1 Yowane 3:5 - BIBLIYA NTAGATIFU OMU MASHI

⁵ Murhanahabiri oku kurhenza ebyâha kwamudwîrhe, n’oku ntà câha cimubâmwo.

1 Yowane 3:5 ပူးပေါင်းရင်းမြစ်များ

Hozeya 14:2

Galuka, Israheli, emwa Nyamubâho, Nyamuzinda wâwe, bulya bubî bwâwe bwakusârhazagya.

Mateyo 1:21

Kali aburha omwâna: wamuyîrika Yezu. Ye wayôkola olubaga lwâge omu byâha byâlo».

Luka 23:41

Rhwêhe rhugakwânîne, bijiro bîrhu rhwalyûla; ci yêhe ntà cibî ciguma àjizire».

Luka 23:47

Omukulu w’abasirika erhi abona okwo, akuza Nyamuzinda, erhi: «Nêci, kwo binali, oyu muntu ali mwimâna!»

Yowane 1:29

Erhi kuca, Yowane abona Yezu amujayo, aderha, erhi: «Oyu ye Mwâna-buzi wa Nnâmahanga okûla ecâha c’igulu.

Yowane 1:31

“Nâni ntâl’imuyishi; ci ye warhumire nyisha nti mbatize n’amîshi, lyo amanyibwa omu Israheli.”»

Yowane 14:30

«Ntacimmubwîra binji, bulya Omurhwâli w’er’igulu ayiruka. “Ci ntà buhashe agwêrhe kuli nie”.

Yowane 8:46

Ndi muli mwe wankanyagîriza oku câha? Akabà nderha okunali, cirhuma murhanyêmêra?

2 Bakorinti 5:21

Orhali oyishi ecâha, amujira câha rhwe rhurhumire, mpu lyo muli ye rhushuba bushinganyanya bwa Nyamuzinda.

1 Timoteyo 1:15

Aka kanwa kali k’okuli kanakwânîne okuyêmêrwa lwoshi: Kristu Yezu ayishire en’igulu mpu acize abanya-byâha, nie na wa burhanzi muli bo.

1 Timoteyo 3:16

Nêci, ntâye wankakulahira, liri likulu ihwe rhugashâniza: Lyabonekîne omu mubiri, lyayêra muli Mûka Mutagatîfu, lyabonwa na bamalahika, lyamanyîsibwa omu mashanja, lyayêmêrwa omu igulu, lyahêkwa omu irenge.

Tito 2:14

wacîhânaga yêne rhwe rhurhumire, mpu arhucize omu ngasi bubî, na hano abà amârhucêsa, a­rhujire mulala gwâge gukombêra okujira aminjà.

Bahabraniya 1:3

Oyo Mugala, ye bulangashane bw’irenge lyâge, ye na nshusho y’obwôrhere bwâge; ye tugika igulu n’oluderho lwâge lugala-byoshi. Erhi abà amârhufumya ebyâha bîrhu, aj’ibwârhala ekulyo kwa Nyamuzinda omu mpingu.

Bahabraniya 4:15

Bulya rhurhagwêrhi omudâhwa mukulu orhankahash’iyumva olukogo lw’obuzamba bwîrhu: kulya kubà naye àbuyumvîrhe bwoshi akîrhu, kuleka ecâha.

Bahabraniya 7:26

Nêci, ntyo kwo byàli bikwânîne rhubè n’omudâhwa mukulu, mwimâna, mwêru-kwêru, orhalikwo ishembo, orhalukira haguma n’abanya-byâha, oli omu lyanya kurhaluka amalunga.

Bahabraniya 9:26

Bicibâga ntyo, ànkababazîbwe kanji kurhenga okulemwa kw’igulu. Ci mwo zino nsiku nzinda lyo àcîyêrekîne liguma kwa lwoshi, mpu aherêrekeze ecâha n’enterekêro yâge.

Bahabraniya 9:28

ntyo Kristu naye àcîhânyire nterekêro liguma lyône, mpu azâze ebyâha bya bantu banji; âyaciboneke lindi liguma buzira câha, mpu alêrhere abamulinda obucire.

1 Petro 1:18

Mumanye oku murhakûlagwa omu bwôrhere bw’obujà basho bàmmuyahukizagya n’ebirugu byankasherêra, nk’amasholo erhi ensaranga,

1 Petro 1:20

Nêci, oyo mwâna-buzi ali mwîshogwa erhi ciru igulu lirhasâg’igera amango lyâlemwe, ci mw’ezi nsiku nzinda mwo acîyêrekîne erhi mwe murhuma.

1 Petro 2:22

Yêhe àrhajiraga câha, n’obulyâlya burhabonekaga omu kanwa kâge.

1 Petro 2:24

Ye wacîbarhuzagya ebyâha bîrhu omu mubiri gwâge oku murhi gw’omusalaba, mpu lyo rhufa oku byâha, rhunalamire obushinganyanya. Nêci, bibande byâge byàrhufumagya.

1 Petro 3:18

Ntyo kwo Kristu naye afîre liguma kwa lwoshi oku byâha by’abantu; ye mwêru-kwêru afîra abanya-byâha, mpu arhuhise kuli Nnâmahanga; bulya anizirwe omu mubiri, ci agalulirwa obuzîne bw’Omûka.

1 Yowane 1:2

-bulya, nêci, obuzîne bwaciyêrekîne: rhwabubwîne, rhuli bahamîrizi bâbwo, rhunammumanyisize obwo buzîne bw’ensiku n’amango bwàli haguma n’Îshe, lêro bwanacirhubonekera-,

1 Yowane 1:7

Ci erhi rhwankalambagira omu bulangashane nk’oku yêne ali omu bulangashane, obwo erhi rhuli omu cinyabuguma rhwêne na rhwêne, n’omukò gw’Omugala Yezu gwanarhuyêza, gushuke ebyâha bîrhu byoshi.

1 Yowane 2:1

Rhwâna rhwâni, ebi mmuyandikirebyo, nti lyo murhajiraga ebyâha. Ci erhi hankajira owahirima omu câha, rhugwêrhe omulagizi emwa Nyamuzinda Îshe, ye mushinganyanya Yezu Kristu.

1 Yowane 2:2

Ye mpyûlo y’ebyâha bîrhu, a­rhanali ya bîrhu byônene, ci n’eby’igulu lyoshi.

1 Yowane 2:29

Akabà muyishi oku abà mushinganyanya, mumanyage kwo na kwo oku ngasi ojira obushinganyanya oburhwa naye.

1 Yowane 3:8

Ojira ecâha erhi ali wa shetani, bulya shetani ayôrha abà munya-byâha kurhenga aha murhondêro. Co canarhumaga Mwene-Nyamuzinda acîyêrekana mpu aherêrekeze emikolo ya shetani.

Mafulûlo 1:5

na Yezu Kristu, muhamîrizi w’okucîkubagirwa, Nfula y’abafîre, na Mwâmi mukulu w’abâmi b’igulu. Ayâgirwe mâshi Oyo orhuzigira anashuka ebyâha bîrhu omu mukò gwâge,