2 Bakorinti 7:10 - BIBLIYA NTAGATIFU OMU MASHI

¹⁰ Nêci, oburhè bwa kuli Nyamuzinda, kulêrha bulêrha obucîyunjuze; ci oburhè bw’igulu bwôhe, lufù bulêrha.

2 Bakorinti 7:10 ပူးပေါင်းရင်းမြစ်များ

Murhondêro 30:1

Rasheli erhi abona oku ntà bâna adwîrhe aburhira Yakôbo, ayâgalwa na mukulu wâge, kwo kubwîra Yakôbo, erhi: «Ojire nâni mbone abâna, akabà nanga, erhi nnanfire».

2 Samweli 12:13

Daudi abwîra Natani, erhi: «Najirîre Nyakasane ecâha!» Naye Natani abwîra Daudi, erhi: «Oku bwâge, Nyakasane akubabalire ecâha câwe, orhacife.

2 Samweli 13:4

Amubwîra, erhi: «Ewe! mwene mwâmi, bici birhuma na ngasi sêzi erhi olizashushubirwa? K’orhakambwîra obwo?» Amnoni amushuza, erhi: «K’ali bulya ntonya Tamari, mwâli wâbo mwene wîrhu Absalomu.»

2 Samweli 17:23

Naye Ahitofeli erhi abona oku barhacishimbire ihano lyâge, ashumika e­ ndogomi yâge ayimuka ashubira omu lugo lwâge. Erhi abà amayumanyanya eby’omu mwâge byoshi, acîmanika afà. Bamubisha omu nshinda y’îshe.

1 Bâm 21:4

Ahabu ajà omu mwâge n’omutula haguma n’omungo munene bwenêne erhi akôla kanwa ka Naboti w’e Yizreeli karhuma bulya amâderha erhi: «Ntakakuhà akashambala k’ababusi bâni». Anacijà aha ncingo agwîshira anacîfûnika obusù, arhanacilyaga.

Ennanga 38:18

Bulya ndi buhirima, n’oburhè burhantenga emurhima.

Migani 15:13

Omurhima gushagalusire gushesa obusù, murhima ali burhè bikûbi abanda.

Migani 15:15

Kàlibwîre arhajira lusiku lwinjà, kashagali yêhe ngasi lusiku erhi na lukulu.

Migani 17:22

Omurhima gurhwangûsire, bufumu nkana, murhima-ali mungo, anayumye omuntu orhuvuha.

Migani 18:14

Endwâla, omurhima gw’omuntu gwanayirembera, ci omurhima omuntu amârhiba, ndi wankaguzûsa?

Muhanûzi 7:3

Aha omuntu ankasheka ankabà burhè, n’obukali bw’ebusù buyinjiha.

Yeremiya 31:9

Bayishire balaka, nâni mbadwîrhe nayisha nabarhûliriza. N’abaheka ah’iriba. Omu njira nungêdu elya barhankasârhalamwo. Bulya ndi îshe wa Israheli, na Efrayimu yo nfula yâni.

Ezekiyeli 7:16

Abankaderha mpu bayâka bakola bayâkira oku ntondo, nka ngûkù zarhenga omu rhubanda, nâyish’ibanigûliza eyôla munda boshi, ngasi muguma erhi mabî gâge garhuma.

Yônà 3:10

Nnâmahanga abona oku badwîrhe batabataba mpu lyo bahindula engeso zâbo. Lêro ashukira, arhacibarhumiraga obuhanya àli amâhiga oku âbarhumira.

Yônà 3:8

Muyambale sunzu, muharâmye munashenge Nyamuzinda obwonjo oku byâha binyu, muleke okuhimba kwinyu kubî, muleke ebigalugalu by’amaboko ginyu.

Yônà 4:9

Nnâmahanga àmushuza, erhi: «Cankarhuma wadwîra omu nda nk’ihiri, olwo lubonobono obêrîre burhè, ka lwâwe?» Naye, erhi: «Yâgirwa, kurhi ntankabà burhè mâshi!»

Mateyo 26:75

Obwo Petro akengêra kalya kanwa Yezu amubwîraga, erhi: «Embere oluhazi lubike, wampakana kasharhu». N’erhi acihuluka, arhondêra okuvugumula emirenge.

Luka 15:10

“Kwo n’okwo, mmubwîre, hayish’ibà obushagaluke emwa bamalahika ba Nyamuzinda oku munya-byâha muguma ocîyunjuzize”».

Luka 18:13

“Olya muvurhîsa yêhe aj’icîbêrera erhali hôfi, arhanaderhaga ciru mpu agalamire enyanya, ci akacîkomamba ecifuba, erhi”: “Yâgirwa Nnâmahanga, onfè bwonjo nie munya-byâha!”

Ebijiro 11:18

Erhi bayumva ntyo, barhûlûla, banacikuza Nyamuzinda; mpu: «Nêci, abapagani nabo, “Nyamuzinda abahîre obucîyunjuze bwabahisa oku buzîne!”».

Ebijiro 3:19

Lêro mucîyunjuzagye munahinduke, lyo ebyâha binyu bizâzibwa,

2 Bakorinti 12:21

Nyôbohire nti amango nashubira eyo, Nyamwagirwa Nyamuzinda akanambonêsa enshonyi embere zinyu, nti hakanajira banji nalakira bajizire ebyâha, banabula bwacîyunjuza oku bijiro byâbo by’okubî, by’okuhusha n’e­by’okukala enshonyi.

2 Bakorinti 7:9

buno nkola nsîmire, arhali okwenge mwâli burhè, ci kulya kubà obwo burhè bwarhumire mwacîyunjuza. Bulyâla oburhè mwâli bwa kuli Nyamuzinda, na ntyo ntà kantu kabî rhwammujirîre.

Bahabraniya 12:17

Murhahabiri oku buzinda, erhi acilonza okuhâbwa obwangà, àlahirirwa; bulya àrhabonaga oku ankahindula omurhima gw’îshe, n’obwo àkulonzagya bwenêne n’emirenge.

1 Samweli 30:6

Daudi amagala gamulya bwenêne, bulya olubaga lwàli lwamahiga mpu lukola lwamuyîrha, bulya lwoshi lwàli erhi lwafîre omurhima omu kubona abâna bâbo b’abarhabana n’abanyere bahesirwe. Ci Daudi ashubiyumva omurhima gw’oburhwâli muli Nyamubâho, Nyamuzinda wâge.