2 Bâm 11:12 - BIBLIYA NTAGATIFU OMU MASHI

¹² Okubundi omudâhwa anaciyêrekana olya mwene mwâmi, amuyambisa ishungwè n’ecêrekane, bamuyîmika mwâmi, bamushîga amavurha, bakoma kagasha mpu: «Mwâmi aganze»!

2 Bâm 11:12 ပူးပေါင်းရင်းမြစ်များ

2 Samweli 1:10

“Kwo kumuyegeraga, nanamuyîrha ebwa kubà nalimbwîne oku hano akumba arhacizûke. Nayanka engôrho yamuli omu nfune n’ishungwè lyamuli okw’irhwe, by'ebîra ndwîrhe embere zâwe nnâhamwîrhu.”»

2 Samweli 12:30

Arhôla ecimanè càli oku irhwe lya Milkoni. Eco cimanè c’amasholo càli ca buzirho bwa birò makumi asharhu na kulusha, calikwo n’ibuye ly’engulo ndârhi; balihira Daudi omu irhwe mpu akalimbamwo.

2 Samweli 16:16

Amango Omunya-Arkiti, owali mwîra wa Daudi ajag’ishiga Absalomu, Hushagi abwîra Absalomu, erhi: «Mwâmi aganze, mwâmi aganze!»

2 Samweli 2:4

Abantu b’e Yûda banaciyisha, bashigira Daudi amavurha gw’o­ bwâmi ahôla Hebroni. Bamuyîmika mwâmi w’omulala gwa Yûda. Banacimanyîsa Daudi oku abantu b’e Yabeshi omu Galadi, babishaga Saulu.

2 Samweli 2:7

Na bunôla, musezagye omurhima omu nda, mubè ntwâli: Nêci mwâmi winyu Saulu afîre, nâni ecihugo ca Yûda canyîmisire mwâmi.»

2 Samweli 5:3

Ntyo abagula b’Israheli boshi bashimânana na mwâmi Daudi aha Hebroni; banacinywâna naye embere za Nyamubâho aha Hebroni, Daudi bamushîga amavurha g’okubà mwâmi w’Israheli.

1 Bâm 1:25

Bulya anayandagîre ene, amanarherekêra empanzi, amanina gashushagîre, ebibuzi mwandu, amâlâlika bagala ba mwâmi boshi, abarhambo b’engabo ya mwâmi n’omudâhwa Abiyatari. Lolaga oku bakola badwîrhe balya bananywêra embere zâge banakâderha mpu: “Alame mwâmi Adoniyasi!”

1 Bâm 1:34

“eyôla munda, omudâhwa Sadoki n’omulêbi Natani bamushîge amavurha g’okubà mwâmi w’Israheli; mubûhe emishekera munaderhe mpu: Alame mwâmi Salomoni!”»

1 Bâm 1:39

Omudâhwa Sadoki anaciyanka ihembe lyamavurha omu ihêma, anacigashîga Salomoni, babûha emishekera, olubaga lwanaciderha, erhi: «Alame mwâmi Salomoni!»

1 Bâm 2:44

Mwâmi anacibwîra Shimeyi erhi: «Oyishi n’omurhima gwâwe gukumanyire mabî maci wajirîre larha Daudi; Nyamubâho akubarhuza galya mabî goshi wanajizire.

2 Bâm 11:11

Balya balanzi, ngasi muguma n’emirasano yâge omu nfune, banakalanga olunda lw’ekulyo kujà olunda lw’ekumosho kw'enyumpa hôfi n’oluhêrero na hôfi h’enyumpa ntyo banazonga mwâmi.

2 Bâm 11:2

Ci konene Yehosheba mwâli wa mwâmi Yoramu na mwâli wâbo Akhaziyasi, arhôla Yoash mwene Akhaziyasi amukûla muli balya bâna ba mwâmi bakazâgiyîrhwa agendimufulika boshi n’omukazi wakazâgimulera omu nyumpa y’okubikira encingo. Bamukûla ntyo omu masù ga Ataliya arhacihashaga okumuyîrha.

2 Bâm 11:4

Omu mwâka gwa nda, Yehoyada arhuma abagendilonza abasirika b’e Kari n’abalanzi, abahira aha burhambi bwâge omu ka-Nyamuzinda. Banacinywâna boshi naye, abagasha omwôla ka-Nyamuzinda na buzinda abayêreka olya mwene mwâmi.

2 Bâm 9:13

Ho na halya ngasi muguma abamba ecishûli câge, banacimutamazakwo e nyanya ly’emishonezo, banacibûha omushekera mpu: «Yehu ye okola oli mwâmi».

2 Bâm 9:3

Wanarhôla erya njebe yâwe wanamubulagira amavurha aha irhwe onaderhe erhi: Ntya kwo Nyamubâho adesire: Nkushîzire amavurha g’okubà mwâmi w’Israheli. Buzinda bw’aho wanayigula olumvi ociîibirhire buzira kulinda.

2 Nganîro 23:11

Banaciyegeza mwene mwâmi embere, bamuyambisa ishungwè banamuhirakwo ecêrekane banacimuyîmika mwâmi. Yehoyada n’abagala banacimushîga amavurha, banaciderha mpu: «Mwâmi aganze!»

Esteri 2:17

Mwâmi anacirhonya bwenêne Esteri kulusha abandi bagoli boshi, arhona azigirwa kulusha abandi bananyere boshi. Anacimuyambisa ecimanè c’obwamikazi oku irhwe anacimujira mwamikazi ahâli ha Wasti.

Esteri 6:8

Erhi kukwânîne okuyanka omwambalo gw’obwâmi, gulya mwâmi yênene akola arhanzir’iyambala n’okumuyamhisagwo; kandii okumuhira oku nfarasi mwâmi yenne akola arhanzir’igendakwo; erya ebarhwîre ecimanè c’obwâmi omu irhwe.

Ennanga 132:18

Abamushomba boshi nâbabonêsa nshonyi, n’irhwe lyâge lilabukekwo akashambala kâni.»

Ennanga 21:3

Wàmushobôzize eci omurhima gwâge gucîfinja, orhanabulaga bwayumvîrhiza omusengero gw’akanwa kâge.

Ennanga 21:4

Wanacimuhà obwangà burhajirwa na wundi, wamuyambika ishungwè ly’amasholo oku irhwe.

Ennanga 47:1

Gwârhi omukulu w’abimbiza. Lwa bene Korè. Lulanga.

Ennanga 78:5

Ayansire aderha akanwa omu ca Yakôbo, agwîka irhegeko omu ca Israheli. Akomêreza ababusi bîrhu mpu irhegeko bahîrwe balimanyîse abâna bâbo.

Ennanga 89:39

Lêro kwayishirigibà kujandâga ojandâga! olya washîgaga wêne wamulubîrage!

Ennanga 98:8

Enyîshi zikome akagasha, oku entondo zahinda.

Lubungo 25:16

“Endagâno nakuhà oyibîke muli ogwo mucîmba.”

Lubungo 31:18

Cazînda, erhi àyûsishambâza Mûsa oku ntondo y’e Sînayi, amuhà zirya mbale ibirhi z’Obuhamîrizi, mbale ibirhi za mabuye, zayandikagwa n’omunwe gwa Nyakasane.

Izaya 55:12

Nêci, mwâgenda muyunjwire bushagaluke munaje nwayêrekwa enjira y’omurhûla; entondo n’orhurhondo byâkaz’immukomera kagasha, n’emirhi yoshi y’erubala ekûbize.

Izaya 8:16

“Obwo buhamîrizi obuhamike, ezo nyigîrizo ozihirekwo eciziriko omu murhima gw’abashimbûlizi bâni.”»

Izaya 8:20

Ako kanwa bakaderha mpu bayigîrize banahamîrize, ci barhakâbona buce!

Ndûlù 4:20

Ngasi oyu akalamo kîrhu kàli kacisimikirekwo, oyu kàlicîkubagire, o­mwâmi washîgagwa amavurha na Nyakasane, ye rhwakagiderha, nti: «Ye rhwalamirakwo oyu omu karhî k’amashanja», y’oyo naye wagwaâsirwe mpira omu mwîna gw’omushombanyi!

Daniyeli 3:9

Banacibwîra mwâmi Nabukondonozori mpu: «Yâgirwa Mwâmi, olame e­nsiku zoshi!

Daniyeli 6:21

Erhi ahika aha bulumba anaciyâkûza Daniyeli n’izù ly’omutula erhiâ «Mashi, Daniyeli murhumisi wa Nyamuzinda ozîne, k’oyo Nyamuzinda wâwe orhumikira ngasi mango anahashirikulikûza kw’ezo ntale?»

Mateyo 21:9

Orhutù rhwàli rhushokwîre n’orhwali enyuma rhwakaz’ibanda orhuhababo, rhwanaderha, mpu: «Aganze Mwene Daudi! Agishwe oyu oyishire oku izîno lya Nyakasane! Hozana omu mpingu enyanya!»

Mateyo 27:29

N’erhi babà bamaluka ecimanè c’emishûgi, bamuhiraco omu irhwe, bamufumbasa olusheke omu kuboko kulyo. Bafukama embere zâge, banamushekera n’okuderha, mpu: «Asinge, mwâmi w’Abayahudi»!

Ebijiro 4:27

Nêci, kwo binali, Herodi bo na Ponsiyo Bilato, n’amashanja g’abapagani n’olubaga lw’Israheli, bashûbûzinye muli eci cishagala, bacîgusha haguma mpu balwîse omurhumisi wâwe Yezu washîgaga (amavurha g’obwâmi).

2 Bakorinti 1:21

Orhuzibuhya haguma ninyu muli Kristu n’owarhushîgaga amavurha, ye Nyamuzinda,

Bahabraniya 1:9

Wasimire obushinganyanya, wagaya obubî. Co carhumire Nyamuzinda akushîga amavurha g’o­bwâmi omu bushagaluke, anakurhonya omu binyu boshi, ewe Yâgirwa, Nnâmahanga.

Bahabraniya 2:9

Ci olya warhangag’ijirwa munyi kuli bamalahika, Yezu, y’oyo okolaga ayambîrhe ishungwè ly’irenge n’obukuze, bulyâla ababîre anafà. Kwanali kukwânîne arhang’ifà, lukogo lwa Nyamuzinda na bunguke bwa ngasi muntu birhumire.

Mafulûlo 19:12

Amasù gâge ngulumira ya muliro, n’irhwe lyâge lirikwo mashungwè manjimanji, izîno lyâge liri liyandike, ci ntâye oliyishi aha nyuma lyâge yêne.

1 Samweli 10:1

Samweli ayanka ecihakabiro c’amavurha, agadubulira Saulu okw’irhwe, amuhôbera amubwîra, erhi: «Ka Nyamubâho arhamakushîga mpu obè Mwâmi w’olubaga lwâge, Israheli? We wakaz’itwîra olubaga lwa Nyamubâho emmanja n’okulurhenza omu maboko g’abashombanyi bâlwo. Lolaga ecimanyîso Nyamubâho ayêrekinemwo oku akushizire mpu obè mwâmi w’olubaga lwâge.

1 Samweli 10:24

Samweli abwîra olubaga, erhi: «Ka mubwîne oyu Lungwè acîshozire? Omu lubaga loshi murhali owundi oli nka ye.» Olubaga lwoshi lwanacibanda orhuhababo, mpu: «Mwâmi aganze anagandaze!»

1 Samweli 16:13

Samweli arhôla lirya ihembe liyunjwîre mavurha, amushîgago ekarhî ka bakulu bâge na kurhenga agôla mango omûka gwa Nyakasane gwarhondêra okukarhula kwo Daudi n’omu mango gakulikiraga. Samweli ayimuka acîshubirira e Rama.