2 Bakorinti 4:16 - BIBLIYA NTAGATIFU OMU MASHI

¹⁶ Co cirhuma rhurhagonyâla. Ci oku omuntu orhuli embuga ashandâla, omuntu orhulimwo ahinduka muhyâhya ngasi lusiku.

2 Bakorinti 4:16 ပူးပေါင်းရင်းမြစ်များ

Ennanga 119:81

Omurhima gwâni guyûmîrîre gwalinga oburhabâle bwâwe, akanwa kâwe ko ncîkubagîre.

Ennanga 27:13

Ncîkêbirwe nti nâbà nciri omu igulu ly’abazîne, nambone oku Nyakasane kuhâna abâna.

Ennanga 51:10

Nyumve obusîme n’omwîshingo, amavuha gàli gavungunyusire garhambe.

Ennanga 73:26

Amagala ciru gankarhemuka, n’omurhima ciru gukarhemuka, Wêne we Kabuye k’omurhima gwâni, We wanayôrha ôbà mwanya gwâni ensiku n’amango.

Izaya 40:29

Ye oluhûla oluhire, Ye ozibuhya engonyi.

Izaya 40:31

Ci abacîkubagira Nyakasane, emisî yâbo kuyûshûka eyushûka, banamerekwo ebyûbi nka nyunda, banakâlibirha burharhama, banakâgenda burhagoyôla.

Yeremiya 45:3

«Kulya kubà wadesire, erhi: Namâhera bulya Nyakasane ambîkîre enundo y’amarhangulo n’amalibuko, narhamire n’okuniha ntanahumûka ciru n’ehitya».

Luka 11:3

“Orhuhè ene akalyo kîrhu ka ngasi lusiku”;

Barom 12:2

Mumanye mwankacîgererakwo er’igulu, ci muhinduke bantu bahyâhya omu murhima gwinyu, lyo mumanyîrira obulonza bwa Nnâmahanga; mumanye aminjà, ebi akunda n’ebishingânîne lwoshi.

Barom 7:22

Nêci, nnanyumve nsîmire amarhegeko ga Nnâmahanga omu murhima gwâni;

1 Bakorinti 15:58

Ntyo, bene wîrhu bazigirwa, musimike, murhadundaganaga, ensiku zoshi mukaz’ijà embere omu mukolo gwa Nyakasane, bulya mumanyire oku omukolo gwinyu muli Nyakasane gurhankafa busha.

2 Bakorinti 12:15

Niehe nnonzize okuhâna byoshi n’okucîhâna niene nieshi-nieshi erhi mwe murhuma. Obûla mmuzigire kulusha, ka kukwânîne munzigire kunyi?

2 Bakorinti 4:1

Co cirhumire, rhwe rhwabêrîrwe obwonjo erhi rhuhâbwa obwo bugo, rhurhagonyâla.

Befezi 3:16

nti ahume omu buhirhi bw’irenge lyâge, a­mmukomeze n’obuzibu bwa Mûka Mutagatîfu, ly’omuntu muhyâhya ommulimwo ayûshûka,

Befezi 4:23

lyo muhinduka bahyâhya omu murhima n’omu nkengêro zinyu,

Bakolosi 3:10

mwacîhundikira omuhyâhya, olya ocîsêza okuhinduka nshusho y’Omulemi wâge, mpu lyo ahika oku bumanye bw’okunali.

Tito 3:5

arhalolaga ebijiro by’obushinganyanya rhwajizire, ci bwonjo bwâge bwône bwarhumire arhuciza omu Lugero rhuburhwamwo obwa kabiri, erhi rhuhinduka bantu bahyâhya muli Mûka Mutagatîfu.

1 Petro 3:4

ci kubè omu ndubi y’omurhima gwinyu, omu malimbo garhankahash’isherêra g’entimanya ziyunjwîre butûdu n’omurhûla; n’okwo kwo kujira akamalo omu masù ga Nyamuzinda.

1 Petro 4:14

Erhi mwankajâcirwa erhi izîno lya Kristu lirhuma, iragi linyu, kulya kubà Omûka gw’irenge, gwo Mûka gwa Nyamuzinda, gummulimwo.