1 Samweli 4:16 - BIBLIYA NTAGATIFU OMU MASHI

¹⁶ Olya muntu anacibwîra Eli, erhi: «Niono narhenga oku matabâro, kufulumuka oku nfulumusire oku matabâro ene.» Eli anacimudôsa, erhi: «Kurhi byabîre mwâna wâni»?

1 Samweli 4:16 ပူးပေါင်းရင်းမြစ်များ

2 Samweli 1:4

Daudi anacimudôsa, erhi: «Kurhi byabîre? Nganîrira byo la!» Nyamusole anacimurhondêreza erhi: «Olubaga lwahimirwe na bantu mwandu balufiremwo; ciru Saulu n’omugala Yônatani nabo bombi bafîre.»

Yozwe 7:19

Yozwè anacibwîra Akâni, erhi: «Mugala wâni, nkusengîre, ohè Nyakasane, Nyamuzinda w’Israheli, irenge lyâge, omukuze. Mbwîra bici wajizire, orhabinfulikaga».

1 Samweli 3:6

Ci Nyakasane ashubirira okuhamagala Samweli; Samweli akanya emunda Eli ali amubwîra erhi: Niono ohamagîre. Eli amushuza, erhi: Ntakuhamagiri mwâna galuka ojigwîshira.

1 Samweli 4:17

Olya muntu walimumanyîsa omwanzi anacimushuza, erhi: «Israheli anahimirwe n’Abafilistini, n’abantu mwandu bafîre omu lubaga, ciru na bagala bâwe bombi, Hofni na Pinehasi, oku banali babirhi bafîre, na gulya Mucîmba gwa Nyamuzinda gwanyazirwe.»