1 Samweli 26:24 - BIBLIYA NTAGATIFU OMU MASHI

²⁴ “Olole, nka okûla obuzîne bwâwe buli bwa lukengwa omu masù gâni, kwo n’obwâmi buzîne bwâbà bwa lukengwa omu masù ga: Nyamubâho, ye wanandîkûza oku ngasi mabî goshi”».

1 Samweli 26:24 ပူးပေါင်းရင်းမြစ်များ

Murhondêro 48:16

Malahika wandîkûzagya muli ngasi mabî, agishe abà bâna. Izîno lyâni n’izîno lya balarha Abrahamu na Izaki libalamiremwo, baluge banayololoke hano igulu».

2 Samweli 4:9

Daudi anacishuza Rekabu boshi na muci wâge Bânâ bombi oku banali bene Rimoni w’e Beroti anacibabwîra, erhi: «Aganze Nyamubâho wandangaga kuli obûla buhanya.

Ennanga 144:2

Ye buzigire bwâni, ye mpenzi yâni, Ye lwâkiro na Muciza wâni, yêne ye kereka emirhwe oku burhegesi bwâni.

Ennanga 18:1

Gwârhi omukulu w’abimbiza. Lwa Daudi, mwambali wa Nyamuzinda, àyimbiraga Nyakasane ebinwa by’olu lwimbo amango Nnâmahanga àmulîkuzagya omu maboko g’abanzi bâge n’aga Saulu.

Ennanga 18:25

Naye Nyakasane anjirire nk’oku obushinganyanya bwâni bunakwânîne. angerera oku bucêse bw’amaboko gâni omu masù gâge.

Ennanga 18:48

Nyamuzinda ompôlera, ye lambika amashanja g’abantu aha magulu gâni.

Ennanga 34:20

Amahanya galuga oku muntu mushinganyanya, ci kwône Nyakasane anakaz’imulîkûza kuli go goshi.

Ennanga 54:7

Abashombanyi bâni orhangibayêrekeza obuhanya n’oku bwinjà bwâwe, Nyamuzinda obashâbe buyumpa.

Mateyo 5:7

Iragi lyâbo ab’olukogo, bulya bayish’ibêrwa nabo olukogo.

Mateyo 7:2

Oku mwânatwe oluli omu mwabene, kwo mwâtwîrwe oluli omu mwinyu, n’omulengo mwalengeremwo abandi gwo ninyu mwâlengerwemwo.

Ebijiro 14:22

Bakâzibuhya emirhima y’Abemêzi n’okubahà amahano mpu basêre omu buyêmêre, banakâbabwîra, mpu: «kukwânîne rhugere omu malibuko manji lyo rhuhika omu bwâmi bwa Nyamuzinda».

2 Tesalonika 3:2

rhufume abantu babî n emihera; bulâla arhali boshi bayankirira obuyêmêre.

Mafulûlo 7:14

Nâni, nti: «Waliha, wêne omanyire». Anacimbwîra, erhi: «Abo bo ba­lya bazind’irhenga omu malibuko madârhi; bàshusire emyambalo yâbo ba­nayiyêruhiza omu mukò gw’Omwâna-buzi.

1 Samweli 18:30

Abarhambo ba Abafilistini bakayisha balilwa, na ngasi mango erhi bayishaga ntyôla Daudi anabahirekwo omuhero gwâge na obukengêre bunene kulusha abandi barhumisi ba Saulu. Ntyo izîno lyâge lyajà irenge bwenêne.

1 Samweli 24:16

«Nyamubâho yêne arhutwîre olubanja, alola yêne, yêne ye wanansambira, yêne ye wananyêza emunda oli!»