2 Bakorinti 8:2 - BIBLIYA NTAGATIFU OMU MASHI

² Omu malibuko manji babwîne, obushagaluke bwâbo bunene n’obukenyi bwâbo bunji byayunjulirîne, byahinduka buhirhi bwa kurhabâla abandi.

2 Bakorinti 8:2 ပူးပေါင်းရင်းမြစ်များ

Migani 11:25

Omurhima gujira aminjà gwabêrwa, odômera abandi naye àyishidômerwa.

Mateyo 20:15

Ka ntankajira ebyâni oku nalonza? Nîsi nkaba isù lyâwe lyo libî bulya ndi mwinjà?»

Barom 12:8

owahîrwe ey’okuhanûla, ahanûle. Owarhabâla abakenyi, arhageraga; okulîre abâbo, abashîbirire; owababalira owâbo, amubabalire n’enshagali.

Barom 2:4

Nkabaga kugayaguza ogayaguzize obuhirhi bw’obwinjà n’olukogo n’obutûdu bwâge? K’orhîshi oku obwo bwonjo bwa Nyamuzinda bukulalisire mpu ocîyunjuze?

2 Bakorinti 1:12

Irenge lîrhu bw’obûla buhamîrizi bw’omurhima gwîrhu guhamîriza oku mw’eri igulu, na bwenêne emunda muli, rhwayôsire omu butagatîfu n’omu kurhabêsha, n’okwôla rhwakuhâbagwa na Nyamuzinda. Rhwayôsire ntyo, arhali oku bwenge bw’omubiri, ci oku burhabâle bw’enshôkano ya Nnâmahanga.

2 Bakorinti 2:9

N’erhi nyandika, kwàli kuderha nti mmurhangule, nnandole erhi obumvi bwinyu burhali bwa bihimbi.

2 Bakorinti 6:10

mpu rhuli burhè, n’obwo rhurhayôrha rhurhashagalusa; mpu rhuli ba buligo, n’obwo banji rhugaza; mpu rhurhagwêrhi kantu, n’obwo ntâco rhurhajira. Abakorinti nabo bayigule emirhima.

2 Bakorinti 9:11

Ntâho murhacigalira obwo, munakolaga mwâbona oku mwankarhabâla abà­ndi omu ngasi kantu, na ntyo Nyamuzinda avugwe omunkwa oku bulagizi bwîrhu.

2 Bakorinti 9:13

Oburhabâle bwinyu bukolaga bwâbazibûla amasù, bagashânize Nnâmahanga, kulya kubà mwayêmîre okuyêrekana Emyanzi y’Akalembe ya Kristu buzira kuyibêra nshonyi, na bulya murhajiraga bujinisi omu kubarhabâla n’omu kurhabâla boshi.

Lushika 15:4

Na kandi, aha mwâwe harhabà mukenyi, kulya kubà Nyamuzinda akushobôza omugisho mwo cirya cihugo Nyamubâho, Nyamuzinda wâwe akuhà mpu ociyîmemwo,

1 Batesalonika 1:6

Ninyu mwarhulolerakwo olwiganyo, mwacîsêza okushusha Nyakasane, mwayankirira Oluderho n’enshagali ya Mûka Mutagatîfu, n’obwo mwâli omu malibuko manji,

1 Batesalonika 2:14

Nêci, bene wîrhu, mwayankîre olwiganyo oku Ekleziya za Nyamuzinda ziri omu Yudeya muli Kristu Yezu; kulya kubà ninyu mwalibuzîbwe n’abà­ntu b’omu cihugo cinyu nk’oku ezo Ekleziya zalibuzibagwa n’Abayahudi,

Yakôbo 2:5

Leki mmubwire, bene wîrhu bazigirwa! Ka Nyamuzinda arhacîshogaga abakenyi b’en’igulu mpu babè bahirhi omu buyêmêre, banabè mîmo y’O­bwâmi alaganyagya abamuzigira?

Mafulûlo 2:9

Mmanyire amalibuko gâwe n’obukenyi bwâwe - ci oli muhirhi! - n’ebijâci ojâcirwa na balya bacîhamba mpu Buyahudi, n’obwo barhali bo, ci ndêko ya Shetani.