1 Samweli 22:6 - BIBLIYA NTAGATIFU OMU MASHI

⁶ Saulu amanya oku abantu bayishi bwinjà olwa Daudi n’abantu bali boshi haguma naye. Muli agôla mango erhi Saulu abwârhîre aha Gibeya idako ly’ebishakashaka oku karhondo n’itumu lyâge omu nfune, abambali boshi bayisha bamuyimanga eburhambi.

1 Samweli 22:6 ပူးပေါင်းရင်းမြစ်များ

Murhondêro 21:33

Abrahamu agwîka omurhi gw’etamarisi ahôla Bersheba anashengeraho izîno lya Nyamubâho, Nyamuzinda w’ensiku n’amango.

Bacîranuzi 4:5

Akazâgitwîra emmanja aha nkingi ederhwa ya Debora, ekarhî ka Rama na Beteli, omu ntondo y’Efrayimu, na bene Israheli bakazisôkera e­ mwâge, bagend’itwîra olubanja.

1 Samweli 14:2

Ci kwônene Saulu arhamanyîsagya îshe ogwo muhigo. Mw’agôla mango erhi ahanzire oku kafendefende ka Gibeya idako ly’omurhi baderha grenadina gwabâga aha Migroni, haguma n’omurhwe gwâge gw’abantu hôfi magana gali ndarhu.

1 Samweli 18:10

Omu lusiku lwakulikiraga, omukò mubî gwa Nyamuzinda gwajà muli Saulu, arhondêra okukahahabukira omu nyumpa yâge. Daudi anaziha oku lulanga lwâge anakômereraga okuziha na Saulu naye erhi afumbasire itumu lyâge.

1 Samweli 19:9

Lêro mûka mubî wa Nyamubâho anacirhogerakwo Saulu erhi anali omu mwâge, itumu lyâge erhi alifumabasire omu nfune; agôla mango Daudi erhi adwîrhe aziha olulanga lwâge.

1 Samweli 20:33

Saulu akubûla itumu mpu akola atumirha Yônatani. Amanyira ahôla oku îshe anarhôzire omuhigo gw’okuyîrha Daudi.

1 Samweli 31:13

Bayanka amavuha gâbo bagabisha idako ly’omurhi ahôla Yabeshi, banajà omu mishîbo y’okucîshalisa nsiku nda.