2 Bakorinti 4:15 - BIBLIYA NTAGATIFU OMU MASHI

¹⁵ N’ebyo byoshi mwe bibêra, mpu lyo enshôkano nyinji kulusha erhuma omunkwa gwaluga, gunaluze abaguvuga, lyo Nyamuzinda ajà irenge.

2 Bakorinti 4:15 ပူးပေါင်းရင်းမြစ်များ

Ennanga 50:14

Okaz’ibâgira Nnâmahanga enterekêro y’okumukuza, onakaz’ijuha Nnâmahanga endagâno omulaganya.

Ennanga 50:23

Ye nsîmîsa omuntu obâga enterekêro y’okunkuza, n’omuntu oshimba enjira nnungêdu ye nayêreka oku Nyamuzinda kuciza aciza.»

Barom 8:28

Kandi rhumanyire oku Nyamuzinda akolêsa byoshi oku minjà g’abamukunda, balya yêne ahamagîre oku bulonza bwâge.

1 Bakorinti 9:19

Nêci, n’obwo nali ntagengwa oku bantu boshi, nacîjizire mujà wa boshi, nti lyo ncungula banji bwenêne.

2 Bakorinti 1:11

Ninyu murhurhabâle n’ensengero zinyu, lyo eyo nshôkano bantu banji barhushobôlera erhuma omunkwa gwavugwa rhwe rhurhumire.

2 Bakorinti 8:19

Arhanali kwône okwo: acîshozirwe n’Ekleziya mpu anyôse rhukaz’ibalama rhwe naye mw’ogûla mukolo gw’enshôkano rhwacîhânyirekwo, lyo Nyakasane ajà irenge, lyo n’omurhima gwîrhu gurhûlûla.

Bagalasiya 1:24

Bakakuza Nnâmahanga erhi nie ntuma.

Bakolosi 1:24

Bunôla nsîmire omu malumwa ndwîrhe nabona mwe murhumire, nnandwîrhe nayunjuza omu mubiri gwâni ebibuzire oku mababale ga Kristu, nti lyo nkwânana omubiri gwâge, yo Ekleziya.

1 Timoteyo 1:14

N’enshôkano ya Nnawîrhu yanacigandâza muli nie haguma n’obuyêmêre n’obuzigire buli muli Kristu Yezu.

2 Timoteyo 2:10

Okwo kwo kurhuma ndembera amalibuko goshi abîshogwa barhumire, nti lyo nabo babona obucire bubà muli Kristu Yezu haguma n’irenge ly’ensiku n’amango.

1 Petro 2:9

Ci mwêhe muli ishanja lîshogwa, muli badâhwa b’ebwâmi, muli mulala Mutagatîfu, muli lubaga lurhôle Nyamuzinda acungulaga mpu mukâyimba ebirhangâzo by’olya wammukûlaga omu mwizimya, ammuhama­gala mpu mujè omu bulangashane bwâge bw’okusômeza;

1 Petro 4:11

Owahîrwe omukolo gw’oburhumisi, agukole n’emisî ya Nnâmahanga, lyo muli byoshi Nyamuzinda akuzibwa erhi Yezu Kristu orhuma. Kuli ye irenge n’obuhashe emyâka n’emyâka. Amen!