1 Timoteyo 2:3 - BIBLIYA NTAGATIFU OMU MASHI

³ Okwo kuli kwinjà kunasîmîsa Omuciza wîrhu Nyamuzinda,

1 Timoteyo 2:3 ပူးပေါင်းရင်းမြစ်များ

Izaya 45:21

Lerhagi olubanja lwinyu, muhirane, ciru munadôsanye Ndi wamanyîsize ebyôla kurhenga mîra, ndi wabifulwîre kurhenga ago mango? K’arhali nie, Nyakasane? Ntà wundi nyamuzinda kuleka nie! Nyamuzinda mushinganyanya na muciza, ntà wundi kuleka nie!

Luka 1:47

n’omûka gwâni gucishinzire bwenêne muli Nnâmahanga, Muyôkozi wâni,

Barom 14:18

Okolera Kristu ntyôla, asîmîsa Nnâmahanga, n’abantu banamusîme.

Bafilipi 1:11

munayunjule amakwânane g’obushinganyanya Yezu Kristu arhushobôzagya, oku irenge n’obukuze bwa Nyamuzinda.

Bafilipi 4:18

Bunôla ngwêrhe ebikwânîne byoshi, ciru na kulusha. Ndi muhirhi kurhenga erhi Epafroditi ampisakwo entûlo yinyu, ogwo mugavu gw’akasununu kinjinja, eyo nterekêro Nnâmahanga ayankirira anasîmîswa nayo.

Bakolosi 1:10

Na ntyo mubè n’olugendo lushingânîne Nyakasane, munamusimîse muli byoshi; muyâne amalehe omu ngasi bijiro binjà, munayûshûke omu kumanya Nnâmahanga.

1 Batesalonika 4:1

Nêci bene wîrhu, rhummuhûnyire rhunammuyinginzire muli Nyakasane Yezu nti mushimbe erya njira rhwammuyigîrizaya, erya njira emmuyêreka kurhi mukwânîne okuyôrha lyo musimîsa Nnâmahanga. Câbà kwo munakola muyôsire ntyo. Muhirage njira, mujè embere.

1 Timoteyo 1:1

Paolo, ntumwa ya Yezu Kristu oku irhegeko lya Nyamuzinda, Muciza wîrhu, n’erya Kristu Yezu, bulangâlire bwîrhu,

1 Timoteyo 4:10

Okwôla kwo kurhuma rhulibuka n’okulwa entambala, bulya rhulangâlire Nyamuzinda ozîne, ye Muciza w’abantu boshi, ci bwenêne ow’abemêzi.

1 Timoteyo 5:4

Ci erhi omukana akabà a­gwêrhe abâna erhi abinjikulu, kukwânîne burhanzi bayigîrizibwe okukâkombêra omulala gwâbo n’okuyêreka ababusi bâbo omunkwa. Okwôla kwo kusîmîsa Nnâmahanga.

2 Timoteyo 1:9

ye warhucungulaga, arhuhamagala anacirhwîshoga mpu rhubè batagatîfu, arhali oku lugero lw’ebijiro bîrhu, ci oku lugero lw’obulonza bwâge yêne n’engalo yâge. Eyo nshôkano rhwashobôlaga kurhenga emyâka n’emyâka muli Kristu Yezu,

Bahabraniya 13:16

Okujira aminjà nakwo n’okushangîra ebintu n’abandi, murhakuyibagiraga; entûlo za bene ezo zo Nyamuzinda asîma.

1 Petro 2:20

Ndi wankakungirwa okubà alembîre empîmbo obubî bwâge bwàli bukwânîne? Ci erhi mwankalembera amalumwa n’obwo mwajizire kwinjà, gwo mugisho ogwo embere za Nyamuzinda.

1 Petro 2:5

Ninyu mubè nka mabuye gazîne, mujè omu bûbake bw’enyumpa y’obunya-mûka, muhinduke badâhwa batagatîfu b’okurherekêra enterekêro z’obunya-mûka zasîmîsa Nyamuzinda oku bulagizi bwa Yezu Kristu.