2 Bakorinti 8:16 - BIBLIYA NTAGATIFU OMU MASHI

¹⁶ Mushâna Nyamuzinda ayâgirwe! owahiraga obu bushiru kuli mwe omu murhima gwa Tito.

2 Bakorinti 8:16 ပူးပေါင်းရင်းမြစ်များ

2 Nganîro 31:8

Yezekiyahu boshi n’abarhambo bayisha, erhi bahà bama bona ebirundo, bakuza Nyamubâho n’olubaga lw’Israheli.

Ezra 7:27

Ayâgirwe Nyamubâho Nyamuzinda w’ababusi bîrhu, owahiraga omu murhima gwa mwâmi okwo kukuza aka-Nyamuzinda kabà aha Yeruzalemu.

Nehemiya 2:12

Nanacizûka budufu na bantu basungunu; ntamanyîsagya ciru n’omuguma ebi Nyamuzinda ali ampizire omu murhima kuli Yeruzalemu. Ntâl’igwêrhe bundi bulyo bwa cihêsi kuleka eci nakazâg’igendakwo.

Yeremiya 31:31

Amango gayiruka, kwo Nyakasane adesire, nâfundika n’omulala gw’Israheli (n’ogwa Yûda) endagâno mpyâhya.

Yeremiya 32:40

“Nashubisêza rhweshi nabo amalaganyo garhakahwa, nâbashimbulira, njè nabahugûla, bakazirhînya enjira mbî, bakulikîre ezâni nâbayêreka”.

2 Bakorinti 7:12

N’akabà nammuyandikîre, arhali olya wagayisanyagya ye warhumire, arhanali olya bagayisagya. Kwàli kuderha nti obukombêdu bwinyu kuli rhwe bubonekane embere za Nnâmahanga.

2 Bakorinti 7:7

arhanali omu kuyisha kwâge mwône, ci n’omu burhûlirize abwîne ekarhî kinyu. Arhubwîzire olwifinjo lwinyu, oburhè muli, n’obushiru bwinyu kuli nie, na ntyo nasîma bwenêne kulusha.

2 Bakorinti 8:23

Tito yêhe ye wîrhu rhubà rhwe naye, ye nantabâla oku mukolo ekarhî kinyu. Abandi bene wîrhu, Ekleziya zibarhumire, bali irenge lya Kristu.

2 Bakorinti 8:6

Rhwanacihûna Tito obwo, nti obwôla ali amârho­ndêra ogwo mukolo gw’okurhabâlana aguyunjulize emwinyu.

Bafilipi 2:20

Bulya ntà wundi ngwêrhe ncîkubagira akâge, owankashîbirira obunguke bwinyu n’omurhima gwoshi.

Bakolosi 3:17

Na ngasi ci­nwa mwankaderha erhi cijiro mwankajira, byoshi mubijire oku izîno lya Nyakasane Yezu, bibè munkwa emwa Larha Nyamuzinda oku bulagizi bwâge.

Mafulûlo 17:17

Bulya Nyamuzinda ahebire omu mirhima yabyo emihigo y’okujira obulonza bwâge n’okufundikira haguma mpu bihêreze cirya ciryanyi obwâmi bwâbyo kuhika ebinwa bya Nyamuzinda biyunjule.