1 Samweli 31:8 - BIBLIYA NTAGATIFU OMU MASHI

⁸ Erhi buca, Abafilistini bayisha bakola balitungôla emifù, bashimâna Saulu na bagala basharhu batulamire oku ntondo ya Gilibowa.

1 Samweli 31:8 ပူးပေါင်းရင်းမြစ်များ

2 Samweli 1:20

Okola orhakumanyîsagya omu Gati, orhakuyumvîsagya omu njira ya Askoloni, lyo abanyere b'Abafilistini balek’icîshinga, lyo balek’ihama n’omwîshingo, abanyere b’entakembûlwa!

2 Samweli 1:21

Ninyu, ntondo z’omu Gilibowa mâshi irhondo murhacifâga mwajire kw’olumè, nîsi erhi nkuba, amashwa gayêra irhondo garhacihiraga gabonekana muli mwe, bulya empenzi y’entwâli, empenzi ya Saulu ekabulirwe.

1 Nganîro 10:8

Erhi buca Abafilistini bayisha balitungôla emirhumba, babugâna Saulu n’abagala balangamire oku ntondo ya Gilbowa.

2 Nganîro 20:25

Yozafati n’olubaga lwâge bakanya bagendihagula eminyago yâbo bashimâna amagâle manji, emifù n’ebirugu by’engulo ndârhi, basabunga bashana emizigo yâbo; bajira nsiku isharhu erhi basabunga omunyago bulya gwàli munji.

1 Samweli 28:4

Erhi Abafilistini babà bamasûbûzanya bagenditwa olugerêro aha Shunemu, naye Saulu ashûbûza bene Israheli boshi, bacumbika nabo aha Gilibowa.

1 Samweli 31:7

Bene Israheli bali olundi lunda lw’akabanda n’abâli olunda lwa Yordani erhi babona oku bene Israheli bayâsire, erhi banamanya oku Saulu anafîre haguma n’abâna bâge, barhenga omu bishagala byâbo bacîyâkira, erhi Abafilistini bayisha babibêramwo.

1 Samweli 31:9

Bamutwa irhwe, barhôla n’emirasano yâge, buzinda bw’aho bàrhuma entumwa mpu bagendimanyîsa ogwôla mwanzi mwinjà omu cihugo c’Abafilistini coshi, omu nyumpa za banyamuzinda bâbo n’omu lugo lwoshi.