1 Samweli 26:12 - BIBLIYA NTAGATIFU OMU MASHI

¹² Daudi anacirhôla oku mushego gwa Saulu lirya itumu n’erya ntendere, banacihuma enjira yâbo bagenda. Ntâye wabwîne, ntâye wazûsire, bulya boshi bali îrò, bulya boshi Nyamubâho amabarhogezakwo îrò lizirho.

1 Samweli 26:12 ပူးပေါင်းရင်းမြစ်များ

Murhondêro 15:12

Erhi izûba libà likola lyazika, enjôli nnene yarhogerakwo Abramu, ecôbà cinene camugwârha.

Murhondêro 2:21

Nyakasane Nyamuzinda arhogezakwo omuntu îrò ly’enkwîra, nyamuntu ahunira; amushugula omurhibadu ashosha eminyafu aha omurhibadu gwarhengaga.

Esteri 6:1

Muli obwôla budufu mwâmi anacibula îrò, arhumiza mpu bamulêrhere ecitabu c’emikolo n’ebijiro byâge. Bacilêrha, barhondêra bacibungûla banacisomera embere zâge.

Izaya 29:10

bulya Nyakasane anammuhiziremwo omûka gw’obudandaguzi; anammuhizire olubwîbwî omu masù -mwe balêbi-, anammufunika irhwe -mwe banyakubona ebifulike-.

1 Samweli 24:4

Anacihika aha bakazâgiyabulira ebibuzi hôfi n’enjira; Ahôla habâga obulumba. Saulu anacijà muli bulya bulumba mpu arhamukizamwo amagulu. Kuziga erhi Daudi boshi n’abambali mwo bacîtamalîre, oku kafendefende kw’obwo bulumba.

1 Samweli 26:13

Daudi ayikira erindi ishiriza, agendiyimanga kuli oku irhwêrhwè ly’entondo, ecirêre cinene càli ekarhî kâbo.

1 Samweli 26:7

Daudi boshi na Abishayi banacibungulukira muli cirya cirâlo budufu bukulu, lolà oku oyo Saulu abâli ekâgarhî, erhi alangusire n’îrò, itumu lyâge ligwîke aha mushego gwâge. Naye Abneri haguma n’olubaga bali bagwîshîre eburhambi bwâge.