1 Samweli 25:21 - BIBLIYA NTAGATIFU OMU MASHI

²¹ Daudi ayishaga acîdesa, erhi: «Kwo kumbonêsa nshonyi kurhi oku wâni: niono nakazâgilanga ngasi bîntu oyu mulume ali agwêrhe omu irungu byoshi, na ntâco ciru n’eciguma cahezire omu bîntu byâge byoshi yêhe amangalulira amabî oku minjà!

1 Samweli 25:21 ပူးပေါင်းရင်းမြစ်များ

Murhondêro 44:4

Bâli bamârhenga omu lugo ci kwônene barhali bacihika kuli; Yozefu àrhuma omurhindisi wâge, erhi: «Yimuka oshimbûlire balya bantu, na hano obahikakwo, obabwîre, erhi: “Kurhi mwagalulaga amabî oku minjà mwajirîrwe?”

Ayubu 30:8

Bâna ba nshâhu na kulusha, balume barhajira izîno, bàcibêrire bakage omu cihugo.

Ennanga 35:12

Okunabajirira aminjà bôhe bangalulira amabî; gwo mutula gukângwarhaga.

Ennanga 37:8

Lekà okukunira, ocîke oburhè bukugwêrhe; orharûkûzagya: bulya buzinda byankanabîha.

Ennanga 38:20

Ci balya banshombera obusha bali badârhi, n’abarhambonakwo guli mwandu.

Migani 17:13

Ogalula obubî oku bwinjà, obuhanya burhankarhenga aha mwâge.

Yeremiya 18:20

K’omuntu anagalule obubî oku minjà? Bôhe badwîrhage bampumbira omwîna. Kengêra oku nayimangaga embere zâwe nti mbaderhere ebinja, nti mbayâse oburhè bwâwe.

Barom 12:21

Omanye wankahimwa n’obubî, ci ohime obubî omu kujira aminjà.

Befezi 4:26

Mukunire, ci murhajiraga câha: izûba lirhazikaga n’obukunizi bucimmugwêrhe.

Befezi 4:31

Omujina, ennongwè, obukunizi, akadali, ebijâci, ebyôla byoshi birhenge ekarhî kinyu, haguma na ngasi coshi ciderhwa cibî.

1 Batesalonika 5:15

Mumanye hankajira owagalulira omuntu obubî oku bubî; ci ngasi mango mucihangâne okujirirana aminjà mwêne na nnene, mugajirire n’abantu boshi.

1 Petro 3:17

Bulya kuli kukulu okulibuzibwa nka bammuhôla aminjà, akabà kwo Nyamuzinda alonzize, ahâli h’okuhôlwa amabî.

1 Petro 3:9

Murhakâg’igalula obubî oku bubî. Erhi ebijâci oku bijâci; ci mukâhâna obwangà erhikwo, bulya kwo mwahamagaliragwa okwo, lyo muyish’iyîma omu mugisho.

1 Samweli 25:13

Oku bundi Daudi anacibwîra engabo yâge, erhi: «Ngasi muguma muli mwe ayambale engôrho yâge!» Boshi banaciyambala ngasi muguma engôrho yâge na Daudi naye ayambala eyâge ngôrho; balume hôfi magana anni basôka boshi na Daudi, bandi ba magana abirhi basigala oku birugu.

1 Samweli 25:15

N’obwo abà bantu babaga bantu binjà kuli rhwe, barhajiriraga kurhi n’omu bîntu bîrhu, ntâco n’eciguma cahezire amango rhwanakazâgigenda rhweshi nabo, ago mango rhwanali omu mpinga.

1 Samweli 25:20

Erhi akola ayandagala, aligi oku ndogomi yâge, erhi ahika omu cigonzi c’entondo, tundu kuli Daudi n’engabo yâge babungulukiraga emunda ali.

1 Samweli 25:7

Nayumvîrhe bambwîra mwa zinôla nsiku oku oli n’abakembi. Ci omanyâge oku abangere bâwe bakazâgiyabulira emunda rhuli, rhurhanabajiraga gurhi, n’amango goshi bakazâgiyabulira e Karmeli, ntà cintu câbo cahezire.