1 Yowane 1:8 - BIBLIYA NTAGATIFU OMU MASHI

⁸ Erhi rhwankaderha nti rhurhagwêrhi câha, erhi kucîrheba rhucîrhebire, n’okuli erhi kurha rhulimwo.

1 Yowane 1:8 ပူးပေါင်းရင်းမြစ်များ

1 Bâm 8:46

Erhi bankakujirira kubî bulya ntà muntu orhali munya-byâha hanôla igulu, n’erhi omu bukunizi bwâwe wankabahâna omu maboko g’abashombanyi n’abamabahima erhi bankabagwârha babahêka bujà emwâbo, cibè cihugo ca hôfi erhi c’ihanga,

2 Bâm 20:15

Yesha’yahu ashubidôsa erhi: «Bici babwîne omu nyumpa yâwe»? Yezekiyahu anacishuza erhi: «Babwîne ngasi by’omu mwâni byoshi, ntâco ntabalangwîre c’omu buhirhi bwâni.»

2 Nganîro 6:36

Amango banakujirire ecâha, bulya ntà muntu orhankajira câha -na erhi, omu kubakunirira wankabahà mushombanyi, n’erhi olya wamabahima ankabahêka bujà omu cihugo ca kuli nîsi erhi ca hôfi,

Ayubu 14:4

Ndigi wankarhenza ehinjà omu hibî? Ntâye!

Ayubu 15:14

Kurhi omuntu ankabà mwêru-kwêru, omwâna w’omukazi mpu naye abâge mushinganyanya?

Ayubu 25:4

Kurhigi omuntu ankabà mushinganyanya, embere za Nyamuzinda? Kurhigi ankabà mwêru-kwêru oburhwa n’omukazi?

Ayubu 9:2

Nêci mmanyire oku kwo binali ntyo: K’omuntu ankayâza Nyamuzinda?

Ennanga 143:2

Omanye wankajisa mwambali wâwe lubanja, bulya ntà wabusirwe oli mushinganyanya embere zâwe.

Migani 20:9

Ndi wankaderha, erhi: «omurhima gwâni gucîre, ntayimbwâkwo câha»?

Muhanûzi 7:20

Hanôla igulu harhali omuntu mushinganyanya olya wankakola aminjà buzira kulogorha ciru n’eriguma.

Izaya 53:6

Rhweshi rhwàli rhushandabîne nka bibuzi bihezire, na Nyakasane amubarhuzize amabî gîrhu rhweshi.

Izaya 64:6

Ntâye ocidwîrhe ayâkûza izîno lyâwe, ntâye ociderha mpu azûka acishwêkere kuli we, bulya wàrhufulisire obusù bwâwe, wànaziga amabî gîrhu garhuyehûkana.

Yeremiya 2:35

Onadwîrhage waderha erhi: «ndi mwêru-kwêru omungo gwâge arhaciri nie bagurhûlakwo». Lâba oku lubanja lwâwe nditwa wedwîrhe waderha erhi «ntajiraga câhal!»

Ben Levi 13:12

Ci erhi ankabà olushomyo lwayisha lwalandira lwanabwîkira omubiri g’olya muntu, olikwo ecihulu kurhenga oku irhwe kuhika oku kugulu, nka oku omudâhwa ankabona n’amasù gâge,

Yowane 8:44

Sho ye shetani, na nyîfinjo za sho mulonza okujira. Kurhenga omurhondêro erhi ali mwîsi wa bantu; arhali wa kuderha okuli, bulya okuli kurhamubamwo. Nk’aderha eby’obunywesi, omu murhima gwâge abikûla, bulya ali munywesi ye n’îshe w’obunywesi.

Barom 3:10

nk’oku biyandisirwe, mpu: Ntà muntu mwimâna, ntâye ciru n’omuguma;

Barom 3:23

Boshi bajizire ebyâha, baheza irenge lya Nyamuzinda,

1 Bakorinti 3:18

Ntâye ocîrhebage yêne! Muli mwe erhi hankajira owacîkebwa mpu ali mushinganyanya omu masù g’eri igulu, acîjire musirhe ly’abà mushinganyanya;

Bagalasiya 6:3

Ocîkubagira mpu omuntu naye hali oku ali, n’obwo ntâkwo ali, erhi kucîrheba acîrhebire yêne.

1 Timoteyo 6:5

ennongwè zirhatwîkanuka z’abantu b’emirhima ehûsire, abarhishi okuli, balya balongeza obunguke omu kushîbirira ebya Nnâmahanga.

2 Timoteyo 3:13

Abantu babî bôhe n’endyâlya, kushâya bâshaye omu bubî, bârhebane banarhebwe.

Yakôbo 1:22

Mubè ba kujira akanwa ka Nnâmahanga, ci arhali ba kuyumvîrhiza kwône, murhag’icîrheba mwêne!

Yakôbo 1:26

Erhi omuntu ankaderha mpu ali mwinjà omu idini lyâge, ci akabà arhish’ishuba olulimi lwâge, na ntyo acîrhebe yêne omu murhima, idini ly’oyo muntu liri lya busha.

Yakôbo 3:2

Bulya rhweshi rhweshi rhunahabuke kanji. Akabà hali orhafumwa omu binwa, oyo muntu erhi acîbêrire mulume mwimâna, owankahash’irhegeka omubiri gwâge gwoshi.

2 Petro 2:13

na ntyo bâhâbwe obuhane, bubè luhembo lw’obubî bwâbo. Balongeza iragi omu masîma ga kasanzi kasungunu. Abo bantu bayunjwîre izinga n’obulema, banakammurheba n’iralà lyâbo omu kulya amadinie haguma ninyu.

1 Yowane 1:10

Erhi rhwankaderha nti ntà câha rhwajizire, erhi rhwamamujira munywesi, n’oluderho lwâge erhi lurhali muli rhwe.

1 Yowane 1:6

Erhi rhwankaderha nti rhushangîre rhwe naye, n’obwo rhudwîrhe rhwagenda omu mwizimya, erhi kunywerha rhunywesire, erhi rhurhanajira eby’okuli.

1 Yowane 2:4

Oderha, erhi: «Mmumanyire», n’obwo arhashimba amarhegeko gâge, erhi munywesi n’okuli erhi kurhali muli ye.

1 Yowane 4:20

Owaderha erhi: «Nzigira Nyamuzinda» n’obwo ashomba muci wâge, oyo erhi kanywesi: bulya orhazigira mwene wâbo adwîrhe abona, ntâko ankazigira Nyamuzinda arhabona.

2 Yowane 1:2

okwo kuli kubà muli rhwe kwanayôrha kubà nîrhu ensiku n’amango kurhumire.

3 Yowane 1:3

Nasîmire bwenêne erhi mbona bene wîrhu bayisha n’erhi nyumva bahamîriza oku osêzire oku by’okuli, oku oshimba okuli omu lugendo lwâwe.