2 Bâm 14:25 - BIBLIYA NTAGATIFU OMU MASHI

²⁵ Ashubiyumanyanya embibi z’Israheli, kurhenga oku muhango gwa Hamati kuhika oku nyanja y’Araba omu kushimba akanwa ka Nyamubâho, Nyamuzinda w’Israheli, aka aderhaga omu kanwa k’omulêbi Yônà, mugala wa Amitayi, owayûbakaga e Gati-Heferi.

2 Bâm 14:25 ပူးပေါင်းရင်းမြစ်များ

Murhondêro 14:3

Abâla bazinda bayankira omuhigo omu kabanda ka Sidimi yo enaligi nyanja y’omunyu.

1 Bâm 8:65

Nêci kwo mwâmi Salomoni akuzize olwôla lusiku ntyo haguma na bene Israheli boshi, yali ndêko ya ngabo nyinji yagwârhira oku muhango gwa Hamati oku mugezi gw’e Mîsiri. Bajira olwôla lusiku lukulu embere za Nyakasane Nyamuzinda wîrhu, burhanzi nsiku nda, kandi zindi nda kwo kuderha ikumi n’ini zoshi haguma.

2 Bâm 10:32

Muli agôla mango Nyamubâho arhondêra okufunyâza Israheli, Hazaheli anacirhondêra okuhimira Israheli omu cihugo câbo conênè.

2 Bâm 13:25

Yoash mwene Yowakazi, anyaga Ben-Hadadi, mugala wa Hazaheli, birya bishagala Hazaheli arhôlaga omu ntambala boshi na Yowakazi, îshe wa Yoash. Yoash abahima kasharhu anabanyaga ebyôla bishagala by’Israheli.

2 Bâm 13:5

Nyamubâho aha bene Israheli omucunguzi n’erhi babà bamalikuzibwa oku bantu b’e Sîriya, bene Israheli bayûbaka n’omurhûla nk’oku banayôrhaga amango g’embere.

2 Bâm 14:24

Ajira ebigalugalu embere za Nyamubâho, ajira ebyâha biri nka ebya owundi Yerobwâmi mugala wa Nebati birya ajirisagyamwo Israheli ecâha.

Ezekiyeli 11:10

Ngôrho yamumaliriza omu cihugo c’Israheli, namutwîra olubanja lyo munamanya oku nie Nyamubâho.

Amosi 6:14

“Akabà ntyo, wâni nyumpa y’Israheli, kwo Nyakasane adesire, nkolaga nâkulerhera ishanja lyâkulibuza, kurhenga aha lusò lwa Hamati kuhika oku mugezi gwa Araba”».

Yônà 1:1

Akanwa ka Nnâmahanga kanacirhindakwo Yônà mwene Amitayi, erhi:

Mibalè 13:21

Basôka, bajà bayenjayenja ecihugo, kurhenga okw’irungu lya Sini kuhika e Rehobu, oku njira yajà e Hamati.

Mateyo 16:4

Eri iburha libî n’ery’endyâlya lyalonza ecimanyîso! Ecimanyîso ntâco lyahâbwa, ecirhali c’omulêbi Yônà!» Aho abaleka, acîgendera.

Lushika 3:17

Araba na Yordani lwâbà lubibi lwâbo, kurhenga e Kinereti kuhika oku nyanja ya Araba, oku nyanja y’omunyu omu marhambi ga Pisiga e bushoshôkero bw’izûba.

Yozwe 19:13

Kurhenga eyo munda lwagendigera olunda lw’e buzûka-zûba, ebushoshôkero aha Gati­ Heferi, oku lugo lwa Kasini, lwanacihika aha Rimoni, obibikanwa na Nea.