2 Bakorinti 10:17 - BIBLIYA NTAGATIFU OMU MASHI

¹⁷ Owalonza obukuze, abulongeze muli Nyakasane!

2 Bakorinti 10:17 ပူးပေါင်းရင်းမြစ်များ

Ennanga 105:3

Mucîtakîre izîno lyâge limâna, omurhima gwa ngasi balonza Nyakasane gurhimûkwe.

Ennanga 106:5

Lyo nyumva nâni omwîshingo gw’enshâgi zâwe, nshagaluke n’enshagadu y’olubaga lwâwe, nnancîtakîre haguma n’omwîmo gwâwe.

Izaya 41:16

Wâyerûlarho, empûsi erhuyehûkane, ecihûsi carhushandabanya. Ci wêhe wacîshingira Nyakasane, wakuzibwa n’Omutagatîfu w’Israheli.

Izaya 45:25

Muli Nyakasane mwo iburha lyoshi ly’Israheli lyakûla obuhime n’irenge.

Izaya 65:16

Ngasi yêshi wânalonze omugisho omu cihugo, ânagishwe na Nyamuzinda w’okuli, na ngasi wânalonze okunywa akasheba omu cihugo, anacîgashe oku izîno lya Nyamuzinda w’okuli. Bulya amalibuko ga mîra gâyibagirwa, gafulikwe kuli n’amasù gâni.

Yeremiya 4:2

Erhi wakanalahira Nyamuzinda Ozîne, buzira bîrà, omu bushinganyanya n’oburhabêsha, ago mango amashanja ganacîshinga muli we, ganacikwîtakira.

Barom 5:11

Arhanali kwône okwo; ci rhudwîrhe rhwacîsima muli Nnâmahanga erhi Nnawîrhu Yezu orhuma, ye warhushobôzagya okuyinjibana na Nyamuzinda.

1 Bakorinti 1:29

mpu lyo harhag’ibà eciremwa cacîbona embere za Nyamuzinda.

1 Bakorinti 1:31

mpu lyo nk’oku biyandisirwe, owalonza obukuze, abulongeze muli Nyakasane.

Bafilipi 3:3

Kali rhwe bakembûle b’okunali, rhwe rhushenga Nnâmahanga muli Mûka gwâge Mutagatîfu, n’obukuze bwîrhu muli Yezu Kristu rhubulongeza, ci rhurhacîkubagira mubiri.