2 Bakorinti 11:9 - BIBLIYA NTAGATIFU OMU MASHI

⁹ N’obwôla nali emwinyu ntanagwêrhi cici, ntazidoheraga ndi; bene wîrhu bàhubukaga e Macedoniya bo bampîre ebi nal’indagîrirekwo. Muli byoshi nacîlanga nti ntag’immuzidohera, nanacicîlanga.

2 Bakorinti 11:9 ပူးပေါင်းရင်းမြစ်များ

Nehemiya 5:15

Abarhambo bali banshokolîre bali erhi balibuzize abantu omu kukaz’ibahûna emigati n’idivayi, na kandi sikêli makumi anni za marhale, n’abantu bâbo bônene bakalibuza olubaga, ci niehe ntajira ga ntyôla erhi kurhînya Nyamuzinda kurhuma.

Ebijiro 18:3

na bulya ali wa bulenga buguma nabo, abêra abà mwâbo, bakâkolera haguma: obulenga bwâbo bwàli bwa kuluka amahêma.

Ebijiro 18:5

Erhi Sila na Timoteyo bayisha kurhenga e Macedoniya, Paolo acîshwêkera oku kukayigîri­za akanwa ka Nnâmahanga, akahamîriza omu Buyahudi oku Yezu ye Kristu.

Ebijiro 20:33

“Ntabonaga nacifinja olusaranga erhi masholo erhi mwambalo gwa muntu”.

Barom 15:26

Bulya Macedoniya n’Akaya bàhizire okusholôlera abatagatîfu b’e Yeruzalemu bali omu bulagîrire.

1 Bakorinti 16:17

Nsîmire obûla Stefana bo na Fortunato n’Akayiko bal’intandûla, na ntyo barhûliriza idulwe linyu lyandi emurhima.

2 Bakorinti 6:4

Ci omu ngasi kantu, kwo rhunaciyêrekana nka baganda ba Nyamuzinda: omu kuzibuhira bwenêne amalibuko, omu malumwa n’omu burhè;

2 Bakorinti 9:12

Bulyâla ogwo mukolo Mutagatîfu kurhali kurhabâla kwône gurhabâla abatagatîfu omu bulagîrire bwâbo, ci ciru gurhuma bavuga Nyamuzinda omunkwa bwenêne.

Bafilipi 2:25

Ncîkêbirwe nti kukwânîne mmugalulire Epafroditi, oyu mwene wîrhu rhushangîra naye omulimo n’amatumu, ye muganda mwantumiraga mpu antabâle omu bulagîrire bwâni.

1 Batesalonika 2:6

N’oli emwinyu, oli ahandi, ntasâg’ibona rhwalonza okukuzibwa n’abantu,

1 Batesalonika 2:9

Mucikengîre, bene wîrhu, emirimo n’emiluho yîrhu: rhwakâg’immuyigîriza Emyanzi y'Akalembe ya Nnâmahanga omu kukola budufu na mûshi nti lyo rhurhazidohera ndi muli mwe.

Bahabraniya 11:37

Bàbandwa amabuye, bàbabazibwa, bàkerwa n’olukero, bàgera omu bwôji bw’engôrho; bàkâg’ijà bazungulukazunguluka, bàkâyambala empù z’ebibuzi n’ez’empene; ciru barhàcigwêrhe kantu, bàlibuzibwa, bàkolerwa buligo.