2 Bâm 1:13 - BIBLIYA NTAGATIFU OMU MASHI

¹³ Kandi mwâmi anacirhuma owundi murhambo wa bantu makumi arhanu boshi n’engabo yâge. Olya murhambo wa kasharhu anacisôka na erhi ahika afukama embere za Eliya anacimubwirha erhi: «Muntu wa Nyamuzinda! Mâshi akalamo kâni na akalamo ka abâla bantu bâni okalange!

2 Bâm 1:13 ပူးပေါင်းရင်းမြစ်များ

1 Bâm 13:6

Mwâmi ashub’ilîka akanwa anacibwîra olya muntu wa Nyamuzinda, erhi: «Mâshi onsengerere Nyakasane Nyamuzinda wâwe, ompunire ly’okuboko kwâni kushubira emunda ndi.» Olya muntu wa Nyamuzinda anacisengera Nyakasane n’okuboko kwa mwâmi kwanacishubira emunda ali, kwayôrha nk’oku kwanali embere.

2 Bâm 1:12

Eliya anacishuza erhi: «Akabà ndi muntu wa Nyamuzinda omuliro gurhangibunguluka e malunga gukumalire we n’engabo yâwe»! Omuliro gwanacibunguluka e malunga gwanacimalîra olya muntu boshi na balya bantu bâge makumi arhanu.

2 Bâm 1:14

“Kali omuliro gwahonyire emalunga gwamalîra abarhambo bombi na engabo yâbo; lêro akalamo kâni karhone omu masù gâwe.”»

Ennanga 102:17

Hano ôbà wamâshubiyûbaka Siyoni, Siyoni yeshi aboneka omu irenge lyâge,

Ennanga 72:14

Abakûla omu kunyagwa n’omu kulibuzibwa, n’omukò gwâbo âgulola bwinjà.

Lubungo 11:8

“Okuhandi, abà bambali bâwe boshi bayandagalîre emunda ndi, bananfukamire, mpu: Gendaga mâshi, mwe n’olubaga lukukulikîre. Okuhandi nanagenda obwo.”»

Migani 27:22

Omusirhe ciru wankamushakulira omu cishakulo; isirhe lyâge lirhankamurhengakwo.

Muhanûzi 9:3

Kubî okwôla, okubona obuzinda bw’ebijirwa hano igulu byoshi buli buguma kuli boshi n’okubona omurhima gw’omuntu guyunjwîre mababale, n’okubona isirhe libîkîrwe abantu amango bacizîne n’e nyumpa amango bamâfà wâni!

Izaya 1:5

“Ngahi mwankacishûrhirwa, mwe bantahwa-bugoma? Irhwe lyoshi liri lilwâla, n’omurhima gwoshi gwarhozire”.

Izaya 60:14

Abâna ba balya bakazâg’ikulibuza, bâkâyisha emunda oli bafukamire, bakacîrhimba aha magulu gâwe ngasi boshi bakazâg’ikugayaguza, bâkaz’ikuderha mpu we «lugo lwa Nyakasane», mpu we «Siyoni w’Omwimâna w’Israheli».

Izaya 66:2

Ebyôla byoshi maboko gâni gabijiraga, biri byâni ebyôla byoshi, Nyakasane okudesire. Alaga oyu ndolakwo: omukenyi n’omunyinyi, ogeramwo omusisi omu kuyumva oluderho lwâni.

Yeremiya 5:3

Nyamuzinda, kali by’okuli amasù gâwe galonza gabone? Abôla wabashûsire barhanayumvîrhe wabahinazire barhanagokwîre. Obusù bwâbo babujizire buzibu kulusha ibuye, banalahîre bwaleka okwâbo.

Yakôbo 4:7

Kuziga lêro mukâyumva Nnâmahanga; mulwîse shetani, mwabona oku ammuyâkira kulî.

Mafulûlo 3:9

Nkolaga nakuhâkw’erya engabo ya Shetani, balyâla bacihamba mpu bali Buyahudi, n’obwo barhalibo: kubêsha babêsha. Nkolaga nabalêrha, bayish’ifukama aha magulu gâwe, banamanye oku nkurhonyize.

1 Samweli 26:21

Saulu ashuza, erhi: «Najizire ecâha, ci ogalukage mwâna wâni Daudi bulya ntacikujire kurhi, bulya wayêrekîne oku wakenzire obuzîne bwâni.»