1 Samweli 25:37 - BIBLIYA NTAGATIFU OMU MASHI

³⁷ Ci erhi buca, Nabala amârhenga mw’erya ndalwè yâge, mukâge abà lyo amuganîrira ebyôla byabîre. Nabala yêshi asikirira omurhima gwabà muzibu nk’ibuye.

1 Samweli 25:37 ပူးပေါင်းရင်းမြစ်များ

Lushika 28:28

Nyamubâho akulikirakwo isirhe, obuhurha, anakudundaguze omurhima,

1 Samweli 25:22

Mâshi Nyamuzinda ayîrhe anaherêrekeze abashombanyi ba Daudi boshi. Omu ngasi ebi Nabala ajira byoshi namunyaga, ntamusigalize akantu, hano sêzi erhi arhacigwêrhi akantu muli ebi bîntu byâge biganga oku nyasi.»

1 Samweli 25:34

“Ci naye ayâgirwe Nyamubâho, Nyamuzinda w’Israheli, owancîkaga okukujirira amabî okuli nka orhacîsêzagya okuyisha duba eno munda ndi. Nabala aha mwâge burhankacire erhi hacibà akantu kaganga oku nyasi.”»

1 Samweli 25:36

Abigayila ayinamuka ashubira emwa Nabala, ashimâna adwîrhe ajirisa olusiku lukulu yêshi erhi anarhwangusire analalusire okurhankaderhwa. Arhamubwîraga akantu, ciru n’ehitya kuhika bwaca.

1 Samweli 25:38

N’erhi kugera hôfi nka nsiku ikumi, Nyamubâho arhingamira Nabala, afà.