2 Bakorinti 12:9 - BIBLIYA NTAGATIFU OMU MASHI

⁹ Naye ambwîra, erhi: «Enshôkano yâni erhakunyihiri; bulya obuhashe bwâni omu buzamba mwo bucîyerekana». Nkolaga nsîmire okulimbira obuzamba bwâni, lyo obuhashe bwa Kristu bumbêramwo.

2 Bakorinti 12:9 ပူးပေါင်းရင်းမြစ်များ

2 Bâm 2:15

Abalêbi bamulangîra, banaciderha mpu: «Omûka gwa Eliya gukola guli kuli Elishaʿ». Bakanya bajà emunda ali; bafukama bayûnamiriza embere zâge. Banacimubwîra mpu:

Ennanga 8:2

Yâgirwa Nyamuzinda, Nnâhamwîrhu, izîno lyâwe lyàjîre irenge omu igulu lyoshi, obukulu bwâwe buyunjwîre amalunga!

Izaya 11:2

Omûka gwa Nyakasane gwamudekererakwo: mûka gw’oburhimanya n’obukengêre, mûka gw’ihano n’emisî, mûka gw’obumanye n’okurhînya Nyakasane;

Izaya 43:2

Erhi wankalambagira omu mîshi, ndi haguma nâwe, enyîshi zirhankakuzîsa. Erhi wankâgera omu muliro, orhankahya, engulumira yâgo erhankakuyôca.

Sofoniya 3:17

Nyakasane Nyamuzinda wâwe ali haguma nâwe: ali murhabâzi muhimanyi! Ashagalusire n’omwîshingo we rhumire, obuzigire bwâge bukuhîre akalamo kahyâhya, adwîrhe abanda empûndu we rhumire.

Mateyo 28:18

Yezu anacibashegeraho, ababwîra, erhi: «Obuhashe bwoshi bw’omu mpingu n’obw’igulu nabuhîrwe.

Mateyo 28:20

Mubayigîrize okushimba ngasi hyoshi nammurhegesire. Nâni ndi haguma ninyu ensiku zoshi kuhika aha kuyûrha kw’igulu».

Luka 21:15

“bulya niene nâmmuhe akanwa n’obumanye abashombanyi binyu barhankahash’ilahira erhi okuhima”.

1 Bakorinti 10:13

Ntà mango musâg’igwârhwa n’amashumi galushire emisî y’omuntu. Akanwa ka Nyamuzinda karhagaluka; arhankaziga mwashumikwa okulushire emisî yinyu. Ci haguma n’amashumi, ammuhà oku mwagafuma n’emisî mwagagalamwo.

1 Bakorinti 15:10

Cikwône eri nshôkano ya Nyamuzinda yanjiraga okûla ndi, n’enshôkano anshobôzagya erhagumbaga muli nie. Ci nie nakozire kubalusha boshi! Câba nanga, arhali nie, ci enshôkano ya Nyamuzinda haguma nâni.

1 Bakorinti 2:3

Na niene; erhi ndi ekarhî kinyu, nali nka ngonyi, mwôba, nali nnandwîrhe nadirhimana.

1 Bakorinti 2:5

ly’obuyêmêre bwinyu burhayegemera obushinganyanya bw’abantu, ci obuhashe bwa Nyamuzinda yêne.

2 Bakorinti 11:30

Akabâga kwo bàdesire mpu rhucîkuze, niehe buzamba bwâni nalimbira.

2 Bakorinti 12:1

Akabà kukwânîne rhucîkuze, -ci kunali kurhamira busha.- nkolaga naderha n’oku Nyakasane ambonekeraga n’ebi ambishûlîre.

2 Bakorinti 12:10

Okwôla kwo kurhuma nyumva nsîmire omu buzamba bwâni, omu bijâci, omu malibuko, omu kurhi­ ndibuzibwa n’omu burhè, erhi Kristu orhuma. Bulya amango ndi muzamba, lyo mbà muzibu!

2 Bakorinti 12:15

Niehe nnonzize okuhâna byoshi n’okucîhâna niene nieshi-nieshi erhi mwe murhuma. Obûla mmuzigire kulusha, ka kukwânîne munzigire kunyi?

2 Bakorinti 12:5

Oyo muntu, nêci, nanamulimbira; ci nie niehe ntankalimbira oburhali buzamba bwâni.

Befezi 3:16

nti ahume omu buhirhi bw’irenge lyâge, a­mmukomeze n’obuzibu bwa Mûka Mutagatîfu, ly’omuntu muhyâhya ommulimwo ayûshûka,

Bafilipi 4:13

Nanahasha byoshi n’oburhabâle bw’Olya onzibuhya.

Bakolosi 1:11

Obuhashe bw’irenge lyâge bwâmmuzibuhya, muhash’ilembera amalibuko goshi n’oburhwâli haguma n’obushagaluke,

1 Timoteyo 1:14

N’enshôkano ya Nnawîrhu yanacigandâza muli nie haguma n’obuyêmêre n’obuzigire buli muli Kristu Yezu.

Bahabraniya 11:34

bàzimya engulumira z’omuliro, bàfuma obwôji bw’engôrho, bàhima endwâla, bàbà ntwâli omu bîrha, bàlibisa emirhwe y’abashombanyi;

Bahabraniya 4:16

Kuziga rhuyegere n’obulangâlire entebe y’obwonjo, lyo rhubêrwa lukogo rhunashobôle enshôkano y’oburhabâle bukwânîne.

Yozwe 1:9

“K’orhayumvirhi oku nkurhegesire: nti ozibuhe onarhwâlihe? Orhabâga na boba buci orhabâga na ntemu nci, bulya Nyakasane Nyamuzinda wâwe, ali haguma nâwe ngasi hoshi wankanaja”».