1 Samweli 22:17 - BIBLIYA NTAGATIFU OMU MASHI

¹⁷ Mwâmi abwîra abalibisi bali aha burhambi bwâge, erhi: «Hindamuki muyîrhe abâla badâhwa ba Nyamubâho, bulya nabo boshi bali njira nguma na Daudi: bali bamanyire oku ajà ayâka barhananmanyîsagya aha ali»! Ci abôla barhumisi ba mwâmi barhalonzagya okulambûla okuboko mpu bayîrhe abadâhwa ba Nyamubâho.

1 Samweli 22:17 ပူးပေါင်းရင်းမြစ်များ

2 Samweli 15:1

Buzinda bwa nyuma Absalomu agula ngâlè nguma n’ebiterusi n’abantu makumi arhanu bamushiga.

1 Bâm 1:5

Lêro Adoniyasi, mugala wa Hagiti erhi obucîbone bubà bwamamujamwo, akaderha, erhi: «Nie nâbè mwâmi». Anacilonza engâlè n’ebiterusi, na bantu makumi arhanu birongôzi byâge.

1 Bâm 14:27

Ahâli h’ezôla mpenzi mwâmi Roboami atulîsa ezindi mpenzi z’amarhale, azibîsa abantu bayishig’ilibirha bo banakazâg’ilanga omuhango gw’enyumpa ya mwâmi.

1 Bâm 18:4

amango Yezabeli ahungumulaga abalêbi ba Nyakasane, Obadyahu arhôla caligumiza balêbi makumi arhanu abafulika omu lwâla anakaz’ibashêgulamwo omugati n’amîshi.

2 Bâm 10:25

Oku banayûsirherekêra ntyâla, Yehu anacibwîra engabo y’abalanzi n’abarhambo bâbo erhi: Mujemwo mubanige boshi, murharhengaga ciru n’omuguma. Balya balanzi n’abarhambo banacijamwo babanigûza babamalîra erhi babà bamâjà omwôla mwa Baali.

Lubungo 1:17

Ci abo bakazi b’okubusa barhînya Nyamuzinda, barhajiraga oku mwâmi w’e Mîsiri ababwîraga, bakazileka abânarhabana balame.

Ebijiro 4:19

Ci Petro na Yowane bashuza, mpu: «K’omu masù ga Nyamuzinda kukwânîne okummuyumva kulusha Nnâmahanga? Mwene mulutwage.

1 Samweli 14:45

Olubaga lwanacishuza Saulu mpu: «Kurhigi Yônatani akafà ye na muntu orhumire Israheli ahashihima okungan’aha. Mpu okwôla rhweshi rhukulahîre. Aganze Nyamubâho! Okw’irhwe lyâge kurhagûguke ciru n’oluviri luguma, bulya boshi na Nyamubâho bakolaga ene.» Ntyo kw’olubaga lwafumizemwo Yônatani arhacifâga.

1 Samweli 2:31

“Yumvagya: Ensiku ziyîruka nâtwâmwo okuboko kwâwe, n’obuhashe bw’enyumpa ya sho, kuhika habulikane omushosi omu nyumpa yâwe”.

1 Samweli 20:33

Saulu akubûla itumu mpu akola atumirha Yônatani. Amanyira ahôla oku îshe anarhôzire omuhigo gw’okuyîrha Daudi.

1 Samweli 22:13

Saulu aderha, erhi: «Carhumaga ocinyihindulira, w’oyo mweshi na mwene Yese galya mango wamuhâga omugati n’engurho kandi wagaligendimudôkeza embuko emwa Nyamuzinda lyo ankozakwo amatumu n’okunjirira mirhego nk’oku munabwîne adwîrhe ajira bunôla?»

1 Samweli 22:16

Mwâmi aderha, erhi: «Ahimeleki kukwânîne ofè we na omulala gwa sho».

1 Samweli 25:17

Ci kwônene bunôla omanyâge onalole kurhi wajira, bulya balalîre okuheza nnawîrhu n’omulala gwâge; yêhe ali mwene Beliyali!»

1 Samweli 8:11

Anacibabwîra, erhi: «Yumvagi obuhashe bw’obwâmi mucihambîre. Owayîma ekarhî kinyu arhôla bagala binyu bakakola oku ngâlè zâge, abandi babè barhabâzi omu ngabo zâge zigenda oku bihêsi, bagwâsirwe okukazibakolera.