2 Bakorinti 9:5 - BIBLIYA NTAGATIFU OMU MASHI

⁵ Omurhima gwambwîraga obwo mpu kukwânîne ntume bene wîrhu banshokolere emwinyu, barheganye erya nsholôlo yinyu mwalaganyagya, eyôrhe eri nteganye, -enabè nsholôlo y’okuli, ci karhabaga kantu ka bujinisi.

2 Bakorinti 9:5 ပူးပေါင်းရင်းမြစ်များ

Murhondêro 33:11

Onyankire mâshi eno ntûlo nkudwirhîre, bulya Nyamuzinda anshobôzize binji, ntabuziri cici». Okwo kuyingingwa kwarhuma Ezau ayêmêra.

2 Bâm 5:15

Okubundi ahindamuka, ajà emunda omuntu wa Nyamuzinda ali, boshi n’abambali. Erhi ahika embere zâge anaciderha erhi: «Namajaga namanya oku ntà handi Nyamuzinda abà nka omw’Israheli. Ci buno oyêmêrage oluhembo lwa mwambali wâwe».

1 Bakorinti 16:2

Olusiku lurhanzi lw’omugobe, ngasi muguma muli mwe abîke aha mwâge ebi asigazize, na ntyo barhalindaga mpu kuhika nyishe entûlo zibul’ihânwa.

2 Bakorinti 8:6

Rhwanacihûna Tito obwo, nti obwôla ali amârho­ndêra ogwo mukolo gw’okurhabâlana aguyunjulize emwinyu.

2 Bakorinti 9:3

Mmurhumirage obwôla bene wîrhu, nti lyo okwo kulimba rhummulimbamwo kurhag’ibà ntâko muli okwo, lyo munabà mucîrheganyize nk’oku naderhaga,

2 Bakorinti 9:6

Kengêri: orhwêra binyi, binyi anasarûla; n’orhwêra binji, binji, anasarûla.

Bafilipi 4:17

Kurhali kuderha oku nnonzize okuka­rhûlwa; ci nnonzize nti obunguke bwinyu buluge.

Bacîranuzi 1:15

Naye nyamukazi anacishuza, erhi: Waliha nsengîre nâni enshobôlo, bulya ecihugo ca Nêgebu co wampîre; ompè nâni iriba ly’amîshi. Kalebu anacimuhà iriba ly’enyanya n’iriba ly’idako.

1 Samweli 25:27

“Lolaga olûla luhembo lusungunu mwambalikazi wâwe adwîrhîre nnawîrhu muhanyi lwanahashihâbwa abâla bâna balusize nnawîrhu”.

1 Samweli 30:26

Erhi bashubira e Siklagi, Daudi ajà arhumira abîra bâge b’abashamuka b’omu Yûda kuli birya by’omunyago, akababwîra erhi: «Lolagi oluhembo kuli mwe, luli kwa birya byanyagagwa abashombanyi ba Nyamubâho.»