2 Bakorinti 1:4 - BIBLIYA NTAGATIFU OMU MASHI

⁴ ye rhurhûliriza omu mbaka zîrhu zoshi, mpu lyo nîrhu rhurhûliriza abandi omu ngasi malibuko n’obwo burhûlirize rhuhâbwa na Nyamuzinda.

2 Bakorinti 1:4 ပူးပေါင်းရင်းမြစ်များ

Ennanga 32:5

Lyo nkajâga nacîshobeka emund’oli buzira kufulika obubî bwâni; naderha, nti: «Obubî bwâni ncîshobesirebwo Nyakasane», nâwe wakûla obubî bw’ecâha câni.

Ennanga 32:7

We lwâkiro lwâni, we wânankûle omu bulagîrire, onampire omu karhî k’enshagadu y’obucire.

Ennanga 66:16

Mwe mukenga Nyamuzinda mweshi mukanye muyumve, mukanye mmurhondêreze ebi àjirîre iroho lyâni!

Ennanga 86:17

Ompè ecimanyîso c’oburhonyi bwâwe, balya banshomba babone, n’enshonyi zibabumbe, babone oku wantabîre, Nyamwagirwa, wanantûliriza.

Izaya 12:1

Mw’olwôla lusiku wanâderhe, erhi: Namâkukuza, Nyakasane! Wali onkunirîre, ci obukunizi bwâwe bwarhulwîre, wanantûlirîze.

Izaya 40:1

Murhûlûlize, murhûlûlize olubaga lwâni, kwo adesire Nyamuzinda winyu.

Izaya 49:10

Barhakacigwârhwa n’ishali barhakanacifà nyôrha; oli ehidûrhu hy’empûsi, oli izûba, birhakacibajira kurhi; bulya âbafà lukogo ye wanabalongôlana, abahêke aha maliba g’amîshi.

Izaya 51:12

Niene, niene nie ndwîrhe nammurhûliriza! Oligi ndi wayôboha omuntu wânafè, omuntu oburhwa n’owundi, oli nka hyâsi?

Izaya 51:3

Nêci, Nyakasane ababalîre Siyoni, ababalîre ebigûkà byâge byoshi. Irungu lyâge alijira aka Edeni, n’idaho lyûmu alihindula ishwa lya Nyakasane. Bâbonamwo obushagaluke n’amasîma; bâkaz’ivugiramwo omunkwa n’okuzihiramwo ennanga.

Izaya 52:9

Mushagaluke, munacîshinge haguma, mishaka y’e Yeruzalemu, bulya Nyakasane amârhûliriza olubaga lwâge, amâyôkola Yeruzalemu.

Yowane 14:16

Nâni nayîsh’ishenga Larha ammuhè owundi murhulirizi wabêra ninyu ensiku zoshi.

Yowane 14:18

Ntâmmuleke bufûzi. Nâcigaluka emunda muli.

Yowane 14:26

“Ci Omurhulirizi, Mûka Mutagatîfu, Larha ârhuma oku izîno lyâni, ye wayish’immuyigîriza byoshi anammukengêze ebinammubwîzire byoshi.

2 Bakorinti 7:13

Okwôla kwo kwarhurhûlirize. Okwo kurhûlirizibwa kwîrhu kwanacijakwo obusîme bulushire bwenêne, erhi rhubona Tito asîmire, bulyâla mweshi oku munali mwarhumire omurhima gwâge gwadêkerera.

2 Bakorinti 7:4

Kurhali kunyi ncimmwikubagîre; mwe munali bukuze bwâni bunene. Omurhima gwâni gurhulwîre;, nyunjwîre bushagaluke omu malibuko gîrhu goshi.

Bafilipi 1:14

na banji ba muli bene wîrhu bàyumvîrhe oburhwâli muli Nyakasane erhi nkoba zâni zirhuma, bacisêza bwenêne okulumîza Oluderho lwa Nnâmahanga buzira bwôba.

1 Batesalonika 4:18

Mukaz’irhûlirizanya n’ebyo binwa.

1 Batesalonika 5:11

Ntyo mukaz’irhûlirizanya mwêne na nnene, munakahânana olwiganyo lwinjà, nk’okûla munajira.

Bahabraniya 12:12

Co cirhumire, mulambûle amaboko ginyu gahozire n’amadwî ginyu gaherhamire,