1 Yowane 1:2 - BIBLIYA NTAGATIFU OMU MASHI

² -bulya, nêci, obuzîne bwaciyêrekîne: rhwabubwîne, rhuli bahamîrizi bâbwo, rhunammumanyisize obwo buzîne bw’ensiku n’amango bwàli haguma n’Îshe, lêro bwanacirhubonekera-,

1 Yowane 1:2 ပူးပေါင်းရင်းမြစ်များ

Yowane 1:18

Ntà muntu ciru n’omuguma osag’ibona Nyamuzinda; Omugala cûsha yêne, ôbà muli Îshe, ye warhumanyisagyaye.

Yowane 1:4

Obuzîne muli ye bwàli, n’obuzîne bwo bwàli bulangashane bw’abantu.

Yowane 10:28

Mbihà obuzîne bw’ensiku n’amango; ntà mango byâhere na ntâye wankabinkûla omu maboko.

Yowane 14:6

Yezu amushuza, erhi: «Nie Njira, nie n’Okuli, nie na Buzîne. “Ntâye wankajà emwa Larha arhanangeziriho”.

Yowane 15:27

“Ninyu mwayish’impamîriza, kulya kubà mubà nâni kurhenga omurhondêro”».

Yowane 16:28

“Nahubukaga muli Larha, najà en’igulu”. “Buno nkola nârhenga en’igulu, njè emwa Larha”».

Yowane 17:3

Akalamo k’ensiku n’amango kuli kukumanya, w’oyo Nyamuzinda w’okuli wênene, n’oyu warhumaga, Yezu Kristu.

Yowane 17:5

Larha, nâwe onkuzagye buno, onampè lirya irenge nayôrhaga njira e­mwâwe embere igulu liremwe.

Yowane 19:35

Owabonaga okwo, yêne ye na muhamîrizi, n’obuhamîrizi bwâge buli bw’okuli, anamanyire oku adesire oku­nali, mpu lyo ninyu muyêmêra.

Yowane 21:14

Bwo bwàli bwa kasharhu obwo Yezu abonekera abaganda bâge kurhenga afûka omu bafù.

Yowane 3:13

“Ntâye wayinamukire empingu aha nyuma z’olya wahonaga empingu, Mwene-omuntu ôbà empingu”».

Yowane 7:29

Niehe mmuyishi, bulya ye cisisi câni, bulya ye wanantumaga».

Yowane 8:38

Nie ono nderha ebi nabwîne emwa Larha, ninyu mujira ebi mwayumvîrhe emwa sho».

Ebijiro 1:22

“kurhenga obubatizo bwa Yowane kuhika olusiku arhurhengagamwo, murhenge muguma wâbà muhamîrizi w’okufûka kwâge haguma n’irhù”».

Ebijiro 10:41

Arhacîyêrekaga olubaga lwoshi, ci balya bahamîrizi Nyakasane àli erhi acîshozire: rhw’ono rhwe rhwalyaga rhwananywa naye erhi ayûs’ifûka omu bafù.

Ebijiro 2:32

“Oyo Yezu, Nnâmahanga amufûsize; na rhweshi rhuli bahamîrizi b’okwo”.

Ebijiro 3:15

n’Omuluzi w’akalamo mwamuyîrha. Ci Nyamuzinda amufûla omu bafù, nîrhu rhwe bahamîrizi bâge.

Ebijiro 5:32

Rhw’ono rhuli bahamîrizi b’ebyo rhwe na Mûka Mutagatîfu Nyamuzinda ashobôzagya abamuyumva».

Barom 8:3

Bulya ebi amarhegeko garhahashaga erhi buzamba bwa mubiri burhuma, Nyamuzinda yêne abijizire erhi arhuma Omugala omu mubiri gushushire ogwîrhu gw’ebyâha, mpu lyo ahima ecâha, n’omu mubiri gwâge, ayagîriza ecâha,

Bagalasiya 4:4

Ci amango Nnâmahanga ali atwîre erhi gayunjula, arhuma Omugala waburhagwa n’omukazi, aburhwa amango g’Irhegeko,

1 Timoteyo 3:16

Nêci, ntâye wankakulahira, liri likulu ihwe rhugashâniza: Lyabonekîne omu mubiri, lyayêra muli Mûka Mutagatîfu, lyabonwa na bamalahika, lyamanyîsibwa omu mashanja, lyayêmêrwa omu igulu, lyahêkwa omu irenge.

2 Timoteyo 1:10

buno lyo ekola eciyêrekîne omu kuyisha kw’Omuciza wîrhu Kristu Yezu waherêrekezagya olufù, alêrha obuzîne n’akalamo karhaheka, byalangashana omu Myanzi y’Akalembe.

Tito 1:2

erhi kulangâlira obuzîne bw’ensiku n’amango kurhuma, nk’oku Nnâmahanga orhankarhebana a­rhulaganyagya kurhenga ensiku n’amango,

1 Petro 5:1

Abagula bali muli mwe, alagi ihano mbahire, nie mugula akabo, nie na câliho c’amababale ga Kristu, nie nanayish’ishangira irenge lyânabonekane.

1 Yowane 1:1

Ebyaliho kurhenga aha murhondêro, ebi rhwayumvîrhe, ebi rhwabwîne rhwêne n’amasù gîrhu, ebirhwasingirîze n’ebi enfune zîrhu zàhumirekwo biyêrekîre Oluderho lw’obuzîne,

1 Yowane 2:25

N’eci co ciragâne arhulaganyagya yêne: akalamo k’ensiku n’amango.

1 Yowane 3:5

Murhanahabiri oku kurhenza ebyâha kwamudwîrhe, n’oku ntà câha cimubâmwo.

1 Yowane 3:8

Ojira ecâha erhi ali wa shetani, bulya shetani ayôrha abà munya-byâha kurhenga aha murhondêro. Co canarhumaga Mwene-Nyamuzinda acîyêrekana mpu aherêrekeze emikolo ya shetani.

1 Yowane 4:14

Na nîrhu rhwono rhwabwîne, rhunahamîrize oku Nyamuzinda Îshe arhumîre Omugala mpu abè Muciza w’igulu.

1 Yowane 4:2

Ecimanyîso mwamanyirakwo omûka gwa Nyamuzinda c’eci: ngasi mûka guhamîriza oku Yezu Kristu acîjizire muntu erhi emwa Nyamuzinda gwarhenga;

1 Yowane 5:11

N’obwo buhamîrizi bw’obu: Nyamuzinda arhushobôzize obuzîne bw’ensiku n’amango, n’okubona buzîne bubà omu Mugala.

1 Yowane 5:13

Mmuyandikîre ebyo binwa nti lyo mumanya oku mugwêrhe obuzîne bw’ensiku n’amango, mwe muyêmîre izîno lya Mugala wa Nyamuzinda.

1 Yowane 5:20

Kandi rhuyishi oku Mugala wa Nyamuzinda ayishire, n’oku a­rhushobôzize obukengêre bw’okumanya Nn’okuli. N’oyo Nn’okuli rhuli muli ye, omu Mugala Yezu Kristu: Ye Nyamuzinda w’okuli, ye na Buzîne bw’ensiku n’amango.