1 Timoteyo 6:9 - BIBLIYA NTAGATIFU OMU MASHI

⁹ Nabo balya balonza okubona amahirhi, kuhirima bahirima omu mashumi, n’omu murhego, n’omu iralà lya ngasi lubero ly’obuhwinja n’obuhanya, n’eryo iralà lyo lirhuma abantu bashâya, bahere, banasherêre.

1 Timoteyo 6:9 ပူးပေါင်းရင်းမြစ်များ

1 Bâm 21:6

Anacimushuza, erhi: «Nashambalaga na Naboti w’e Yizreeli, namamubwîra nti: “Ompè olu lukoma lwâwe lw’emizâbîbu nkugulire lwo, n’akabà kwo osîmire, rhukâbanwe nkuhè olundi lukoma lw’emizâbîbu”. Ci yêhe amâderha, erhi: “Ntankakuha olukoma lwâni lw’emizâbîbu.”»

Ennanga 11:6

Mûshi emihera ayirhogeze amakala g’engulumira n’ecibiriti, n’empûsi y’omuliro ebè co cigabi c’omu kabehe kâbo.

Migani 15:27

Osîma eby’obushambo anacîshâbire enyumpa, olahira okuhêmbwa yêhe kucira acira.

Migani 20:21

Obugale burhangira duba n’okukula duba, bunazinde erhi burhacibona mugisho.

Migani 21:6

Obugale burhenga omu bunywesi cihemu, oku burhimanga kwo bunali bwa mihera yalonza olufù.

Migani 22:16

Okurhindibuza omukenyi kubà kumugaza, n’okushobôza omugale kubà kumukenya.

Migani 23:4

Orhacîrhamagya mpu walwira okuhirhira, oleke n’okuyungukira oku bandi.

Izaya 5:8

Buhanya bwâbo abakâja bayûshûla enyumpa oku yindi banajà bananika ishwa olu lindi! Buzinda erhi barhôzire hoshi hoshi, erhi bône bakola bali omu cihugo.

Zakariya 11:5

ebi abasaka ebimasha babâga buzira kuhanwa. N’abarhunzi b’ebibuzi baderhe, mpu: «Nnâmahanga agânze! Rhwono rhwa­magala. Ciru na balungere b’ebibuzi barhabifungira».

Mibalè 31:8

Bayîrha n’abâmi b’e Madiani; bo: Evi, Rekemi, Suri, Huru na Reba, bâmi barhanu b’e Madiani. Balâmu mwene Beori naye bamufu­nda engôrho.

Mateyo 13:22

Owamîzirwe omu mishûgi naye, ye yumva Oluderho, ci ebihamba by’e­by’en’igulu n’obunywesi b’obuhirhi byazimaguza lulya Luderho: obwo lurhanacibonaga malehe.

Mateyo 19:22

Erhi gulya musole guyumva ako kanwa oburhè bwaguhêka, bulya gwàli gugwêrhe birugu binji.

Mateyo 26:15

Anacibabwîra, erhi: «Ci mwakampà mmuhêye?» Nabo banacimuhà magerha mafundo asharhu.

Mateyo 6:19

Murhacîbikiragya omuhako en’igulu, emunda engisha n’enundo zaguhalagula, n’emunda ebishambo birhula enyumpa binazimba.

Marko 4:19

ci ebihamba by’e­ by’en’igulu, obunywesi bw’obuhirhi n’enyifinjo z’ebindi, erhi bibaja omu murhima, byanazimaguza lulya Luderho, lubule oku lwabona amalehe,

Luka 12:21

“Kwo ali ntyo ngasi muntu ocilundikira yêne ahâli h’okugalira Nnâmahanga”».

Luka 21:35

Bulya abantu boshi b’igulu lyoshi kwo lwayish’ibayishira nka murhego.

Ebijiro 8:20

Petro anacimushuza, erhi: «Okahera we n’ensaranga zâwe; wamanyire mpu wanagula enshôkano ya Nnâmahanga nsaranga!

Befezi 4:22

Mwayigîrizibwe oku murhegesirwe okuleka obwôrhere bwinyu burhanzi n’okuhogola omuntu wa mîra, olya ojà wabola omu kushimba enyifinjo mbî,

Lushika 7:25

Enshusho bàbinjaga mpu banyamuzinda bâbo, mukazizikweba ecîko; orhayâgalagwa n’amasholo nîsi erhi n’amarhale baziyambisire; erhi wakaderha mpu wacîyankirago, wanagwa omu murhego; bulyâla ebyo byoshi, Nyamubâho, Nyamuzinda wâwe arhabikwirirwa.

1 Timoteyo 1:9

Kukwânîne oku­manya oku Irhegeko lirhajiriragwa bashinganyanya, ci byâbi lyajiriragwa n’abagoma, emihera na banya-byâha, abarhakenga Nyamuzinda n’abamulogorhera, abayîrha bîshe na bannina, n’ebishumûsi,

1 Timoteyo 3:7

Kukwânîne aderherwe obuhamîrizi bwinjà n’abantu b’embuga, lyarhagayaguzibwa arhanag’igwa omu mirhego ya Shetani.

1 Timoteyo 6:10

Bulya ecisisi c’amabî goshi gabà magene g’ebirugu. Erhi kubishwira kurhuma, baguma bahabusire, baheza obuyêmêre, banacifunda malumwa manji omu murhima.

1 Timoteyo 6:17

Obwîre abahirhi ba mw’er’igulu barhakâg’icîbona, bamanye bakahira obulangâlire bwâbo omu mahirhi ga nsiku nsungunu, ci bacîkubagire Nyamuzinda, orhugabira ebintu byoshi mpu rhubikolêse.

2 Timoteyo 2:26

n’okushub’izabanuka obukengêre, babà bamâyûs’irhenga omu mirhego ya Shetani, owabajizire mpira na bajà b’okujira obulonza bwâge.

Tito 2:12

erhuyigîriza okujahika obubî n’amagene g’eby’en’igulu, lyo rhubà n’olugero muli byoshi, obushinganyanya n’obukombêdu omu bya Nnâmahanga muli aga mango rhuciri en’igulu,

Yozwe 7:11

“Israheli, anajizire ecâha, ciru barhalanzire erya ndagâno yâni nabalahirizagya kuhika bayanka ebintu byàli bigwâsirwe okuherêrekezibwa; babiyongolokana, banywerha, bayisha babidwîrhe omu birugu byâbo!”

2 Petro 2:3

Omu magene gâbo g’eby’en’igulu, bammulonzakwo obunguke n’ebinwa by’obwengehuza. Ci olubanja lwâbo mîra lwatûbagwa, n’okuhera kwâbo kuli kurheganye.

Yûda 1:11

Bali bahanya! bulya bàshimbire enjira ya Kayini, bacîyôha omu kuhabuka kwa Balaamu erhi kulonz’iyunguka kurhuma, bàhungumukira omu bugoma bwa Korè.