2 Bâm 15:29 - BIBLIYA NTAGATIFU OMU MASHI

²⁹ Agôla mango Pekahe ali mwâmi w’Israheli, Tiglati-Pileseri mwâmi w’e Asîriya ayisha arhabîre, anaciyanka Iyoni, arhôla na Abel-Bet-Maaka, arhôla Yanowaha, ahirakwo Kedeshi, Hasori, na Gileyadi, kuguma na Galileya n’e cihugo ca Nefutali, abâli bagwâsirwe mpira abajana e Sîriya.

2 Bâm 15:29 ပူးပေါင်းရင်းမြစ်များ

1 Bâm 14:15

Nyamubâho ashembula Israheli, nka kula olusheke luhugunyibwa n’amîshi kwo Nyakasane amanyula Israheli muli ecîra cihugo cinjà ahâga b’îshe, nâbashandabanyiza olundi lunda lw’olwîshi bulya bajizire enshanga zishologosa Nyakasane.

1 Bâm 15:20

Ben-Hadadi ayumva mwâmi Asa, anacirhuma abarhambo b’engabo yâge mpu bagend’inyaga ebishagala by’Israheli; anacihagula Iyoni, Dani, Abel-Bet-Maaka na Kinereti yêshi haguma n’ecihugo ca Nefutali coshi.

1 Bâm 9:11

naye Hiramu abîre amâyûsa okuhà Salomoni emirhi y’emiyerezi n’ensindani, abîre amamuhâ amasholo nk’oku analonzagya, mwâmi Salomoni naye ahâ Hiramu bishagala makumi abirhi omu cihugo c’e Galileya.

2 Bâm 15:19

Omu mango gâge, Pulu mwâmi w’e Sîriya ajà omu cihugo, Menahemu aha Pulu talenta cihumbi za marhale mpu lyo balama boshi haguma anamudêkereze omu bwâmi bwâge.

2 Bâm 15:20

Agôla marhale, Menahemu agakulaga kuli bene Israheli, akahongêsa ngasi banali ba burhwâli boshi, n’okuhà oyôla mwâmi w’e Sîriya. Ngasi muntu akazâgivurha sikêli makumi arhanu. Oyôla mwâmi w’e Sîriya, ahindamuka, arhabêraga omwôla cihugo.

2 Bâm 15:28

Ajira ebigalugalu omu masù ga Nyamubâho; arhalekaga galya mabî ga Yerobwâmi mugala wa Nebati, galya ajirisagyamwo Israheli ecâha.

2 Bâm 15:30

Hoseya mugala wa Ela erhi abà amâjirira Pekahe obugoma, ayîrha Pekahe, mugala wa Remalyahu anaciyîma ahâli hâge, omu mwâka gwa kali makumi abiri gw'okuyîma kwa Yotami, mugala wa Uziyahu.

2 Bâm 16:10

Mwâmi Akazi akanya ajà e Damasko, ajiyankirira Tiglati-Pileseri, mwâmi w’e Asîriya. Erhi abona oluhêrero lwàli aha Damasko mwâmi Akazi anacirhumira omudâhwa Uriya enshusho na engero zalo mpu baluyûbake banaluyunjuze loshi.

2 Bâm 16:7

Akazi arhuma entumwa emwa Tiglati-Pileseri, mwâmi w’e Asîriya, mpu bagendimubwîra, erhi: «Ndi mwambali wâwe na mugala wâwe, osôke oyîshe ondîkûze kuli mwâmi w’e Sîriya n’omwâmi w’Israheli, bantabâlire.»

2 Bâm 17:20

Nyamubâho akabulira obûko bwa bene Israheli boshi, abalibuza, aleka banyagwa kuhika amango abayêgûlaga loshi embere z’obusù bwâge.

2 Bâm 17:23

Kuhika Nyamubâho alinda abakaga kuli embere zâge kulya anali amabarhonda omu kanwa k’abarhumisi bâge b’abalêbi. Israheli ahêkwa kuli n’ecihugo câge, omu Asîriya, yo anacibà kuhika mwa gano mango.

2 Bâm 17:6

Omu mwâka gwa kali mwenda kurhenga Hozeya ali mwâmi, oyo mwâmi w’e Asîriya agwârha Samâriya; bene Israheli babâgamwo abahêka e Asîriya, ajibahira aha Hala, oku Habori lwîshi lw’e Gozani, n’omu bishagala bya Mêdi.

2 Bâm 18:11

Omwâmi w’e Asûru aluliza ab’e Israheli, abakûla e Asûru abaheka e Hala hôfi n’e Habori, lwo lwîshi lw’e Gozani, n’omu bishagala by’e Mêdi.

2 Bâm 19:11

Omanyire wênene, ebi abâmi b’e Asîriya bahenyire ebihugo, babiherêrekeza! Nâwe wêne olangalirage oku wabafumamwo!

2 Bâm 8:11

Okubundi olya muntu wa Nyamuzi nda azinzibala obusù ecifufu camugwârha yêshi ayunjula eziri nka nshonyi,

1 Nganîro 5:22

Byabîre ntyo bulya ebyo birha byàli biyêrekîre Nyamuzinda. Bacîyûbakira omwo cihugo c’Abahagiri banabêramwo kuhika omu nsiku balulizibagwa ihanga lya bene.

1 Nganîro 5:26

Okwo kwarhuma Nyamuzinda asinsimula obukunizi bwa Pulu, mwâmi w’e Asîriya, n’obukunizi bwa Tiglati-Falasari, naye mwâmi w’e Asîriya. Ahêka obûko bwa Rubeni n’obwa Gadi ihanga, na cirya cigabi c’obûko bwa Menashè. Abahêka cingana e Hala hôfi n’enyîshi za Habori na Gozani. Eyo munda yo banacibà kuhika ensiku z’ene.

1 Nganîro 5:6

Beera; oyo muzinda àli murhambo wa bene Rubeni, ye walulizibagwa na Teglati-Falasari, mwâmi w’e Asîriya.

2 Nganîro 16:4

Ben-Hadadi ayumva mwâmi Asa; arhuma abarhambo ba engabo y’abalwî bâge barhabâlira engo za Israheli, banacinyaga, Iyoni, Dani, Abeli Mayimi na ngasi ngo zàli za mbîko omu Nefutali.

Nehemiya 9:32

Na bunôla mâshi Yâgirwa Nyakasane Nyamuzinda wîrhu, we Nyamuzinda mukulu, Ogala-byoshi na wa kujugumya, we olanga endagâno yâwe bwinjà, orhalolaga ebintu bya busha busha, aga malumwa goshi garhujirekwo, rhwenene, abâmi bîrhu, abarhambo bîrhu, abadâhwa bîrhu, abalêbi bîrhu, ababusi bîrhu, n’olubaga lwâwe lwoshi kurhenga oku bâmi b’e Sîriya kuhika mwa zino nsiku.

Izaya 1:7

“Ecihugo cinyu cikola bwerûle, ebishagala binyu byadûlisirwe muliro, abanya-mahanga balire amashwa ginyu erhi munadwîrhe mwasinza: abanya-mahanga bagayoniremwo, bagasiga bwâmwa”.

Izaya 37:18

Nêci, kwo binali, Yâgirwa Nyakasane, abâmi b’e Asîriya baherêrekîze amashanja goshi n’ebihugo byâbo.

Izaya 7:16

Ci embere nyamwâna amanye okulahira ehibî n’okucîshoga ehinja, eco cihugo c’abôla bâmi bombi badwîrhe bakujugumya, casigala bigûkà.

Izaya 7:20

Olwo lusiku, n’olugembe agend’irhiza ishiriza ly’Olwîshi, ye mwâmi w’e Asîriya, Nyakasane âmôma irhwe n’obwôya buli oku magulu, ciru n’obwânwa.

Ezekiyeli 23:9

Lêro nanacimuhâna emwa abôla basôlomi bâge, emwa abanya-Asûru abôla anali asîmire.

Ben Levi 26:32

Nâsherêza ecihugo cinyu, kulya kwarhuma abashombanyi binyu bazânwa, amango baciyûbakamwo.

Amosi 1:13

Ntya kwo Nyakasane adesire: «Oku mabî asharhu ga bene Amoni n’oku anni, nahizire burhashubira nyuma. Kulya kubà bàbwâgwire enda z’abakazi bali mazîmi b’e Galadi, mpu lyo bagalihya ecihugo câbo.

Amosi 1:3

Ntya kwo Nyakasane adesire: «Oku mabî asharhu ga Damasi n’oku anni, nahizire burhashubira nyuma! Kulya kubà bàtûntumire Galadi n’e­byûma bajà bakulula.

Amosi 5:27

“Bulya nkola nammululiza kurhaluka e Damasi, kwo Nyakasane Nyamuzinda w’Emirhwe adesire”».

Amosi 6:14

“Akabà ntyo, wâni nyumpa y’Israheli, kwo Nyakasane adesire, nkolaga nâkulerhera ishanja lyâkulibuza, kurhenga aha lusò lwa Hamati kuhika oku mugezi gwa Araba”».

Mibalè 32:1

Bene Rubeni na bene Gadi bali bagwêrhe masô manji bwenêne ga bishwêkwa. Erhi babona oku ecihugo ca Yazeri n’ecihugo ca Galadi biri bihugo binjà kuli ago masô gâbo,

Mibalè 32:40

Mûsa, ecihugo ca Galadi acîhà Makiri, mwene Menashè; naye anaciyûbaka mulico.

Lushika 28:25

Nyamubâho akazikujira okwâmwe n’abashombanyi bâwe: òkola warhabâla ogende mulongojira, ogaluke wayisha wabayâka mihanda erhabugânana, wâbà namakobwa oku mâmi g’igulu goshi.

Lushika 3:15

Galadi namugabira Makiri.

Yozwe 11:1

Yabini, mwâmi w’e Hasori, erhi ayumva oku kwo byabîre ntyo, arhuma entumwa emwa mwâmi Yobabu, mwâmi w’e Madoni, arhuma e­ ntumwa emwa omwâmi w’e Shimroni, arhuma entumwa emw’omwâmi w’e Akishafa,

Yozwe 11:10

Muli ago mango gonênè, Yozwè ahindamuka, arhôla Hasori, anacigeza omwâmi w’eyo munda oku bwôji bw’engôrho; bulya omu mango ga mîra, Hasori ye wali lugo lukulu lw’ago mâmi goshi.

Yozwe 11:13

Ci Israheli arhayôcagya olugo ciru n’oluguma muli zirya ngo zàli nyûbake oku rhurhondo, oyo Hasori yêne adûlisire muliro.

Yozwe 12:19

omwâmi w’e Hasori, muguma;

Yozwe 16:6

Olwo lubibi lwakazâgihika ebwa buzika-zûba kujà e Mikimetati, lwazonga ebwa Tanati-Silo, lwanacigera embere zâge ebuzûka-zûba bwa Yanowah.

Yozwe 19:35

Engo zâbo nzibu zàli: Sidimi, Seri, Hamati, Rakati,

Yozwe 19:37

Kedesi, Edreyi, Eni-Hasori,

Yozwe 20:7

Banacìcîshoga Kedesi omu Galileya, omu ntondo ya Nefutali; Sikemi omu ntondo ya Efrayimu na Kiryata-Arba, yerigi Hebroni, omu ntondo ya Yûda.

Bacîranuzi 18:30

Bene Dani banaciyûbakira erya nsalamu, na Yehonatani, mwene Gershomi, mugala wa Mûsa, n’abagala bayôrha bali badâhwa b’omulala gwa Dani, kuhika olusiku ecihugo coshi cahêkagwa bujà.

Bacîranuzi 4:2

Na Nyakasane anacibaguza emwa Yabini, mwâmi w’e Kanâni, owaliyîmire aha Hasori. Omurhambo w’engabo y’abalwî bâge ye wali Sisera, ayûbakaga aha Harosheti, emw’amashanja.