1 Timoteyo 3:7 - BIBLIYA NTAGATIFU OMU MASHI

⁷ Kukwânîne aderherwe obuhamîrizi bwinjà n’abantu b’embuga, lyarhagayaguzibwa arhanag’igwa omu mirhego ya Shetani.

1 Timoteyo 3:7 ပူးပေါင်းရင်းမြစ်များ

Marko 4:11

Ababwîra, erhi: «Mwêhe mwahîrwe okumanya ihwe ly’Obwâmi bwa Nyamuzinda; ci abâli embuga bakâbwîrwa byoshi omu migani,

Ebijiro 10:22

Bashuza, mpu: «Omurhegesi w’abasirika, Korneliyo, muntu mwinjà orhînya Nyakasane, mukengwa omu ishanja ly’Abayahudi lyoshi, abwîzirwe na malahika mpu akuhamagale aha mwâge, anayumve ebinwa byâwe».

Ebijiro 22:12

“Lêro mulume muguma, izîno lyâge Ananiya, muntu oshimba bwinjà marhegeko na mukengwa omu Buyahudi b’e Damasi boshi”,

Ebijiro 6:3

Mulonze muli mwe, bene wîrhu, bantu nda bakengwa, abayunjwîre Mûka Mutagatîfu n’obushinganyanya, bo rhwâhâ ogwo mukolo.

1 Bakorinti 10:32

Mumanye mwankasârhaza Abayahudi, nîsi erhi Abagereki, nîsi erhi Ekleziya ya Nyamuzinda,

1 Bakorinti 5:12

Abâli embuga, cici mbashimbîre nti nabatwîra olubanja? Kali abâli omu ndalâlà bo mutwîra olubanja ninyu?

2 Bakorinti 6:3

Rhurhasârhaza ndi, nti lyo barhagayaguza obujà-bugo bwîrhu.

2 Bakorinti 8:21

Bulyâla rhulonza okujira aminjà, arhali omu masù ga Nyamuzinda mwône, ci n’embere z’abantu.

Bakolosi 4:5

Mubè bashinganya­nya omu lugendo lwinyu haguma n’ab’embuga; mukolêse bwinjà amango muhîrwe.

1 Batesalonika 4:12

Ntyo olugendo lwinyu luyôrhe lushingânîne omu masù g’abâli embuga, na ntâye mwalagîrirakwo.

1 Batesalonika 5:22

Mucîlange oku ngasi coshi ciderhwa cibî.

1 Timoteyo 3:6

Arhabaga mukristu muhyâhya, ly’arharhunda n’obucîbone, obone amahirima mwo cirya câha Shetani ahirimagamwo.

1 Timoteyo 5:14

Ntyo nnonzize abakana baciri barhò bajè omu buhya, baburhe abâna, barhegeke kwinjà enyumpa zâbo, barhag’ihà omushombanyi igwârhiro ly’okubaderha kubî.

1 Timoteyo 6:9

Nabo balya balonza okubona amahirhi, kuhirima bahirima omu mashumi, n’omu murhego, n’omu iralà lya ngasi lubero ly’obuhwinja n’obuhanya, n’eryo iralà lyo lirhuma abantu bashâya, bahere, banasherêre.

2 Timoteyo 2:26

n’okushub’izabanuka obukengêre, babà bamâyûs’irhenga omu mirhego ya Shetani, owabajizire mpira na bajà b’okujira obulonza bwâge.

Tito 2:5

okubà barhondêza na bacêse b’omurhima, okukakombêra enyumpa zâbo n’okukâkenga bibà, lyo akanwa ka Nyamuzinda karhag’ijâcirwa.

Tito 2:8

oluderho lwâwe lubè luderho nkana n’olw’okuli, ly’abashombanyi, hano babula eci bankarhushobeka, e­nshonyi zibagwârha.

3 Yowane 1:12

Demetriyo yêhe, boshi kukunga bamukunga, ciru n’Okuli nakwo kunamukunge. Nîrhu rhumuderhîre obuhamîrizi, nâwe wêne omanyire oku obuhamîrizi bwîrhu buli bw’okuli.

1 Samweli 2:24

“Ka nanga bâna bâni! emyanzi ndwîrhe nayumva erhali minjà”.