1 Samweli 6:21 - BIBLIYA NTAGATIFU OMU MASHI

²¹ Banacilika entumwa yajà emwa bene Kiriyati-Yarimi mpu bagendibabwîra oku: «Abafilistini bagalwîre Omucîmba gw’amalaganyo ga Nyamubâho, muyandagale muyishigurhôla, mugusôkeze emwinyu».

1 Samweli 6:21 ပူးပေါင်းရင်းမြစ်များ

2 Samweli 6:2

Daudi boshi n’engabo yali kulikire, barhôla enjira yâbo kurhenga e Baale-Yûda, mpu bagend’iyinamula eyôla munda omucîmba gw’amalaganyo gwa Nyamubâho, ogwayîrikagwa izîno lya «Nyamubâho, Nyakasane w’Emirhwe obwârhîre kuli bakerubi.»

Ennanga 78:60

Aleka ecirâlo c’omu Silo obwo, co cirâlo àli agwîsire omu karhî k’abantu.

Yeremiya 26:20

Hali na mulume muguma wakazâgilêba oku izîno lya Nyakasane, ye wali Uriyahu, mwene Shemayahu, w’e Kiririat-Yarimu. Alêbera olu lugo n’eci cihugo ebidârhi, kulyâla kwa Yeremiyahu.

Yeremiya 7:12

Mukanye mujè aha mwâni e Silo: ho izîno lyâni lyayûbakaga burhanzi, mulole ebi nahakolire erhi bubî bwa lubaga lwâni lwa Israheli burhuma.

Yeremiya 7:14

eyi ngombe ederhwa n’izîno lyâni, eyôla mucîkubagîre, n’eri ishwa namuhâga mwe na basho nkolaga nayikolera birya nakoleraga Silo.

Yozwe 15:60

Kiryati-Bali, yerigi Kiryat-Yarimi na Ha-Raba: ngo ibiri n’ebishagala byâzo.

Yozwe 15:9

Kurhenga oku irhwêrhwè ly’entondo, olubibi lwalikûla kuhika ah’iriba ly’amîshi ga Neftoaha, lwagendija oku ngo z’entondo y’Efroni; olubibi lwalikûla lwajà olunda lw’e Baala, oli aha Kiryati-Yearimi.

Yozwe 18:14

Olubibi lwanacilandira, lwagera olunda lw’ebuzika-zûba, olunda lw’ekâgarhî, kurhenga oku ntondo eri ah’ishiriza lya Beti-Horoni olunda lw’emukondwè, lwagendihekera aha Kiryat-Bali, yerigi Kiryat-Yearimi, lugo lwa bene Yûda: lwo lubibi lw’ebuzika-zûba olwo.

Yozwe 9:17

Oku bundi obwo banacilîkûla bahika oku lugo lwâbo enyuma lya nsiku isharhu. E­bishagala byâbo byàli: Gabaoni, Kefira, Bêroti na Kiryati-Yarimi.

Bacîranuzi 18:12

Basôka, bagendiha­ nda aha Kiriyati-Yearimi, omu Yûda. Co cinarhuma abo bantu baderhwa ciru kuhika buno Mahanè-Dani. Lolà oku aho hantu hali olunda lw’e Buzika-zûba bwa Kiriyati-Yearimi.