2 Bakorinti 2:3 - BIBLIYA NTAGATIFU OMU MASHI

³ N’akabà nayandisire ebi mumanyire, kwàli kuderha nti lyo hano nyisha ntag’ibà burhè erhi abâli bakwânîne okunsimîsa bàrhuma, bulya mmanyire oku okusîma kwâni kunali kwinyu mweshi.

2 Bakorinti 2:3 ပူးပေါင်းရင်းမြစ်များ

1 Bakorinti 4:21

Cici mucîshozire? Ka mulonzize mmuyishire n’eminyuli, nîsi erhi mulonzize nyishe n’obuzigire n’omurhima gw’obutûdu?

2 Bakorinti 1:15

Obwôla bulangâlire bwo bwarhumaga nnonza okurhang’ihika emwinyu, nti muhâbwe enshôkano ya kabiri;

2 Bakorinti 1:23

Niehe Nyamuzinda ye ndahîre oku buzîne bwâni, oku kummufà lukogo kwarhumaga ntaciyishe e Korinti.

2 Bakorinti 12:11

Ka ntashubirage musirhe! Mwe mwanarhumire. Kali singa mwe mwâli gwâsirwe okunkunga! Bulya ntâco ndushirwe n’abo bali ntumwa nkulu, ciru nkaba ntali cici.

2 Bakorinti 12:21

Nyôbohire nti amango nashubira eyo, Nyamwagirwa Nyamuzinda akanambonêsa enshonyi embere zinyu, nti hakanajira banji nalakira bajizire ebyâha, banabula bwacîyunjuza oku bijiro byâbo by’okubî, by’okuhusha n’e­by’okukala enshonyi.

2 Bakorinti 13:10

Co cirhumire nayandika nnandi kuli eco, nti lyo hano mbà nkola mmuliho, ntag’ikaliha omu buhashe Nyakasane a­mpâga mpu nyûbake, ci arhali mpu nshabe.

2 Bakorinti 2:9

N’erhi nyandika, kwàli kuderha nti mmurhangule, nnandole erhi obumvi bwinyu burhali bwa bihimbi.

2 Bakorinti 7:12

N’akabà nammuyandikîre, arhali olya wagayisanyagya ye warhumire, arhanali olya bagayisagya. Kwàli kuderha nti obukombêdu bwinyu kuli rhwe bubonekane embere za Nnâmahanga.

2 Bakorinti 7:16

Nsîmire obûla omu ngasi hyoshi nanacimwîkubagira mw’oyo.

2 Bakorinti 7:6

Ci Nyamuzinda orhûliriza abazamba arhurhûliriza omu kuyisha kwa Tito;

2 Bakorinti 7:8

Ciru akabà nammujizire burhè, n’amaruba gâni, ntagayiri; n’akabà nali ntanzir’igaya, -mbwîne oku ago maruba gàli gammujizire burhè, ciru akabà hyàli hisanzi hisungunu, -

2 Bakorinti 8:22

Rhubarhumîre bo n’olya mwene wîrhu warhuyêresire kanji kanji oku anabà mukombêdu, na buno acîyêrekîne wa bushiru kulusha bulya acimmwîkubagire bwenêne.

Bagalasiya 5:10

Niehe nnangâlîre muli Nyakasane nti murhakengêre kundi-kundi. Ci olya odwîrhe ammuhiramwo akavulindi, ciru akabà yè ndi, ahanwa.

2 Tesalonika 3:4

Rhucîmmwikubagîre bwenêne muli Nyakasane nti munajire ebi rhwamurhegesire n’oku mwanayôrha mubijira:

Filemoni 1:21

Nkuyandikîre n’obulangalire nti wanyumva, nnamanyire oku wajira ciru n’ebilushire ebi mpûnyire.