1 Samweli 30:16 - BIBLIYA NTAGATIFU OMU MASHI

¹⁶ Anacimulongolana, na lolà oku abantu bali bashandabîne boshi omu lugo badwîrhe balya banaywa, kwo kujira olusiku lukulu na birya byoshi bahagula ga omu cihugo c'Abafilistini n’eca Yûda.

1 Samweli 30:16 ပူးပေါင်းရင်းမြစ်များ

2 Samweli 13:28

Absalomu akomêreza abambali, erhi: «Mulange bwinjà! Hano Amnoni ajamwo orukara, muyumva namubwîra, nti: “Torhagi Amnoni, munamuyîrhe, murhayôbohaga. Kali niene mmubwizireko? Munakujire buzira bwôba, muyêrekane oburhwâli bwinyu”».

1 Nganîro 4:43

Balwîsa amahânga ga kuli Amaleki gacibaga eyo munda, bagahima bacîbêrera mw’eco cihugo kuhika ene.

Ayubu 20:5

Oku obushagaluke bw’enkola-maligo bubà bunyi, n’oku amasîma gw’omuntu mubî gabà ga kasanzi kasungunu?

Ennanga 119:162

Kwo ebinwa byâwe binsîmîsa, nka muhivi ogwâsize nsimba nyinji

Lubungo 32:6

Erhi buca, oku banazûka, barherekêra enterekêro z’embâgwa banalêrha enterekêro z’omurhûla, olubaga lwanaciburhamala, lwalya lwananywa, lwayimuka mpu lusâme.

Izaya 22:13

Ci gwabà mwishingo n’obushagaluke: okubâga enkafu, okuniga ebibuzi. okulya enyama n’okunywa amamvu, mpu: «Rhulye rhunanywe, bulya irhondo rhwacîfîra!»

Izaya 9:3

Bulya omuzigo gwàli gubagogomîre, omurhamba gwabali aha lurhugo, akarhi k’owakâg’ibalibuza, wabivungunyula nka lulya lusiku lwa Madiyani.

1 Batesalonika 5:3

Amango abantu baderhe mpu: «Murhûla na kalembe», lyo obuhanya bwâbahonere oku caligumiza, kula emikero mibishi enarhogera omukazi oli izîmi, barhakanabona oku bayâka.

Yozwe 22:8

Anacibabwîra erhi; «Mushubirage emwa bînywè, omu mahêma ginyu, n’obugale bunji, muyôloloke omu bishwêkwa binji bwenêne, omu kubà n’amarhale n’amasholo, n’omulinga, n’ecûma n’omu myambalo; mugabâne na bene winyu eminyago mwanyagaga abashombanyi binyu boshi».

Bacîranuzi 8:11

Gedeoni ayisha omu hijira hy’omukâba hy’abantu bayûbakaga aho, olunda lw’e buzûka-zûba, olunda lwa Nobahi na Yogboha, anacicîrhuna kuli cirya cihando càli camamanya mpu nkaba cikola ciri aharhali kadundo.

1 Samweli 30:14

Rhwayishire rhwahagula omu mahirinji g’emwa bene Kereti, kandi rhwajà omu ga Yûda, rhwayikirira emahirinji ga bene Kalebu, rhwayôca Siklagi.»

1 Samweli 30:15

Daudi amudôsa erhi: «Ka orhankampisa eyo munda ogwôla muzinzi gujire obwo?» Olya muntu ashuza erhi: «Orhangindahirira oku izîno lya Nyamuzinda, erhi orhayishinyîrhè, nîsi erhi orhayishimpanè emwa Nnâhamwîrhu, na ahôla nanakulongolana emunda ogwôla muzinzi guli.»