1 Samweli 30:6 - BIBLIYA NTAGATIFU OMU MASHI

⁶ Daudi amagala gamulya bwenêne, bulya olubaga lwàli lwamahiga mpu lukola lwamuyîrha, bulya lwoshi lwàli erhi lwafîre omurhima omu kubona abâna bâbo b’abarhabana n’abanyere bahesirwe. Ci Daudi ashubiyumva omurhima gw’oburhwâli muli Nyamubâho, Nyamuzinda wâge.

1 Samweli 30:6 ပူးပေါင်းရင်းမြစ်များ

Murhondêro 32:7

Entumwa zagaluka zashubira emunda Yakôbo ali zanacimubwîra, mpu: «Rhwahisire emwa mukulu wâwe Ezau. Yêne ayishire emunda oli n’abantu bâge magana anni».

2 Samweli 17:8

Hushayi ayûshûla aderha erhi: «Omanyire oku sho n’engabo eri boshi naye ziri ntwâli. Kandi bali bantu bakumbire omurhima nkakula wankabona engoromora yamanyagwa abâna ekôla ehangazize. Kandi sho ali muntu wa malwa bwenêne, anali nka arhaleke omurhwe gw’abasirika gwahûmûka budufu.

2 Bâm 4:27

Erhi nyamukazi ahika h’olya muntu wa Nyamuzinda, oku ntondo, amurhuluba amagulu. Gehazi anaciyisha mpu amukûle kuli ye ci olya muntu wa Nyamuzinda anacimushuza erhi: Leka ye bulya omurhima gwâge guyunjwîre amaganya na Nyamuzinda arhamanyisize, anakunfulisire.

Ayubu 13:15

Yenè, ankanyîrha anyîrhe: Ci kwône ncîkubagîre okuyêrekana obushinganyanya bwâni omu masù gâge.

Ennanga 138:3

Olusiku nakufukamiraga wanyumvîrhiza, wanyûshûlira emisî y’omurhima.

Ennanga 18:2

Anaciderha, erhi: Nkusîma Nyamuzinda, we misî yâni;

Ennanga 18:6

Emigozi y’omu kuzimu yanzunguluka, emirhego y’olufù yangorha.

Ennanga 25:17

Nkûla ogu mutula emurhima, onantenzemwo ebi bihamba.

Ennanga 27:14

Osengere Nyakasane onazibuhe, ohire omurhima omu nda, onacîkubagire Ye!

Ennanga 31:24

Musîme Nyakasane mwe barhonyi bâge! Kulanga alanga abemêzi Abakola n’obucîbone bôhe kukolera abakolera.

Ennanga 42:11

Ndwîrhe nayumva narhoga enjingo ababisha erhi banacinjacira, erhi banacinkangula, mpu: «Ngahigi Nyamuzinda wâwe aligi?»

Ennanga 42:5

Nankengêre nyumve omurhima gundwîrîr’omu nda, nankengêre oku nabonaga nakananda omu bandi, oku nabonaga nabarhang’aha ka-Nyamuzinda, omu cihôgêro c’omwîshingo n’obukuze, omu kafurhè k’olusiku lukulu.

Ennanga 42:7

Omurhima gwandwîrîre omu nda, bwo buno nkukengêrîre eno munda e Yordani n’e Hermoni, oku hirhando hya Misarhi.

Ennanga 56:11

Ndagâno ya Nyamuzinda eno nâcîtakîrira muli ye.

Ennanga 62:1

Gwârhi omukulu w’abimbiza. Luyimbwa aka Yedutuni. Lulanga. Lwa Daudi.

Ennanga 62:5

Emugamba nshonîre yo badwîrhe balonza bammanule, obunywesi go masheka basheka, Owayumva mpu bwinjà badwîrhe baderha, n’okuziga kutulagula badwîrhe batulagula emurhima.

Ennanga 71:4

Yâgirwa Nnâmahanga, nkûla omu maboko g’eyi nkola-maligo, ntenza omu nfune z’oyu mumînya w’ecishungu.

Ennanga 71:5

We nâlolakwo, Yâgirwa Nnâmahanga, we nyôrha ncîkubagira kurhenga oburhò bwâni.

Lubungo 17:4

Mûsa àyamira Nyakasane, erhi: «Kurhigi najira olu lubaga? Hacisigîre hitya hyône lummande amabuye.»

Migani 18:10

Izîno lya Nyakasane ye: Nkingi-nzibu. mwo omushinganyanya ayâkira barhanacimuhikekwo.

Izaya 25:4

Bulya we lwâkiro lw’omuzamba, we nyamwegemerwa w’omukenyi omu bulagîrire bwâge, we kacîkirizo k’enkuba y’ecihonzi, we cihôho c’okulanga oku idûrhu ly’izûba. Bulya omûka gw’abantu bakali kwo guli nka cihonzi c’amango g’e­ mpôndo.

Yeremiya 16:19

Nyamuzinda, we buzibu we n’ibuye ncîfulikaho, nyâkiraho amango mpanyagîre! Amashanja gayîsha emunda oli kurhenga ebwa kafende k’igulu gaderhe mpu: balarha bya bunywesi bayîmiremwo, bya busha birhajira mukolo muci.

Yônà 2:2

Mw’eyo nda y’enfî, Yônà ayâkûza Nnâmahanga Nyamuzinda wâge, aderha, erhi:

Mibalè 14:10

Olubaga lwoshi lwahiga mpu lukola lwababanda amabuye, ci agôla mango irenge lya Nyamubâho lyanacîyêrekana oku Ihêma ly’embugânano embere za Bene Israheli boshi.

Mateyo 21:9

Orhutù rhwàli rhushokwîre n’orhwali enyuma rhwakaz’ibanda orhuhababo, rhwanaderha, mpu: «Aganze Mwene Daudi! Agishwe oyu oyishire oku izîno lya Nyakasane! Hozana omu mpingu enyanya!»

Mateyo 27:22

Bilato anacibabwîra, erhi: «Kurhi najiraga Yezu oderhwa Kristu?» Boshi bashuza, mpu: «Abambwe oku musalaba».

Yowane 8:59

Banaciyanka ama­buye mpu bamubandego, ci Yezu acîyongolokera, arhenga omu ka-Nyamuzinda.

Barom 4:18

Omu kulangâlira ebirhankahashikana okulangalirwa, Abrahamu ayêmîre, na ntyo ahinduka îshe w’amashanja mwandu, nk’oku àli abwîzirwe, erhi: Ntyo kwo iburha lyâwe lyabà.

Barom 4:20

Arharhindiraga erhi ayumva eciragâne ca Nyamuzinda, ci obuyêmêre bwâge bwamuzibuhya, aha Nnâmahanga irenge;

Barom 8:31

Cici rhwankaciyûshûla kw’ebyo? Akabà Nyamuzinda ali olunda lwîrhu, ndi wankacirhuhima?

2 Bakorinti 1:6

Rhukalibuka erhi burhûlirize n’okucira kwinyu birhumire, bwo bamuhà oku mwalemberamwo amababale rhudwîrhe rhwalembera nîrhu.

2 Bakorinti 4:8

Rhufundêrîre enyunda zoshi, ci rhurhahinangusiri; rhurhamanyiri cici rhulangâlirage, ci erhi rhunalangâlîre.

2 Bakorinti 7:5

Bulyâla, erhi rhuhika e Macedoniya, rhurhaderhaga ciru mpu omubiri ogu gwamarhamûka. Ci ntâkwo rhurhalibukaga: embuga entambala, erhi nie ono, n’omu nda obwôba, erhi nie ono.

Bahabraniya 13:6

Co cirhumire rhwanahash’iderha n’oburhwâli, nti: Nyakasane ye murhabâzi wâni; ntâco na­nkayôboha. Kurhi abantu bankanjira?

Bacîranuzi 18:25

Bene Dani banacimubwîra mpu: «Omanye washubîrira mpu warhudesa, bulya abantu wamajirîsa oburhè okurhalusire, hali amango bankacirhunika kuli we bakuyîrhe bayîrhe n’omulala gwâwe».

Bacîranuzi 20:22

Abo bantu, bo baligi bene Israheli, bashubihira omurhima haguma, bashubitwa ecigamba, halya banali olusiku lurhanzi.

1 Samweli 1:10

Omu burhè buyunjwîre emurhima gwâge, Ana akashenga Nyamubâho anavugumula emirenge minji.

1 Samweli 23:16

Yônatani mugala wa Saulu, akanya ajà emunda Daudi ali aha Horesha. Amuhà omurhima muli Nyamuzinda anacimubwîra, erhi:

1 Samweli 28:15

Samweli anacibwîra Saulu erhi: «Cirhumire odwîrhe wansholoshonza obûla warhuma nashubiyinamuka?» Saulu ashuza, erhi: «Waliha ndi n’endyaganè nyinji omu murhima: Abafilistini bantezire, na Nyamuzinda anacîyegwire kuli nie; ntaho adwîrhe anshugiza, oli oku balêbi, oli oku bilôrho. Nakuhamagîre nti ombwîre kurhi najira.»