhi banyamuzinda b’embuga bàrhuma; bamujira burhè n’ebyakobwa.

Lushika 4:25

Amango mwabà mwamaburha abâna munakola mugwêrhe abinjikulu, amango mwabà mukola muli nsiku mw’eco cihugo, erhi mwakakola amaligo mukajira enshusho mbinje, kwo kukola ebigayisize Nyamubâho n’okumujira burhè,