2 Bakorinti 12:15 - BIBLIYA NTAGATIFU OMU MASHI

¹⁵ Niehe nnonzize okuhâna byoshi n’okucîhâna niene nieshi-nieshi erhi mwe murhuma. Obûla mmuzigire kulusha, ka kukwânîne munzigire kunyi?

2 Bakorinti 12:15 ပူးပေါင်းရင်းမြစ်များ

2 Samweli 13:39

Mwâmi alinda ayibagira olufù lwa Amnoni, n’akarhinda kâge kuli Absalomu kajà kahwa.

Barom 9:3

Nêci, nankasîmire niene nkagwe nnantenzibwekwo Kristu erhi bene wîrhu bàrhuma, balya b’omu ishanja lyâni ly’omubiri;

2 Bakorinti 1:14

nka kulyâla mwayumvîrhe hitya oku rhwe igwârhiro ly’obukuze bwinyu, kulya ninyu mwa yish’ibà igwârhiro ly’obwîrhu Olusiku lwa Nnawîrhu Yezu Kristu.

2 Bakorinti 1:6

Rhukalibuka erhi burhûlirize n’okucira kwinyu birhumire, bwo bamuhà oku mwalemberamwo amababale rhudwîrhe rhwalembera nîrhu.

2 Bakorinti 11:11

Bulya kurhi? Ka mpu bulya ntammuzigira? Nyamuzinda yêne amanyire!

2 Bakorinti 12:14

Bukola bwa kasharhu obu ncîrheganyize okujà emwinyu, ntanammuzidohere. Arhali abâna bo bagwâsirwe babîkire ababusi. Ci ababusi bo babîkira abâna bâbo.

2 Bakorinti 12:9

Naye ambwîra, erhi: «Enshôkano yâni erhakunyihiri; bulya obuhashe bwâni omu buzamba mwo bucîyerekana». Nkolaga nsîmire okulimbira obuzamba bwâni, lyo obuhashe bwa Kristu bumbêramwo.

2 Bakorinti 2:3

N’akabà nayandisire ebi mumanyire, kwàli kuderha nti lyo hano nyisha ntag’ibà burhè erhi abâli bakwânîne okunsimîsa bàrhuma, bulya mmanyire oku okusîma kwâni kunali kwinyu mweshi.

2 Bakorinti 4:12

Ntyo olufù ludwîrhe lwajira omukolo gwâlwo muli rhwe, ci muli mwe buzîne.

2 Bakorinti 7:2

Murhuyigulire emirhima yinyu! Ntâye rhwalenganyize, rhurhahombagya ndi, ntâye rhwalîre hyâge.

2 Bakorinti 7:3

Ntadesiri ntyo nti mmuyagirize. Ka ntarhenzir’i­mmubwîra oku muli omu mirhima yîrhu omu kufà n’omu kulama!

Bagalasiya 4:10

Kali kushimba mucishimba ensiku, emyêzi, amango n’emyâka!

Bafilipi 2:17

Mâshi ciru omukò gwâni gwankabulagwa oku nterekêro n’oku ntûlo y’obuyêmêre bwinyu, nsîmire nancîshinzire haguma ninyu mweshi.

Bakolosi 1:24

Bunôla nsîmire omu malumwa ndwîrhe nabona mwe murhumire, nnandwîrhe nayunjuza omu mubiri gwâni ebibuzire oku mababale ga Kristu, nti lyo nkwânana omubiri gwâge, yo Ekleziya.

1 Batesalonika 2:8

Omu buzigire bwîrhu kuli mwe, rhwankalonzize rhummuhè, arhali Emyanzi y’Akalembe ka Nyamuzinda yône, ci n’obuzîne bwîrhu ciru, bulya mwâli murhonyire bwenêne emunda rhuli!

2 Timoteyo 2:10

Okwo kwo kurhuma ndembera amalibuko goshi abîshogwa barhumire, nti lyo nabo babona obucire bubà muli Kristu Yezu haguma n’irenge ly’ensiku n’amango.

Bahabraniya 13:17

Mukâyumva abakulu binyu munabakenge, bulya bo balanga emyûka yinyu, bànayish’iyidôsibwa. Kukwânîne bajire ogwo mukolo n’obushagaluke, ci arhali n’oburhè, bulya okwo kurhankammulêrhera bunguke.