2 Bâm 16:18 - BIBLIYA NTAGATIFU OMU MASHI

¹⁸ Acinyihya erhi oyo mwâmi w’e Asîriya arhuma ebyali byûbakirwe emikolo y’olwa Sabato, omu ka-Nyamuzinda, kuguma n’emuhanda aha mwâmi akazâgigera.

2 Bâm 16:18 ပူးပေါင်းရင်းမြစ်များ

1 Bâm 10:5

erhi abona kurhi enyama zadarhulwa oku cîbo câge, kurhi enyumpa z’abambali ziyinjihire, erhi alola oku mikolo n’emyambalo y’abarhumisi bâge, abarhanza amamvu, obunji bw’enterekêro arherekêra omu ka-Nyamuzinda, arhacihashig’ibikira emurhima anacibwîra mwâmi erhi:

2 Bâm 11:5

Anacibakomêreza erhi: Alagi oku mwakazijira: Cigabi ciguma ca kasharhu ca muli mwe cakalanga ngasi lwa Sabato, kandi banayinamuka bagend’ilanga aha bwâmi.

2 Bâm 16:17

N’okundi mwâmi Akazi avunanga orhucîkirizo n’amakondo, akûla enyôgero abungulula eciyanja càbâga kuli zirya mpanzi z’omulinga zakazâg’icibarhula, acîhira oku idaho ahâli habambirwe amabuye.

2 Bâm 16:19

Ebindi by’olwa Akazi n’ebi ajizire byoshi, ebyo byoshi ka birhali biyandike Oku citabu c’Empiriri z’Abâmi b’Israheli?

1 Nganîro 9:18

Abâna bâbo kuhika ene bo banacibà mw’o­ gwo mukolo aha muhango gw’ebushoshôkero, omuhango gwa mwâmi. Bashakulûza bâbo bo bàbâga balanzi b’emihango y’icumbi ly’abaleviti.

Ezekiyeli 44:3

Erhi omuluzi ankayisha mpu ajibêra hwo, ebwa kubà ali muluzi, mpu alîre hwo ebiryo by’enterekêro embere za Nyamubâho; oyo muluzi anagerere omu kabadu ka ogwo muhango n’omu kugalukamwo anashubiyisha.

Ezekiyeli 46:2

Mwâmi anayisha olunda lw’akabadu kali ebwa muhango, anabêra aha burhambi bw’akaboko k’olumvi; abadâhwa bânarhûla enterekêro yâge y’ensirîra n’eyindi y’omurhûla. Bâyusa, ânafukamiriza ahôla burhambi bw’omuhango, kandi anagaligenda; olwoôa lumvi lwânashubiyigalwa bijingo.