2 Bâm 12:12 - BIBLIYA NTAGATIFU OMU MASHI

¹² Erhi bayûsagya okuganja ezo nfaranga banaziha abadwîrhe bajirisa emikolo, abâli bahizirwe okwo ka­ Nyamuzinda; nabo banazigabira ababinji b’emirhamba, n’abayûbasi b’aka­ Nyamuzinda,

2 Bâm 12:12 ပူးပေါင်းရင်းမြစ်များ

1 Bâm 5:15

Hiramu mwâmi w’e Tiri arhuma abambali emwa Salomoni bulya ali amâyumva oku bamushîzire amavurha g’obwanga ahâli h’îshe, erhi na Hiramu ayorhaga abà mwîra wa Daudi.

2 Bâm 12:11

Erhi babonaga omw’isanduku mukola muli nfaranga zirhali nyi, banagend’ihamagala omwandisi wa mwâmi naye anayinamuka boshi n’omudâhwa mukulu kandi banashûbûza banaganje zirya nfaranga zoshi nk’oku zanali omu ka-Nyamuzinda.

Ezra 3:7

Banacihâna ensaranga emw’abashongola amabuye n’ababinji b’empaho. Banacihana ebiryo n’amamvu n’amavurha oku Banyasidoni n'Abanyatiri mpu babarhumire emirhi y’ecidra y’e Libano omu kubigereza oku nyanja kuhika e Yafà, nk’oku mwâmi Sirusi w'Abapersi anali amâyêmêra.

Ezra 5:8

Mwâmi amanye oku rhwajire omu lugo ly’Obuyahudi, aha nyumpa ya Nyamuzinda mukulu. Edwîrhe yayûbakwa n’amabuye manene n’emirhi edwîrhe yayongoberera omu nkuta. Ogwo mukolo gudwîrhe gwajirwa ntyo gunagendesire bwinjà omu maboko gâbo.

Luka 21:5

Erhi baguma babà badwîrhe baderha mpu aka-Nyamuzinda kayûbasirwe n’amabuye minjinjà kanabambirwe n’ebindi by’entûlo bya ngulo ndârhi, ababwîra, erhi: