1 Samweli 30:12 - BIBLIYA NTAGATIFU OMU MASHI

¹² Banacimuhà oluhande lw’omugati gw’emitini n’amangaka mûmu. Erhi abà amalya, ashaluka, obukengêre bwâge bwagaluka bulya amâyûsa miregerege isharhu na madufu asharhu arhalya arhananywa.

1 Samweli 30:12 ပူးပေါင်းရင်းမြစ်များ

Esteri 4:16

«Ogend’ibwîra Abayahudi banali omu Suza boshi bacîshalise erhi nie ntuma. Murhalyaga murhananywaga miregerege isharhu na madufu asharhu. Oku lwâni lunda, nie haguma na bambalikazi bâni, nacîshalisa kuguma na ninyu. Na hanôla mbà namacîrheganya ntyôla, nanaj’emunda mwâmi ali, gwârhi irhegeko, akabà kufà nafà nanafâga».

Ndûlù 1:11

Olubaga lwa Yeruzalemu ludwîrhe lwayâma lwalonza eci lwalya. Ludwîrhe lwahâna akantu luzigira kulusha, luhâbwè eci lwalya lubonemwo amagala n’emisî. Lwamâshenga erhi: «Olole Nyakasane, kuno ndwîrhe nagayaguzibwa.»

Mateyo 27:63

Banacimubwîra, mpu: «Waliha, rhwakengire oku erya ndyâlya yaderhaga, erhi ecizîne, erhi: “Hano kugera nsiku isharhu, nâfûka!”

Bacîranuzi 15:19

Nyamuzinda anacihahanyula ibuye libà abà Lehi, lyanacivongobokamwo amîshi. Samusoni anywa, ahûmûka, ashubibà mugumagumà. Co carhumire eryo iriba baliyîrika izîno lya Eni-Korè; liciba aho Lehi kuhika ene.

1 Samweli 14:27

Ci kwônene Yônatani arhamanyaga amango îshe Saulu agashaga olubaga. Ayêrekeza irhwêrhwè ly’akarhi, ali afumbasire, alifunda omu cigukulu c’obûci ahêka okuboko kwâge ebwa kanwa, amasù gâge gashubizibûka.

1 Samweli 30:11

Banacishimâna muntu muguma w’e Mîsiri omu ndimiro, bayisha bamudwîrhîre Daudi, bamuhà omugati n’amîshi anywa.

1 Samweli 30:13

Daudi amudôsa erhi: «Oli mwambali wa ndi? Na ngahi emwinyu?» Naye ashuza erhi: «Ndi muntu w’e Mîsiri, mujà w’omunya-Amaleki muguma, lolà oku zikola nsiku isharhu zino kurhenga nahamwîrhu andesire mpu okwenge namalwâla.