1 Yowane 2:5 - BIBLIYA NTAGATIFU OMU MASHI

⁵ Ci oshimba akanwa kâge, oyo erhi obuzigire bwa Nyamuzinda bulongîre lwoshi muli ye. Eco co cimanyîso rhumanyirakwo oku rhuli muli ye.

1 Yowane 2:5 ပူးပေါင်းရင်းမြစ်များ

Ennanga 105:45

Ajira ntyo mpu lyo baseza akanwa kâge, banalange amarhegeko gâge!

Ennanga 106:3

Bali bany’iragi abashimba amarhegeko, abajira okushingânîne ngasi mango.

Ennanga 119:146

We mpêrhekwo emirenge: nciza mâshi, nâni nkazilanga amarhegeko gâwe.

Ennanga 119:2

Bajira iragi abashimba akanwa kâge, bamulonze n’omurhima gwoshi.

Ennanga 119:4

Wêne wahâna amarhegeko gâwe, mpu abantu bagashimbe bwinjà-bwinjà.

Migani 28:7

Oshimba irhegeko ye mwâna mwenge, okômera enkonola-masù anabonêsa bene îshe nshonyi.

Migani 8:32

Muyumvagye bâna bâni: bali bany’iragi abalanga enjira zâni.

Muhanûzi 8:5

Omuntu ojira oku arhegesirwe arhahanyagala; n’omurhimanya ayôsire amanyire oku hali amango hali n’okutwa olubanja.

Ezekiyeli 36:27

Nâkuhiramwo omûka gwâni, nankuhè emisî y’okushimba engeso zâni, ey’okulanga ama­rhegeko gâni n’okugashimba.

Luka 11:28

Ci yêhe amushuza, erhi: «Iragi lyâbo erhi bo abayumva ecinwa ca Nnâmahanga n’okucilanga!»

Yowane 14:21

«Omanyire amarhegeko gâni akanagashimba, oyo ye onzigira, na ngasi onzigira, ayish’izigirwa na Larha, nâni namuzigira nanciyêrekeye».

Yowane 14:23

Yezu amushuza, erhi: «Omuntu onzigîre, anabikirire akanwa kâni, naye Larha anamuzigira, rhwanajà omu mwâge, rhunagwîkemwo entebe yîrhu.

Yowane 15:5

“Nie cigundu, ninyu mwe mashami. Obêra muli nie nâni muli ye, oyo ye yâna malehe manji; bulya buzira nie, ntâco mwankahash’ijira”.

Yowane 6:56

Olya omubiri gwâni ananywe omukò gwâni, abêra muli nie nâni muli ye.

Barom 8:1

Ntà kuciyagiriza abâli muli Yezu Kristu.

1 Bakorinti 1:30

Bulya ye wa­mmuhisagya muli Yezu Kristu, owahindusire bushinganyanya bwîrhu w’emwa Nyamuzinda na bwimâna bwîrhu, na butagatîfu na bucunguzi bwîrhu;

2 Bakorinti 5:17

N’omuntu erhi akabà ali muli Kristu, erhi anakola ali ciremwa cihyâhya; okwàli burhanzi kwahwîre, byoshi bikola bihyâhya.

2 Bakorinti 5:21

Orhali oyishi ecâha, amujira câha rhwe rhurhumire, mpu lyo muli ye rhushuba bushinganyanya bwa Nyamuzinda.

Yakôbo 2:22

K’orhabwîni obwo oku obuyêmêre bwàli bulungine n’ebijiro byâge, n’oku bijiro byarhumire obuyêmêre bwâge bubà bwimâna!

1 Yowane 3:24

Naye oshimba amarhegeko gâge ayôrha ali muli Nyamuzinda na Nyamuzinda muli ye; n’ecirhumanyîsa oku ali muli rhwe, gwo gulya Mûka àrhuhâga.

1 Yowane 4:17

Mw’oku, obuzigire buli bwimâna muli rhwe: rhukaja ebwa lusiku lw’Olubanja buzira bihamba oku murhima, bulya oku ali kwo nîrhu rhuli hano igulu.

1 Yowane 4:18

Ntà bwôba bubà omu buzigire; ci obuzigire bwimâna kulibirha bulibirha oku bwôba, bulya ntà bwôba nka ntà buhane, n’oyôbohire erhi obuzigire bwâge burhasâg’ibà bwimâna.

1 Yowane 5:2

Rhumanya oku rhuzigira abâna ba Nyamuzinda, omu kuzigira Nyamuzinda n’omu kushimba amarhegeko gâge.

1 Yowane 5:20

Kandi rhuyishi oku Mugala wa Nyamuzinda ayishire, n’oku a­rhushobôzize obukengêre bw’okumanya Nn’okuli. N’oyo Nn’okuli rhuli muli ye, omu Mugala Yezu Kristu: Ye Nyamuzinda w’okuli, ye na Buzîne bw’ensiku n’amango.

2 Yowane 1:6

Obuzigire bubà omu kushimba amarhegeko gâge. N’irhegeko lirhanzi, nka kulya mwabwîra­gwa kurhenga aha murhondêro, kuli kuyôrha muzigirana.

Mafulûlo 12:17

Wankuba-joka anacilubira nyamukazi, akanya, aj’ilwîsa abarhengaga omu nda yâge bâli basigîre, balya bashimba amarhegeko ga Nyamuzinda, banagwêrhe obuhamîrizi bwa Yezu.

Mafulûlo 14:12

Ho bazibuhira ahôla abimâna, balya bashimba amarhegeko ga Nyamuzinda banayêmêra Yezu!