1 Yowane 2:3 - BIBLIYA NTAGATIFU OMU MASHI

³ N’ecirhumanyîsa oku rhumumanyire c’eci: rhukabà rhunashimbe amarhegeko gâge.

1 Yowane 2:3 ပူးပေါင်းရင်းမြစ်များ

Ennanga 119:32

Nkola nakombêra enjira y’amarhegeko gâwe, obûla washagalusize omurhima gwâni.

Ennanga 119:6

Lyoki nakabula bugwârhwa n’enshonyi, amango ndikire amasù oku marhegeko gâwe goshi.

Izaya 53:11

Hano âbà àmârhangulwa, âbona obulangashane ânabêrwe. Omu bumanye bwâge, Omurhumisi wâni mwêru kwêru ayôkola ba­nji, âcîbarhuza amabî gâbo.

Luka 6:46

«Cirhuma mumbwîra: Yâgirwa, Yâgirwa, murhajira n’oku nderha?

Yowane 14:15

Akabà munzigira, mushimbe amarhegeko gâni.

Yowane 15:10

“Mukashimba amarhegeko gâni, mwâbêra omu buzigire bwâni, nk’oku nâni nashimbire amarhegeko ga Larha, nambêra omu buzigire bwâge”.

Yowane 15:14

“Muli bîra bâni mukajira ebi mmurhegesire”.

Yowane 17:3

Akalamo k’ensiku n’amango kuli kukumanya, w’oyo Nyamuzinda w’okuli wênene, n’oyu warhumaga, Yezu Kristu.

2 Bakorinti 4:6

Bulya Nyamuzinda waderhaga mpu omu omwizimya murhenge obumoleke, yêne ye wanamolekeraga omu mirhima yîrhu, mpu obulangashane bw’irenge lya Nyamuzinda liri ebusù bwa Kristu bumanyibwe.

Bahabraniya 5:9

N’erhi àyûs’ibà mwimâna, àhinduka imerero ly’obucire bw’ensiku n’amango kuli balya boshi bamuyumva,

1 Yowane 2:13

Ninyu mwe babusi, mmuyandikîre bulya muyishi olya obâho kurhenga aha murhondêro. Mmuyandikîre, mwe misole, bulya mwahimire Omubî.

1 Yowane 3:14

Rhwêhe rhumanyire oku rhwarhenzire omu lufù rhwajà omu buzîne, bulya rhuzigira bene wîrhu. Orhajira buzigire erhi omu lufù ali.

1 Yowane 3:19

Ntyôla kwo rhwâmanya oku rhuli b’okuli, rhwanarhûza n’emirhima yîrhu e­mbêre zâge,

1 Yowane 3:6

Ngasi yêshi oli muli ye arhajira câha; na ngasi yêshi ojira ecâha, erhi arhasâg’imubona arhanasâg’imumanya.

1 Yowane 4:13

N’eci co cimanyîso rhumanyirakwo oku rhuli muli ye n’oku naye arhulimwo: arhushobôzize Omûka gwâge.

1 Yowane 4:7

Bazigirwa bâni, rhuzigirane, bulya obuzigire emwa Nyamuzinda burhenga, na ngasi yêshi ozigirana aburhwa na Nyamuzinda, anayishi Nyamuzinda.

1 Yowane 5:19

Rhumanyire oku rhuli ba Nyamuzinda, n’oku igulu lyoshi liri omu buhashe bw’Omubî.

1 Yowane 5:2

Rhumanya oku rhuzigira abâna ba Nyamuzinda, omu kuzigira Nyamuzinda n’omu kushimba amarhegeko gâge.

1 Yowane 5:3

Bulya okuzigira Nyamuzinda kubà omu kushimba amarhegeko gâge. N’amarhegeko gâge garhabà mazirho,

Mafulûlo 12:17

Wankuba-joka anacilubira nyamukazi, akanya, aj’ilwîsa abarhengaga omu nda yâge bâli basigîre, balya bashimba amarhegeko ga Nyamuzinda, banagwêrhe obuhamîrizi bwa Yezu.

Mafulûlo 14:12

Ho bazibuhira ahôla abimâna, balya bashimba amarhegeko ga Nyamuzinda banayêmêra Yezu!

Mafulûlo 22:14

«Iragi lyâbo abashuka emyambalo yâbo, lyo balya oku murhi gw’obuzîne, bahîrwe oluhyà, banagerere omu mihango, bajè omu lugo.