1 Samweli 29:4 - BIBLIYA NTAGATIFU OMU MASHI

⁴ Balya barhambo b’Abafilistini bacîgakabula kuliye, banacimubwîra mpu: «Ogalulage oyo muntu ashubire omu ishwa lyâge wamutuliraga, omanye wankaderha mpu ayîshe na nîrhu oku matabâro, bulya hali amango ankarhugolonjoka, obone akola mushombanyi warhulwîsa. Ka bantu bali ahâla?

1 Samweli 29:4 ပူးပေါင်းရင်းမြစ်များ

1 Nganîro 12:19

Lêro obwo Omûka gwa Nyamuzinda gwanacirhula kuli Amasayi, murhambo w’omurhwe gwa Makumi asharhu, anaciyâkûza, erhi: «Rhuli haguma nâwe, rhuli b’olunda lwâwe wâni Daudi, mugala wa Yese! Omurhûla gubà haguma nâwe, gubè na haguma n’abadwîrhe bakurhabâla, bulya Nyakasane, akulwanyirekwo.» Daudi abayankirira anabahà ecikono c’okubà barhambo omu murhwe gwâge.

1 Nganîro 12:20

Erhi ashubira e Siklagi, abandi bantu b’obûko bwa Menashè bajà kuli Daudi amango alonzagya okulungana n’Abafilistini erhi balwîsa Saulu. Ci kwône Daudi arhaciyumvanya bya n’Abafilistini, bulya abarhambo bâbo bamàmulahirira; babwirana, mpu: «Hali amango Daudi ankayîshija olunda lwa nnawâbo murhanzi, obone amarhuhâna emunda ali.»

Lubungo 1:10

Rhubasingire obwenge bushinganîne, lyo baleka okuyôloloka. Erhi ebîrha byankabà, hali amango bakacihira olunda lw’ababisha, na hano babà bamarhulwîsa, bacîrhengeremwo cino cihugo».

Luka 16:8

Nnawâbo olya mulanzi mulangûza amukunga mpu ajizire obwenge. Bulya abâna b’er’igulu bo bayengeha omu bâbo kulusha abâna b’obulangashane.

1 Samweli 14:21

Abayahudi bali bashizire Abafilistini bali bagenzikinwe oku matabâro erhi bahika halya bagoma, bagwâsanya haguma n’abandi bene Israheli baliyishire haguma na Saulu na Yônatani.

1 Samweli 27:6

Olwo lusiku Akishi amutulira Siklagi. Co cirhuma Siklagi ayôrha abà w’abâmi b’omu Yûda kuhika ciru na bunôla.

1 Samweli 29:9

Akishi ashuza, anabwîra Daudi, erhi: «Oyishi oku omu masù gâni oli mwinjà nka malahika wa Nyamuzinda. Ci kwônene abarhambo b’Abafilistini balahire mpu orhankasôkera oku matabâro haguma nîrhu.

1 Samweli 30:1

Daudi bône engabo yâge, erhi bahika aha Siklagi oku lusiku lwa kasharhu, bashimâna bene Amaleki bahyajire amahirinji g’e Siklagi; bali erhi bahagwîre Siklagi yêshi, erhi banamudûlisire muliro.