2 Bâm 12:17 - BIBLIYA NTAGATIFU OMU MASHI

¹⁷ Enfaranga bakazâgihonga oku nterekêro y’okuhûna obonjo oku byâha, enfaranga za ngasi cindi citumule, ezôla nfaranga zirhakazigija omu ka-Nyamuzinda e Yeruzalemu; zàli za badâhwa.

2 Bâm 12:17 ပူးပေါင်းရင်းမြစ်များ

1 Bâm 15:18

Asa anaciyanka amarhale n’amasholo goshi gali gacisigîre omu mbîko ya Nyakasane kuguma n’ebirugu by’omu nyumpa ya mwâmi, anacibibarhuza abambali; mwâmi Asa anacibirhuma emwa Ben-Hadadi mugala wa Tabrimoni, mwene Heziyoni, mwâmi w’Aramu ayûbakaga aha Damasko mpu bagend’imubwîra erhi:

1 Bâm 19:17

Owafulumuka engôrho ya Hazayeli, Yehu anamuyîrhe; owafume Yehu, Elishaʿ anamushirame.

2 Bâm 10:32

Muli agôla mango Nyamubâho arhondêra okufunyâza Israheli, Hazaheli anacirhondêra okuhimira Israheli omu cihugo câbo conênè.

2 Bâm 10:33

Kurhenga oku Yordani kujà ebushoshôkero bw’izûba, ahima ecihugo ca Gileadi coshi, ahima bene Gadi, ahima bene Rubeni, ahima bene Menashè, kurhenga oku Aroeri oku mugezi gwa Arnoni, kuguma na Gileadi na Bashani.

2 Bâm 13:3

Oburhè bwa Nyamubâho bwanaciyâka bwenêne kuli Israheli. Bene I sraheli, Nyamubâho abahâna omu maboko ga Hazaheli, mwâmi w’e Sîriya n’omu maboko ga Ben-Hadadi mugala wa Hazaheli, akaziyôrha abalibuza ngasi mango.

2 Bâm 16:8

Akazi anaciyanka enfaranga n’amasholo gali omu ka-Nyamuzinda kuguma n’ezali omu mbîko omu nyumpa ya mwâmi, abirhuma nka luhembo emw’omwâmi w’e Asîriya.

1 Nganîro 18:1

Enyuma z’aho, Daudi ahima Abafilistini, abagombya lwoshi omu kubanyaga ecishagala ca Gati n’ebindi bishagala by’eburhambi.

1 Nganîro 8:13

Beriya na Shema, abo bâli bagula b’emilala y’abantu b’e Ayaloni; balibirha oku bantu b’e Gati.

Yeremiya 42:15

ago mango, musigala gwa Yûda, yumvi akanwa ka Nyakasane. Ntya kw’adesire, Nyakasane w’Emirhwe, Nyamuzinda w’Israheli. Erhi mwakahiga mpu yo mwaja e Mîsiri, mukà­nayijà mpu mubêreyo,

Daniyeli 11:17

“Ayish’ilâlira ayishe nk’oku emisî y’ecihugo câge enali, kandi ânayumvikana boshi naye; ânamuha mwâli wa mukâge lyo amuherêrekeza; ci okwôla kurhâhashikane, naye yêne arhâhashe”.

Ben Levi 7:7

Enterekêro y’okuhyûla kuguma ejirwa n’okushukûla ebyâha. Irhegeko linali liguma kuli zombi. Enyama yabâgagwa yabà y’olya mudâhwa warherekêraga eyo ntûlo y’okulyûla.

Ben Levi 7:9

Ngasi nterekêro yakalangiragwa omu cibekenge c’omuliro, kandi erhi omu nyungu, nîsi erhi aha lukalango enali y’olya mudâhwa warherekêraga.

Habakuki 1:9

Boshi bayishîre obuhagwe; bamêsize amasù nka mpûsi y’ebushoshôkero bw’izûba, bayisha bashûkuza ebigorogo nka mushenyi gw’oku nyanja.

Mibalè 18:9

“Alaga ebyakaziba byâwe omu bintu bimâna bwenêne, omu biryo birherekêre: entûlo zoshi za bene Israheli bakazizingalulira, enterekêro z’enkalangè zoshi, enterekêro zâbo zoshi oku byâha n’enterekêro zâbo zoshi z’empongano bakanayîshikampa zoshi: ebyôla byoshi nka bintu bimâna bwenêne, byâbà byâwe kuli we n’oku bagala bâwe”.

Luka 9:51

Erhi ensiku zâge z’okurhenga en’igulu zihika, anacihiga okujà e Yeruzalemu.

Luka 9:53

Ci barhamuyankiriraga, bulya ali ayêrekîre e Yeruzalemu.

1 Samweli 27:2

Daudi ahuma ntyôla enjira yâge bône balya bambali bâge magana galindarhu banali boshi naye, bayâkira emwa Akishi, mugala wa Maoki, mwâmi w’e Gati.