1 Yowane 5:14 - BIBLIYA NTAGATIFU OMU MASHI

¹⁴ Rhucîkubagire Nyamuzinda oku erhi rhwankamushenga akantu nk’oku alonzize, anarhuyumvîrhize.

1 Yowane 5:14 ပူးပေါင်းရင်းမြစ်များ

1 Bâm 3:12

kwo kurhumire okwo kwo nakujirira, nakuhà omurhima murhimanya na mwenge, okurhasag’ibonekana embere zâwe n’enyuma zâwe harhakabonekana oli akâwe.

Ayubu 34:28

Balibuza omukenyi kuhika emirenge yâge yamuhikako, bamugayîsa ntyo erhi ayumva endûlù z’abîrhôhye.

Ennanga 145:19

Abamurhînya anabajirire ngasi byoshi bacîfinja, anayumve emirenge yâbo anabacize.

Ennanga 31:22

Nyakasane mushâna ayâgirwe, owayankaga olukogo lwâge lusômerîne alunyêreka omu cishagala ciyûbakire.

Ennanga 34:17

Obusù bwa Nyakasane burhabà oku nkola-maligo, azizàze hano igulu ntâye ocizikengêrage.

Ennanga 69:33

Mwe banyinyi mukanye mubone, mwasîma munayumve oku omurhima gwinyu gwashagaluka, mwe mulonza Nnâmahanga.

Migani 10:24

Omumînya ebi arhînya byo anabona, omushinganyanya naye oku acîfinjire kwo anabona.

Migani 15:29

Nyakasane abà kuli n’endyâlya, abashinganyanya bôhe anayumve omusengero gwâbo.

Yeremiya 33:3

Onshenge, nakushobôza: nakumanyîsa amahwe manene orhashubigiyumva.

Mateyo 21:22

“Na ngasi coshi mwâhûne n’obuyêmêre omu nsengero zinyu mwâcihâbwe”».

Yowane 11:42

Nyôrha nyîshi oku onyumvîrhiza ensiku zoshi; ci abantu bazungulusire bo barhumire naderha ntyo, lyo bayêmêra oku we wantumaga».

Yowane 14:13

Na ngasi kantu mwâhûne Larha oku izîno lyâni, nâmmujirireko, lyo Larha akuzibwa n’Omugala.

Yowane 15:7

“Mukambêramwo n’ebinwa byâni bikasêra omu mirhima yinyu, muhûne ngasi coshi mulonzize, mwâcibona”.

Yowane 16:24

“Kuhika buno, ntâco musig’ihûna oku izîno lyâni. Hûni, mwâhâbwa, n’obusîme bwinyu bwâbà bwimâna”.

Yowane 9:31

Rhuyishi oku Nyamuzinda arhayumvîrhiza banya­-byâha, ci omuntu omurhumikira n’ojira oku alonza ye ayumvîrhiza.

Befezi 3:12

Ye rhuhà, akabà rhuyêmîre, oburhwâli bw’okuyegera Nyamuzinda buzira bwôba.

Bahabraniya 10:35

Mumanyage mwankarhêra obwo bulangâlire bwinyu; bulya bubikîrwe ntanda nnene,

Bahabraniya 3:14

Kali rhwe rhukola baguma na Kristu, caziga rhulange obuyêmêre bwîrhu buzibu kuhika okufà, nka kulya rhwanarhangiraga.

Bahabraniya 3:6

Ci Kristu yêhe kwo ali mwemêzi nka mwene-nna-nyumpa, mpu arhegeke abâmwo boshi. N’eyo nyumpa, yo rhwe, caziga rhusêre burhashuba-nyuma oku bulangâlire n’oku mwishingo gw’oku rhwâhike omu mpingu.

Yakôbo 4:3

Mukahûna murhahâbwa, bulya munahûne kubî, mpu mubone ebi mwagula amasîma mabî.

Yakôbo 5:16

Kuziga mukâfulûlirana ebyâha binyu, munakâsengererana, lyo mufuma. Omusengero gw’omushinganyanya washenga n’omurhima gwâge gwoshi gujira buhashe bunji.

1 Yowane 2:28

Nêci, rhwâna rhwâni, buno mubêre muli ye, lyo erhi a­nkacîyêrekana, rhulangâlira, rhunalek’iyumva enshonyi z’okurhamulirâna hano ayisha.