1 Samweli 24:11 - BIBLIYA NTAGATIFU OMU MASHI

¹¹ “Wêne n’amasù gâwe, wamacîbonera kurhi Nyamubâho amakuhira omu maboko gâni muli obûla bulumba. Nalahîre nti ntakakuyîrha, nti ntankahumakwo Nnawîrhu, bulya ali mushîgwa wa Nyamubâho”.

1 Samweli 24:11 ပူးပေါင်းရင်းမြစ်များ

2 Samweli 1:14

Kandi Daudi anacimubwîra, erhi: «Kurhi orhayumvîrhe obwôba bwalambûla okuboko n’okuyîrha omwâmi mushîgwa wa Nnâmahanga?»

2 Bâm 5:13

Abambali banacimujaho mpu bamushambâze banacimubwîra mpu: «Larha! Nyamulêbi acikuhûnaga akantu kadârhi, ka orhankahashire okukâjira? Ci lêro obûla amakubwîra erhi: “Ocîshuke wanyuguka”».

Ayubu 10:16

Erhi najiderha nti nyinamule irhwe, onampîve kula entale ehìva, erhi kandi oshubinkolera akal’ibala.

Ennanga 119:161

Abaluzi banshimbîre obusha, ci omurhima gwâni kukenga gwanakenga ebinwa byâwe

Ennanga 140:11

Enkuba y’ebisêsè ebarhogere, abo bakakûmba elushâyo babule cazûsa.

Ennanga 35:7

Bulyâla emirhego bantezire eri ya bumâma, n’omûka gwâni babîre baguhumbira enshinda oku bumâma.

Ennanga 59:3

Ondîkûze kw’ezi nkola-maligo onandîkûze kw’ezi nkunda-mukò.

Ennanga 7:5

Ka najirîre orhampalalîri kubî, ka nashokwîre omushombanyi wâni buzira igwârhiro?

Migani 15:1

Okushuza kwinjà kunarhûze oburhè, ci okushuza kubî kunazûse embaka.

Ndûlù 4:18

Badwîrhe bayunja enshando zîrhu, ntâkwo rhwankacihika aha mwîrhu. Amango gîrhu gahisire, ensiku zîrhu zahwîre, bulya obuzinda bwîrhu buli hôfi.

Ezekiyeli 13:18

Obabwîre, erhi: Ntyâla kwo adesire Nyakasane Nyamubâho: Buhanya bwâbo balya bakazi bajà bahangira orhushangi oku biboko byoshi, n’abakaz’ilukira ecitambara oku irhwe ly’abantu ba ngasi lubero, lyo mugwârha amaroho gâbo omu mirhego. Munakaz’igwârhira omu murhego abantu b’olubaga lwâni, munagali leka amaroho ginyu mwêhe.

Mikeyo 7:2

Abantu ba Nnâmahanga barhaciboneka omu cihugo; ntà mushinganyanya ciru n’omuguma omu bantu. Boshi bàcîkwendesirage bayunja oku bahuma omukò, ngasi muguma adwîrhe arhega mwene wâbo akasirha.

Yowane 15:25

“Ci okwo kwoshi mpu lyo ecinwa ciyandisirwe omu Marhegeko gâbo ciyunjula: Banshombire buzira igwârhiro.”

1 Samweli 12:3

Mumbwîne niono ndi hanôla, mumbwîre embere za Nnâmahanga n’embere z’oyu mwambali wâge, nkâfu erhi ndogomi ya ndi nkola nyanzire. Indi nababazize nîsi erhi kumurhindibuza? Indi nkola mpûnyire empongano, mpu lyo muh’olubanja. Mweshi mwananyêrera.»

1 Samweli 18:27

Oku ensiku zirhacihika Daudi arhabâla n’engabo yâge arhêra Abafilistini abahima anabayîrhamwo bantu magana abirhi, abashugula ebinyîrha birhakembûlagwa abitwa abirhûla mwâmi oku binali byoshi lyo abà mukwî wa mwâmi, îba wa Mikala.

1 Samweli 23:14

Daudi agendicîbêrera omu hantu hazibuzibu bwenêne, abêra omwôla ntondo omu irungu lya Zifa. Saulu akazâgija amulonza ngasi lusiku ci kwônene Nyamuzinda arhamuhâga ye.

1 Samweli 23:23

Mujè mwalola munaje mwadôkereza bwinjà aha acîfulika hoshi. Enyuma z’ahôla mwanashubira emunda ndi, mummanyise bwinjà, na ntyôla nâni nanagenda rhweshi eyôla munda ali. Akabà omu cihugo ali, najà nalonza kuhika mubone, nfukule omu Yûda mwoshi.»

1 Samweli 25:28

“Obabalire, nkusengîre yâgirwa obubî bwa mwambalikazi wâwe, bulya okuli, Nyamubâho atugikiza buzibu enyumpa ya Nnawîrhu. Bulya nnawîrhu ali oku matabâro ga Nyamubâho na ntà bubî babona buli muli we omu nsiku zâwe”.

1 Samweli 26:18

Anaderha, erhi: «Yâgirwa bici nnawîrhu ashimbîre omurhumisi wâge? Bici najizire na bubî buci bundikwo?

1 Samweli 26:20

Ci bunôla, mâshi omukò gwâni gurhabulajikiraga oku idaho kulî n’obusù bwa Nyamubâho mâshi! Bulya mwâmi w’Israheli aj’ahîvulula enguku nka kulya bankahîva enkwâle omu ntondo».

1 Samweli 26:23

“Nyamubâho yêne agalulira ngasi muguma okukwânîne n’obushinganyanya bwâge bulya Nyamubâho ali akuhizire ene omu maboko gâni ci ntalonzize okuhira okuboko kwâni oku mushîgwa wa Nyamubâho”.