1 Samweli 20:32 - BIBLIYA NTAGATIFU OMU MASHI

³² Yônatani anacishuza îshe Saulu, erhi: «Carhuma afà obwôla, bubî buci ajizire?»

1 Samweli 20:32 ပူးပေါင်းရင်းမြစ်များ

Murhondêro 31:36

Lêro Yakôbo anacibâ burhè, akalihira Labani. Yakôbo abwîra Labani ntya: «Bici ntumwire, kubî kuci najizire obu wanshimbulula ntya?

Migani 22:24

Orhayinjibanaga omuntu okunira bwenêne, orhakaz’îgigenda n’omuntu ôbà burhè duba.

Muhanûzi 7:9

Orhahîra okacîdîrhibula duba-duba, bulyâla murhima gwa musirhe gubà mwo entanya.

Muhanûzi 9:3

Kubî okwôla, okubona obuzinda bw’ebijirwa hano igulu byoshi buli buguma kuli boshi n’okubona omurhima gw’omuntu guyunjwîre mababale, n’okubona isirhe libîkîrwe abantu amango bacizîne n’e nyumpa amango bamâfà wâni!

Yeremiya 17:9

Omurhima gwo guyengeha gwarhalusa, gucigwerhage n’oburhebanyi, ndi wakagumanya?

Mateyo 27:23

Ashub’idôsa olubaga, erhi: «Kubî kuci ajizire?» Banaciyâma kulusha, mpu: «Abambwe oku musalaba!»

Luka 23:22

Ashub’ibabwîra o­bwa kasharhu, erhi: «Ewe, kubî kuci ajizire? Ntâco cikwânîne okufà namu­bwînekwo. Kuziga nkola namuhana ngal’imulîka».

Yowane 7:51

«K’irhegeko lîrhu linatwîre omuntu barhanaj’imuyumva n’okumanyirira eci ajizire?»

1 Samweli 18:11

Saulu aderha, erhi: «Nkola natumirha Daudi itumu limuhangire kula nyasi». Ci Daudi abaduka acîzibuka ye kabirhi kabirhi.

1 Samweli 19:4

Yônatani anacishambaza îshe Saulu oku biyêrekîre Daudi, anacimubwîra, erhi: «Mâshi mwâmi amanye akajira ecâha omu kuyîrha omurhumisi wâge Daudi, bulya yêne ntà mabî akujirîre. Ciru na kandi, kali ebijiro byâge byoshi biri bya bunguke bunene emwâwe.

1 Samweli 19:5

Afulumusire olufù erhi ayîrha olya mufilistini, na ntyo Nyamubâho ayôkola Israheli erhi ye orhuma, Wêne wabwîne okwôla koshi wanasîma bwenêne. Kurhigi wankacihumâna n’omukò gw’omuntu mwêru-kwêru, omu kuyîrha Daudi buzira igwârhiro».

1 Samweli 20:1

Daudi ashubiyâka kurhenga e Nayoti omu Rama n’erhi agaluka ashubidôsa Yônatani, erhi: «Mbwîra nâni bici najizire, bubî buci, câha cici najirîre sho obu ahivulwîre obuzîne bwâni ntya?».

1 Samweli 20:7

“Akaderha erhi: kwoko, mwambali wâwe anabà n’omurhûla. Ci kwône erhi wankabona akunira bwenêne, onamanye oku niono mwambali wâwe nahigirwe okufà”.

1 Samweli 22:14

Ahimeleki ashuza mwâmi amubwîra, erhi: «Ombwîre nâni ndi omu barhumisi bâwe oli aka omwîkubagirwa Daudi mukwî wa Mwâmi, murhambo wa abasirika balanga mwâmi yêne na kandi muntu ojire irenge bwenêne omu mulala gwâge?