1 Yowane 2:19 - BIBLIYA NTAGATIFU OMU MASHI

¹⁹ Muli rhwe bàrhengaga, ci bàrhali ba muli rhwe; bulyâla bacibâga ba muli rhwe, rhinga babêzire haguma nîrhu. Ci kwàli kukwânîne kubonekane n’obwâlagale oku boshi ba­rhàli ba muli rhwe.

1 Yowane 2:19 ပူးပေါင်းရင်းမြစ်များ

Ayubu 17:9

Ci kwône kurhârhume omushinganyanya aleka enjira yâge, oli wa amaboko mêru kwêru anayûshûla oburhwâli.

Ennanga 37:28

Bulyâla Nyakasane ye ayôrha arhonya obushinganyanya, arhakanalekêrera abacêse bâge.

Ennanga 41:9

«Kafinjo kadârhi bamulozire», mpu: «Y’oyo ogwîshîre, arhakacifà azûsire aho».

Mateyo 24:24

Bulya bayish’iyisha ba-Kristu bw’obwîhambi n’abalêbi bw’obunywesi, bayish’ijira ebimanyîso n’ebirhangâzo binji ebyankarheba ciru n’abîshogwa acibà kwankahashikana.

Marko 13:22

“Bulya bayish’iyisha ba-Kristu b’obwîhambi n’abalêbi b’obunywesi banji, banayish’ijira ebimanyîso n’ebirhangâzo mpu barhebe ciru n’abîshogwa acibà kwankahashikana”.

Luka 8:13

“Nabo ab’omu lukalabuye, bo balya bayumva Oluderho, baluyankirire banasîmire; ci erhi ntà mizî bagwêrhe”: “babà bantu bayêmêra kasanzi, n’ama­ngo g’amashumi, banacîyegûla”.

Yowane 15:2

“Ngasi ishami lindikwo lirhayâna malehe analihagule, na ngasi ishami liyâna amalehe analishogolere mpu lyo liyâna kulusha”.

Yowane 4:14

Ci owanywe oku mîshi namuhà, arhakayumva nyôrha ciru n’eliguma; bulya amîshi namuhà gamuhindukamwo iriba lyakahululamwo amîshi g’obuzîne bw’ensiku n’amango».

Ebijiro 15:24

“Rhwayumvîrhe mpu bantu baguma b’eno mwîrhu badwîrhe bakaderha ebinwa by’okummuhiramwo akavulindi n’okumufudusa emirhima, n’obwo rhurhabarhumaga”.

Ebijiro 20:30

“na muli mwe mwene mwârhenga abantu bayigîriza ebibî mpu lyo babona abaganda babashimba”.

Barom 9:6

Arhali kuderha oku akanwa ka Nyamuzinda kakubire; bulya arhali ababurhagwa n’Israheli boshi bo bene-Israheli,

1 Bakorinti 11:19

Nêci, kukwânîne habè empiriri muli mwe, lyo abantu b’enkômedu zikomîre bamanyikana.

Lushika 13:13

“Erhi wakayumva baderha mpu murhundu muguma mw’erya Nyamubâho, Nyamuzinda wâwe àkuhâga mpu obêremo”,

2 Timoteyo 2:10

Okwo kwo kurhuma ndembera amalibuko goshi abîshogwa barhumire, nti lyo nabo babona obucire bubà muli Kristu Yezu haguma n’irenge ly’ensiku n’amango.

2 Timoteyo 2:19

Ci kwônene eciriba cikomîre Nyamuzinda abandaga ho ciciri, cirikwo eci cimanyîso: Nyakasane ayishi abâge, na: Ngasi yêshi oderha izîno lya nyakasane, ayâke obubî.

2 Timoteyo 3:9

Ci kwônene barhahike ngahi, bulya isirhe lyâbo lirhayimang’imanyikana kuli boshi, nka kulya lirya lya balya babiri lyabaga.

Bahabraniya 10:39

Rhwêhe rhurhali bantu ba kushubira nyuma n’okuyish’ihera, ci rhuli bantu ba buyêmêre buciza obuzîne bwîrhu.

2 Yowane 1:7

Bulya igulu lyazûsiremwo bakanywesi mwandu, barhayêmêra oku Yezu Kristu acîjizire muntu. Y’oyo ye Kanywesi, ye na Antikristu!

Yûda 1:1

Yûda, mwambali wa Yezu Kristu, mwene wâbo Yakôbo, oku nshâgi ntonyi muli Nyamuzinda Îshe zalangagwa erhi Yezu orhuma.

Yûda 1:19

Bâbo bo bakammulerhamwo okucîberûlamwo, bantu bashimba obwôrhere bwâbo bw’ecinya-mubiri, Mûka Mutagatîfu arhababâmwo.