2 Bakorinti 3:18 - BIBLIYA NTAGATIFU OMU MASHI

¹⁸ Ci rhwêhe kuno rhunali, obusù burhali bubwîke, rhudwîrhe rhwabonekamwo irenge lya Nyakasane nk’omu ndolero, rhudwîrhe rhwahindulwa mpu rhushushe n’eyo nshusho, rhulangale kulusha rhunalangashane, nk’oku Nyakasane alonzize, bulya abà Mûka.

2 Bakorinti 3:18 ပူးပေါင်းရင်းမြစ်များ

Ennanga 84:7

Hano bayikira akabanda kûmu, bâkahindula nshôko, n’enkuba mpangûka ekabumbe mugisho.

Yowane 1:14

Nêci, Luderho acîjizire muntu, anabêra muli rhwe. Nîrhu rhwabwîne irenge lyâge, irenge Nyamuzinda-Îshe ahîre Omugala cûsha, oyunjwîre inêma n’okuli.

Yowane 12:41

Izaya aderha ntyo erhi abona irenge lya Yezu, ye anaderhaga erhi alêba ntyo.

Yowane 17:22

Nabahîre irenge wampâga, nti lyo babà muguma, nka kulya nîrhu rhuli muguma:

Yowane 17:24

Larha, nnonzize abà wampîre nabo babè nâni aha ndi, lyo babona irenge wampîre, bulya wanzigîre embere z’okulemwa kw’igulu.

Barom 12:2

Mumanye mwankacîgererakwo er’igulu, ci muhinduke bantu bahyâhya omu murhima gwinyu, lyo mumanyîrira obulonza bwa Nnâmahanga; mumanye aminjà, ebi akunda n’ebishingânîne lwoshi.

Barom 13:14

mucihundikire Nyakasane Yezu Kristu, murhanacikâg’irhogoza omu­biri omu kushimba enyifinjo zâgwo.

Barom 8:29

Bulya halya yêne acîshogaga kurhenga mîra, abarheganyize mpu babè nshusho y’Omugala, lyo abà nfula omu balumuna banji;

Barom 8:4

mpu ly’obushinganyanya bw’amarhegeko bubà muli rhwe, rhwe olugendo lwîrhu lurhashimba mubiri, ci mûka.

Barom 8:7

Co cirhuma enyifinjo z’omubiri zishomba Nnâmahanga, bulya zirhashimba irhegeko lya Nnâmahanga; ciru zirhankanahasha okulishimba.

1 Bakorinti 13:12

Buno rhucidwîrhe rhwabonera omu cilolero olubwibwi lurhuli omu masù, ci ago mango rhwayish’ibona bwinjinjaa amasù omu masù. Buno obumanye bwâni buli bwa bihimbi, ci ago mango nâmanya nk’oku mmanyirwe.

1 Bakorinti 15:49

Na kulyâla rhwalikwo enshusho y’omuny’igulu, kwo rhukwânîne rhujekwo n’enshusho y’ow’omu mpingu.

2 Bakorinti 3:17

Nyakasane abà Mûka, n’aha Omûka gwa Nyakasane guli, ho n’omuntu abà ntagengwa.

2 Bakorinti 4:4

balya barhayêmêra, balya Nyamuzinda w’en’igulu ahusize obukengêre, mpu bankanabona obulangashane bw’Emyanzi y'Akalembe y’irenge lya Kristu, y’eri nshusho ya Nnâmahanga.

2 Bakorinti 4:6

Bulya Nyamuzinda waderhaga mpu omu omwizimya murhenge obumoleke, yêne ye wanamolekeraga omu mirhima yîrhu, mpu obulangashane bw’irenge lya Nyamuzinda liri ebusù bwa Kristu bumanyibwe.

2 Bakorinti 5:17

N’omuntu erhi akabà ali muli Kristu, erhi anakola ali ciremwa cihyâhya; okwàli burhanzi kwahwîre, byoshi bikola bihyâhya.

Bagalasiya 6:15

Bulya okukembûlwa kuli ntâco, n’okurhakembûlwa nakwo kuli ntâco; akantu kagwêrhe akamalo, kuli kuhinduka ciremwa cihyâhya.

Bakolosi 3:10

mwacîhundikira omuhyâhya, olya ocîsêza okuhinduka nshusho y’Omulemi wâge, mpu lyo ahika oku bumanye bw’okunali.

1 Timoteyo 1:11

zo zirya nyigîrizo zibà omu Myanzi y’Akalembe y’irenge lya Nyamuzinda w’obukuze nabîsibagwa.

Tito 3:5

arhalolaga ebijiro by’obushinganyanya rhwajizire, ci bwonjo bwâge bwône bwarhumire arhuciza omu Lugero rhuburhwamwo obwa kabiri, erhi rhuhinduka bantu bahyâhya muli Mûka Mutagatîfu.

Yakôbo 1:23

Bulya oyumvîrhiza akanwa ka Nnâmahanga arhanakajire, kwo ali ak’omuntu wasinza obusù bwâge omu cilolero mpu alole iranga aburhanagwa.

1 Yowane 3:2

Bîra bâni, buno rhuli bâna ba Nyamuzinda, ci oku rhwâyish’iyôrha kurhac’ibonekana. Kwône rhumanyire oku amango kwâbonekana, rhwâyish’imushusha, bulyâla rhwânamubone nk’oku anali.