2 Bakorinti 10:10 - BIBLIYA NTAGATIFU OMU MASHI

¹⁰ «Amaruba gâge, kwo baderha, gali ga bulume ganali makali; ci erhi wankamubona yêne, ngonyi, n’iderha lyâge liri ntâlyo»;

2 Bakorinti 10:10 ပူးပေါင်းရင်းမြစ်များ

Lubungo 4:10

Mûsa abwîra Nyakasane, erhi: «Onfè lukogo, Yâgirwa Nyakasane, ntishishongêza binwa nka naderha, oli kurhenga injo, oli kurhenga lishinjo, ciru na kurhenga aga mango goshi odwîrhe washambâza mwambali wâwe, bulya akanwa kâni kabà kazirho n’olulimi lwâni lurhahundûla.»

Yeremiya 1:6

Naderha obwo, nti: «Aa, Yâgirwa Nyakasane, lolà, oku ntishiderha, ndi mwâna!»

1 Bakorinti 1:17

Bulya Kristu arhantumaga mpu mbatize, ci mpu mmanyîse Emyanzi y'Akalembe, na buzira okukolêsa obwenge bw’enderho, omusalaba gwa Kristu gwankashuba busha.

1 Bakorinti 1:21

Bulya n’obushinganyanya bwâlyo igulu lirhamanyaga Nyamuzinda omu bushinganyanya bwâge, Nyamuzinda anacilonza okuciza abemêzi n’isirhe ly’enyigîrizo zâge.

2 Bakorinti 10:1

Niehe Paolo mmuhûnyire, mwe mukasinga, obutûdu n’obwinjà bwa Kristu burhumire, nie erya ngonyi nka ndi embere zinyu, na nka ntammuliho nshube ntwâli.

2 Bakorinti 10:11

Olimw’okwo kwa bene okwo, amanye oku oku rhuyôrha omu iderha ly’amaruba gîrhu nka rhurhahali, kwo rhwanayish’iyôrha omu bijiro bîrhu hano rhubà rhukola rhuli ekarhî kinyu.

2 Bakorinti 10:9

Bulyâla ntalonzizi mumanye mpu kummuyôbohya nnonza okummuyôbohya n’amaruba gâni.

2 Bakorinti 11:21

Nkudesire nti lyo enshonyi zimmugwârha. Nkaba kwo mumanya mpu rhurhali balume! Ci ngasi eci balimbira coshi, -ka nkuderhe nk’ogwêrhwe n’isirhe, - nâni, nanacîrimbira.

2 Bakorinti 11:6

N’akabà ntà bulenga bw’e kanwa njira, obumanye bwoki ntabuziri muli byoshi n’embere za boshi rhwammuyêresirekwo.

2 Bakorinti 13:3

Nkabaga mulonzize mubone oku Kristu odwîrhe aderhera omu kanwa kâni? Yêhe erhabà ngonyi embere zinyu, ci ajira obuhashe muli mwe.