2 Bakorinti 6:7 - BIBLIYA NTAGATIFU OMU MASHI

⁷ omu luderho lw’okuli, n’omu buhashe bwa Nnâmahanga; omu kukolêsa amatumu gw’okufungira n’okulwîra obushinganyanya;

2 Bakorinti 6:7 ပူးပေါင်းရင်းမြစ်များ

Ennanga 119:43

Orhazigaga nabula akanwa kashingânîne, bulyâla amarhegeko gâwe g’omurhima gwâni gucîkubagira.

Lubungo 14:22

Na Bene-Israheli bàcîrhulira omu nyanja burhajoma, amîshi gâbà cikunguzo ekulyo n’ekumosho kwâbo.

Migani 3:16

Bufumbasire omu kulyo, omwandu gw’ensiku, n’omu kulembe obuhirhi bw’irenge!

Izaya 11:5

Obushinganyanya gwo gwâbà mukaba gwâge, n’okuli gubè mwirhero gwâge.

Izaya 59:17

Acîhundikira obushinganyanya nka mpenzi, n’obucire yâbà yo nsirha y’omu irhwe lyâge. Ayambala emyambalo y’olwihôlo nka cirondo, âcîhundikira n’olûji nka cishûli.

Marko 16:20

Nabo balîkûla, baj’iyigîriza hoshi hoshi; Nyakasane erhi ajà akola haguma nabo anakomeza Oluderho n’ebisômerîne byakâg’i­lukulikira.

Ebijiro 11:21

N’okuboko kwa Nyakasane kwàli haguma nabo, na bantu banji bayêmêra Nyakasane banamushiga.

1 Bakorinti 1:24

ci oku bahamagale, Abayahudi n’Abagereki, Kristu ali buhashe bwa Nyamuzinda na bushinganyanya bwa Nyamuzinda,

2 Bakorinti 13:4

Abambiragwa oku musalaba erhi kugonyâla kurhuma, ci azîne oku buhashe bwa Nyamuzinda. Na nîrhu, rhuli ngonyi muli ye, nêci, ci rhwayish’iyôrha rhuzîne haguma naye oku buhashe bwa Nyamuzinda muli mwe.

2 Bakorinti 2:17

Bulyâla rhwêhe rhurhali aka banji, bakaz’irhimbûla oluderho lwa Nyamuzinda; ci nka bantu nkana, nka bajà-bugo ba Nyamuzinda, rhuyigîriza muli Kristu embere za Nnâmahanga.

2 Bakorinti 4:2

Ci okuhulika erhi nshonyi zirhuma, rhurhacikubâmwo. Obwenge bw’okurhebana rhurhabubâkwo, n’oluderho lwa Nyamuzinda rhurhaluhindula. Ci omu kuyêrekana okunali mwo rhucîmanyikiza oku mirhima y’abantu omu masù ga Nnâmahanga.

2 Bakorinti 7:14

N’akabà omu masù gâge hali oku nacisîmire erhi mwe murhuma, ntakubêraga nshonyi. Ci nka kulyâla rhwammubwîraga byoshi oku binali, ntyo kwo n’okucîsîma kwîrhu omu masù ga Tito kwayishirig’ibà kwa kunali.

Befezi 1:13

Ninyu kwo na kwo, erhi muyûs’iyumva oluderho lw’okuli, yo Myanzi y’Akalembe k’obuyôkoke bwinyu, n’erhi mubà mwamâyêmêra, muli ye mwahirwakwo ecimanyîso ca Mûka Mutatagatîfu mwalaganyibagwa.

Befezi 3:20

Kuli Oyo ogwêrhe obuhashe bw’okurhujirira ngasi kantu rhwankashenga erhi kugerêre­za, ciru analushîse, Oyo obushashe bwâge bukola omu mirhima yîrhu,

Befezi 4:21

akabà mwamuyumvîrhe n’akabà mwayigîrizibwe muli ye nka kulyâla binali muli Yezu.

Bakolosi 1:5

kulya kubà mucîkubagire obulangâlire mubîkîrwe omu mpingu. Obwôla bulangâlire mwabuyumvîrhe omu Luderho lw’okuli, yo Myanzi y’Akalembe;

1 Batesalonika 5:8

Ci rhwêhe, rhwe b’omûshi, rhurhabaga badâdà; rhuyôrhe rhufumbasire empenzi y’obuyêmêre n’obuzigire, rhuyambale n’ensirha y’obulangâlire bw’obucire.

2 Timoteyo 2:15

Ocisêze okucîyêrekana nka murhonyi wa Nnâmahanga, nka mukozi orhagwârhwa na nshonyi, nka mujà-bugo w’oluderho lw’okuli okwânîne okucîkubagirwa.

2 Timoteyo 4:7

Nalwîre agâni, nahisize ensiku zâni, nalanzire obuyêmêre.

Bahabraniya 2:4

Nyamuzinda yêne asêza obwo buhamîrizi omu kuyêrekana ebimanyîso n’ebirhangâzo n’ebisômerîne bya ngasi lubero, haguma n’enshôkano za Mûka Mutagatîfu, nk’oku alonzagya yêne.

Yakôbo 1:18

Yêne walonzagya okurhuburha omu luderho lwâge lw’okuli, mpu rhubè rhwe murhondêrero gw’ebiremwa byâge.