1 Timoteyo 4:13 - BIBLIYA NTAGATIFU OMU MASHI

¹³ Omu kulinda oku nayisha, ocîsezagye okukâsoma, okukâhanûla n’okukâyigîriza.

1 Timoteyo 4:13 ပူးပေါင်းရင်းမြစ်များ

Yowane 5:39

“Muhumba Amandiko, bulya mucîkebirwe mpu mwo mubà akalamo karhahwa; ci nago kumpamîriza gampamîriza!”

Ebijiro 17:11

Ci kwônene, abôla bôhe bâli ba murhima mwinjà kulusha ab’e Tesalonika. Bayankirira Oluderho lwa Nnâmahanga buzira kurhindira. Ngasi lusiku bakâg’ilongereza omu mandiko mpu babone erhi kwo binali ntyo.

Ebijiro 6:4

Nîrhu rhwêhe rhwâcîshwêkera oku kuharâmya n’okuyigîriza akanwa ka Nnâmahanga».

Barom 12:8

owahîrwe ey’okuhanûla, ahanûle. Owarhabâla abakenyi, arhageraga; okulîre abâbo, abashîbirire; owababalira owâbo, amubabalire n’enshagali.

1 Bakorinti 14:26

Kurhi rhwaderhaga, bene wîrhu? Mukajà haguma, ngasi muguma anabà agwêrhe olwimbo, erhi enyigîrizo, erhi obulêbi, erhi enshôkano y’okuderha e­ndimi, erhi ey’okuzihugûla. Ebyo byoshi bijirwe omu kulonza okuyûbaka.

1 Bakorinti 14:3

Omuntu olêba yêhe, bantu aderheza, kuyigîriza ayigîriza, kuhanûla ahanûla, kurhûliriza arhûliriza.

1 Bakorinti 14:6

Bene wîrhu, erhi nankammuganîza omu ndimi, erhi kwinjà kuci mmujirirage, akabà ntâco mmufulûlire, n’akabà ntâco mmumanyîsize, n’akabà ntâco mmulêbîre na ntâco mmuyigîrizize?

Lushika 17:19

Eco citabu cikaziyôrha ciri aha burhambi bwâge, akacisoma ensiku z’akalamo kâge zoshi, na ntyo anamanyirhînya Nyamubâho, Nyamuzinda wâge, anamanyilanga ebinwa by’olulushika byoshi, n’aga marhegeko anamanyigashimba.

1 Timoteyo 4:16

Ocîmanye wêne, omanye n’enyigîrizo zâwe; onazisêrekwo. Okajira ntyo, wacîciza wêne, onacize abakuyumvirhiza.

1 Timoteyo 4:6

Omu kurhondêreza bene wîrhu ebyo, wâbà murhumisi nkana wa Kristu Yezu, waleragwa n’ebinwa by’obuyêmêre n’eby’enyigîrizo nyinjà wasêzirekwo.

2 Timoteyo 3:15

n’oku kurhenga eburhò bwâwe erhi oyishi Amandiko Matagatîfu; ganahash’ikuhà obushinganyanya buhisa oku bucire n’oburhabâle bw’obuyêmêre bubà muli Kristu Yezu.

2 Timoteyo 4:2

oyigîrize oluderho lwa Nnâmahanga, basîme erhi babè barhasîmiri, obabwîre, obayâgirize, okalihe, ohanûle, omu butûdu n’omu bushiru bw’okuyigîriza.

Tito 2:15

Kwo wakaderha ntyo, kwo wanakâyigîriza n’okuhanûla n’obuhashe wahîrwe bwoshi. Ntâye oderhage mpu akugayaguza.

Yozwe 1:8

“Ecîra citabu c’oburhegesi cirhakurhengaga omu kanwa; okazicigerereza kwo mûshi na budufu, ly’ohashijira bwinjà nk’oku binayandisirwe; na ntyo wanabà n’iragi, onabêrwe omu majira gâwe goshi”.